Solar AC: ઉનાળો આવતા જ લોકો એસી, કુલર અને પંખાનો ઉપયોગ કરવા લાગે છે. ખતરનાક ગરમીથી બચવા માટે મોટાભાગના લોકો ઘરમાં એસી ચલાવે છે. જો કે, ક્યારેક પાવર કટના કારણે એસી બંધ થઈ જાય છે અને લોકો ગરમીથી પરેશાન થાય છે. આ સિવાય વધુ એસી ચલાવવાથી પણ વધુ વીજળીનું બિલ આવે છે. આવી સ્થિતિમાં લોકો ચિંતિત રહે છે. આજે અમે તમને જણાવી રહ્યા છીએ કે તેનાથી કેવી રીતે છૂટકારો મેળવવો. તમે ઘરે સોલાર એસી લગાવી શકો છો, જે તમારા તમામ ટેન્શનને દૂર કરી દેશે.
આટલા ટનની સોલર એસી
સોલાર એસી વોલ્ટેજ અને પાવર આઉટેજની સમસ્યામાંથી રાહત આપે છે અને તે વીજળીના બિલને પણ ઓછું કરે છે. તમે સોલર એસી ઓનલાઈન અને ઓફલાઈન બંને રીતે ખરીદી શકો છો. 0.8 ટન, 1 ટન, 1.5 ટન અને 2 ટનના એસી બજારમાં ઉપલબ્ધ થશે. જો તમે ઇચ્છો તો તમે સ્પ્લિટ અથવા વિન્ડો સોલર એસી ખરીદી શકો છો. 2019 થી અત્યાર સુધીમાં સોલર ACની કિંમતમાં લગભગ 40 ટકાનો વધારો થયો છે.
સોલર એસીની કિંમત
તેની કિંમત બ્રાન્ડ અને કદ પર આધારિત છે. જો AC 1 ટનનું હોય તો તેની કિંમત 50 હજારથી લઈને 1 લાખ રૂપિયા સુધીની હોઈ શકે છે. જો 1.5 ટનનું AC હોય તો તેની કિંમત લગભગ 2 લાખ રૂપિયા થાય છે. જો તમે 5 કિલોવોટની સોલાર સિસ્ટમ લગાવો છો તો તેના પર તમને 3 લાખથી 5 લાખ રૂપિયાનો ખર્ચ થશે. સોલર એસી ઓનલાઈન ખરીદવા માટે તમે તેને ઈ-કોમર્સ સ્ટોરમાંથી પણ ખરીદી શકો છો.
સોલાર એસી ના ફાયદા
જો તમે તમારા ઘરમાં સોલર એસી લગાવો છો તો તેનાથી વીજળીનું બિલ ઘટશે અને દર મહિને પૈસાની બચત થશે. તમે દિવસમાં 4 કલાક AC ચલાવીને દર મહિને 4000 રૂપિયા સુધીની બચત કરી શકો છો. સોલાર એસીના મેઈન્ટેનન્સ ચાર્જ પણ અન્ય એસીની સરખામણીએ ઓછો છે. સોલર એસી ઓછો ઘોંઘાટ કરે છે. જેઓ પર્યાવરણ પ્રત્યે જાગૃત છે અને પૈસા બચાવવા માંગે છે તેમના માટે સોલર એસી એક સારો વિકલ્પ છે.