RBI Penalty on PNB: RBI એ દેશની બીજી સૌથી મોટી જાહેર ક્ષેત્રની બેન્ક પંજાબ નેશનલ બેન્ક સામે મોટી કાર્યવાહી કરી છે. રિઝર્વ બેન્કે PNB પર 1.31 કરોડ રૂપિયાનો ભારે દંડ લગાવ્યો છે. રિઝર્વ બેન્કે KYC સંબંધિત નિયમો અને 'લોન અને એડવાન્સ' સંબંધિત નિયમોનું પાલન કરવા બદલ બેન્ક સામે આ કાર્યવાહી કરી છે. સેન્ટ્રલ બેન્કે 31 માર્ચ, 2022 સુધીની નાણાકીય સ્થિતિ અંગે PNBની તપાસ કરી હતી. આ પછી આરબીઆઈ દ્વારા આ મામલે બેન્કને નોટિસ આપવામાં આવી હતી.
બેન્ક પર શા માટે દંડ ફટકારવામાં આવ્યો?
રિઝર્વ બેન્કને તેની તપાસમાં જાણવા મળ્યું છે કે PNBએ રાજ્ય સરકાર હેઠળના કોર્પોરેશનોને સબસિડી, રિફંડ અને રિએમ્બર્સમેન્ટ દ્વારા સરકાર પાસેથી મળેલી રકમના બદલામાં વર્કિંગ કેપિટલ ડિમાન્ડ લોન આપી હતી. આ સાથે PNB તેના કેટલાક ખાતાઓમાં ગ્રાહકોની વિગતો અને સરનામા સંબંધિત માહિતી જાળવવામાં નિષ્ફળ રહી છે. આવી સ્થિતિમાં ગ્રાહકોની KVEC સંબંધિત વિગતોને જાળવી ન રાખવા બદલ બેન્ક પર દંડ પણ લગાવવામાં આવ્યો છે. RBIએ PNB પર કુલ 1.31 કરોડ રૂપિયાનો દંડ લગાવ્યો છે.
ગ્રાહકો પર તેની કેટલી અસર થશે?
પંજાબ નેશનલ બેન્ક સામે કાર્યવાહી કરતી વખતે રિઝર્વ બેન્કે કહ્યું છે કે નિયમનકારી કારણોસર બેન્ક પર દંડ લગાવ્યો છે અને બેન્કની આંતરિક કામગીરીમાં દખલ કરવાનો રિઝર્વ બેન્કનો કોઈ ઈરાદો નથી. આવી સ્થિતિમાં આ દંડથી બેન્કના ગ્રાહકો પર કોઈ અસર થવાની નથી.
આરબીઆઈએ આ બેન્કનું લાયસન્સ રદ કર્યું છે
રિઝર્વ બેન્કે કર્ણાટક સ્થિત શિમશા સહકાર બેન્કનું લાયસન્સ પણ રદ કરવાનો નિર્ણય લીધો છે. સેન્ટ્રલ બેન્કના જણાવ્યા અનુસાર બેન્કની નાણાકીય સ્થિતિ ખરાબ થઈ ગઈ હતી. જેના કારણે 5 જૂલાઈ 2024થી બેન્કનું લાયસન્સ રદ કરવામાં આવ્યું છે. બેન્કમાં 5 લાખ રૂપિયા સુધીની જમા રકમ ધરાવતા ગ્રાહકોને DICGC હેઠળ 100 ટકા રકમ મળશે. આરબીઆઈએ માહિતી આપી છે કે બેન્કના 99.96 ટકા ગ્રાહકોને તેમની સંપૂર્ણ રકમ DICGC દ્વારા મળશે.