નવેમ્બર મહિનો પૂરો થવા જઈ રહ્યો છે અને 2 દિવસ પછી ડિસેમ્બર શરૂ થવા જઈ રહ્યો છે. દર મહિનાની જેમ ડિસેમ્બર મહિનો પણ ઘણા મોટા ફેરફારો લઈને આવી રહ્યો છે. આ ફેરફારો પ્રથમ તારીખથી અમલમાં આવશે અને દરેક લોકોના ખિસ્સાને અસર કરશે. પહેલી ડિસેમ્બરે એલપીજી ગેસ સિલિન્ડરની કિંમત અને ક્રેડિટ કાર્ડના નિયમો સહિત ઘણા ફેરફાર થવા જઈ રહ્યા છે.
એલપીજી સિલિન્ડરની કિંમત
સામાન્ય રીતે દર મહિનાની પહેલી તારીખે સરકાર એલપીજીના ભાવમાં ફેરફાર કરે છે. કોમર્શિયલ ગેસ સિલિન્ડર અને એલપીજીના ભાવમાં ફેરફાર જોવા મળી રહ્યા છે. આવી સ્થિતિમાં આ વખતે પણ એલપીજી સિલિન્ડરની કિંમતમાં ફેરફારની આશા છે. ઓક્ટોબર મહિનામાં ગેસ કંપનીઓએ 19 કિલોના કોમર્શિયલ એલપીજી સિલિન્ડરના ભાવમાં 48 રૂપિયાનો વધારો કર્યો હતો, જ્યારે ઘરેલું ગેસ સિલિન્ડરના ભાવમાં કોઈ ફેરફાર કરવામાં આવ્યો નથી.
SBI ક્રેડિટ કાર્ડના નિયમોમાં મોટો ફેરફાર
જો તમે ડિજિટલ ગેમિંગ પ્લેટફોર્મ/વેપારી સાથે સંબંધિત ટ્રાન્જેક્શન માટે ક્રેડિટ કાર્ડનો ઉપયોગ કરો છો તો તમારે સાવધાન રહેવાની જરૂર છે. વાસ્તવમાં દેશની સૌથી મોટી બેન્ક સ્ટેટ બેન્ક ઓફ ઈન્ડિયા (SBI) એ તેના ક્રેડિટ કાર્ડ યુઝર્સને ફરી એક મોટો ઝટકો આપ્યો છે. SBI કાર્ડની વેબસાઈટ મુજબ, 1 ડિસેમ્બર, 2024 થી, તેના ક્રેડિટ કાર્ડ્સ ડિજિટલ ગેમિંગ પ્લેટફોર્મ/વેપારી સાથે સંબંધિત વ્યવહારો પર રિવોર્ડ પોઈન્ટ ઓફર કરશે નહીં.
17 દિવસથી બેન્કોમાં કામ નથી
ભારતીય રિઝર્વ બેન્કે ડિસેમ્બર માટે બેન્ક હોલિડે લિસ્ટ જાહેર કર્યું છે. આ હિસાબે ડિસેમ્બરમાં કુલ 17 દિવસની બેન્ક રજાઓ રહેશે. આવી સ્થિતિમાં સારું રહેશે કે તમે ડિસેમ્બરમાં બાકી રહેલા કામ માટે બ્રાન્ચમાં જતા પહેલા બેન્કની રજાઓની સૂચિ તપાસો.
ટ્રેસેબિલિટી નિયમો 1 ડિસેમ્બરથી અમલમાં આવશે
દેશના ટેલિકોમ રેગ્યુલેટર TRAIએ સ્કૈમ અને ફિશિંગને રોકવા માટે OTP સહિત કોમર્શિયલ મેસેજ માટે નવા ટ્રેસેબિલિટી નિયમોની સમયમર્યાદા 1 ડિસેમ્બર, 2024 સુધી લંબાવી છે. અગાઉ આ નિયમ 1 નવેમ્બર 2024થી અમલમાં આવવાનો હતો.
PAN Update: નવા પાન કાર્ડને લઇને નાણામંત્રાલયે આપ્યા તમામ સવાલના જવાબ, પાનકાર્ડ ધારકોએ જાણવા જરૂરી