Petrol Diesel Price: ક્રૂડમાં ઘટાડો યથાવત, શું દેશમાં સસ્તુ થયુ પેટ્રૉલ, જાણો

કાચા તેલની કિંમતોને જોઇએ તો ડબલ્યૂટીઆઇ ક્રૂડ 103.5 ડૉલર પ્રતિ બેરલના રેટ પર વેચાઇ રહ્યુ છે અને બેન્ડ ક્રૂડ 107.2 ડૉલર પ્રતિ બેરલના રેટ પર દેખાઇ રહ્યું છે. 

Petrol Diesel Price: વાહન ઇંધણ એટલે કે પેટ્રૉલ ડીઝલના તાજા રેટ આજે જાહેર થઇ ગયા છે, અને આમાં કોઇપણ રીતની રાહત મળતી નથી દેખાઇ રહી. આજે પણ પેટ્રૉલ-ડીઝલની કિંમતો સ્થિત છે. સતત બે મહિના થવા આવ્યા જોકે સરકારે ઓઇલ માર્કેટિંગ કંપનીઓ ઇંધણની કિંમતોમાં કોઇ ઘટાડો કે વધારો નથી કર્યો.

કાચા તેલની કિંમતોને જોઇએ તો ડબલ્યૂટીઆઇ ક્રૂડ 103.5 ડૉલર પ્રતિ બેરલના રેટ પર વેચાઇ રહ્યુ છે અને બેન્ડ ક્રૂડ 107.2 ડૉલર પ્રતિ બેરલના રેટ પર દેખાઇ રહ્યું છે. 

ચાર મુખ્ય મહાનગરોમાં આજે પેટ્રૉલ-ડીઝલના તાજા રેટ - 
રાષ્ટ્રીય રાજધાની દિલ્હીમાં આજે પેટ્રૉલ 96.72 રૂપિયા અને ડીઝલ 89.62 રૂપિયા પ્રતિ લીટરના રેટ પર મળી રહ્યું છે. આજે મહારાષ્ટ્રની રાજધાની મુંબઇમાં પેટ્રૉલ 106.31 રૂપિયા પ્રતિ લીટર પર મળી રહ્યું છે. વળી, ડીઝલ 94.27 રૂપિયા પ્રતિ લીટરના રેટ પર મળી રહ્યું છે. ચેન્નાઇમાં પેટ્રૉલ 102.63 રૂપિયા અને ડીઝલ 94.24 રૂપિયા પ્રતિ લીટરના રેટ પર મળી રહ્યું છે. કોલકત્તામાં પેટ્રૉલ 106.03 રૂપિયા અને ડીઝલ 92.76 રૂપિયા પ્રતિ લીટરના રેટ પર મળી રહ્યું છે. બેંગ્લુરુમાં પેટ્રૉલ 101.94 રૂપિયા અને ડીઝલ 87.89 રૂપિયા પ્રતિ લીટરના રેટ પર મળી રહ્યું છે.  

ક્રૂડ ઓયલની વૈશ્વિક કિંમતોમાં આવેલા ઘટાડાને જોતા સરકારે પેટ્રોલિયમ ઉત્પાદનોની નિકાસ પર હાલમાં જ લગાવેલા ટેક્સને ઘટાડી દીધો છે. સરકારે ફક્ત ત્રણ અઠવાડીયા પહેલા પેટ્રોલ અને ડીઝલ તથા વિમાન ઈંધણની નિકાસ પર વિંડફોલ ટેક્સ લગાવ્યો હતો. સરકારના આ નિર્ણયથી પેટ્રોલિયમ ઉત્પાદનોની સૌથી મોટી ભારતીય નિકાસ કરતી કંપની રિલાયન્સ ઈંડસ્ટ્રીઝ સહિત ઓએનજીસી જેવી સરકાર તેલ કંપનીઓને પણ ફાયદો થવાનો છે. 

સરકારના એક તાજેતરના નોટિફિકેશન અનુસાર, ડીઝલ અને વિમાન ઈંધણ પર વિંડફોલ ટેક્સને 2 રૂપિયા પ્રતિ લીટર ઘટાડી દીધો છે. તો વળી પેટ્રોલના કિસ્સામાં 6 રૂપિયા પ્રતિ લિટરના દરથી લાગી રહેલા વિંડફોલ ટેક્સને સંપૂર્ણ હટાવી દીધો છે. આ ઉપરાંત ઘરેલૂ સ્તર પર ઉત્પાદિત થઈ રહેલા ક્રૂડ ઓયલની નિકાસ પર ટેક્સને લગભગ 27 ટકા ઘટાડીને હવે 17 હજાર રૂપિયા પ્રતિ ટન કરી દેવામાં આવ્યું છે. બ્લૂમબર્ગે સૌથી પહેલા અઠવાડીયાના ગુરૂવારે જણાવ્યું હતું કે, ભારત સરકારે હાલમાં જ લગાવેલા વિંડફોલ ટેક્સને ઘટાડવા પર વિચાર કરી શકે છે. 

આ પણ વાંચો......