Stock Market Closing, 16th March, 2023: ભારતીય શેરબજાર માટે કારોબારી સપ્તાહનો ચોથો દિવસ શુકનવંતો રહ્યો. સળંગ પાંચ દિવસના ઘટાડા બાદ આજે શેરબજાર વધારા સાથે બંધ રહ્યું.
આજે કેટલો થયો વધારો
ભારતીય શેરબજારનો સૂચકાંક સેન્સેક્સ 78.94 પોઇન્ટના વધારા સાથે 57,634.84 પોઇન્ટ અને નિફ્ટી 22.75ના વધારા સાથે 17861.54 પર બંધ રહ્યા. આજના સામાન્ય વધારા બાદ રોકાણકારોની સંપત્તિ 256.21 લાખ કરોડ થઈ છે. ભારતીય શેરબજાર બુધવારે 344.29 પોઇન્ટના ઘટાડા સાથે 57555.90 પોઇન્ટ પર અને નિફ્ટી 71.15 પોઇન્ટના ઘટાડા સાથે 16,972.15 પર બંધ રહ્યા હતા. મંગળવારે ભારતીય શેરબજાર આજે 337.66 પોઇન્ટના ઘટાડા સાથે 57,900.19 પોઇન્ટ પર અને નિફ્ટી 113.05 પોઇન્ટના ઘટાડા સાથે 17922.48 પોઇન્ટ પર બંધ રહ્યા હતા. સોમવારે સેન્સેક્સ 897.25 પોઇન્ટના કડાકા સાથે 58,237.85 પોઇન્ટ પર અને નિફ્ટી 271.68 પોઇન્ટના ઘટાડા સાથે 18035.53 પર બંધ રહ્યા હતા.
સેક્ટર અપડેટ
આજના કારોબારમાં એફએમસીજી, એનર્જી, બેન્કિંગ, ફાર્મા, મીડિયા, હેલ્થકેર, કન્ઝ્યુમર ડ્યુરેબલ્સ, ઓઈલ અને ગેસ સેક્ટરના શેરોમાં તેજી જોવા મળી હતી. ઓટો સેક્ટરના શેરમાં પણ ખરીદી જોવા મળી હતી. પરંતુ આઈટી, મેટલ્સ સેક્ટરના શેર ઘટાડા સાથે બંધ થયા હતા. મિડકેપ શેરો તેજી સાથે બંધ થયા જ્યારે સ્મોલ કેપ શેરોમાં ઘટાડો થયો.
વધેલા-ઘટેલા શેર્સ
આજના કારોબારમાં નેસ્લે 2.54 ટકા, એશિયન પેઇન્ટ્સ 2.32 ટકા, HUL 2.23 ટકા, ટાઇટન કંપની 2.21 ટકા, સન ફાર્મા 1.66 ટકા, પાવર ગ્રીડ 1.60 ટકા, SBI 1.35 ટકાના ઉછાળા સાથે બંધ થયા હતા. તો ટાટા સ્ટીલ 3.31 ટકા, ઇન્ડસઇન્ડ બેન્ક 2.31 ટકા, ભારતી એરટેલ 0.98 ટકા, ઇન્ફોસિસ 0.93 ટકા ઘટીને બંધ થયા હતા.
રોકાણકારોની સંપત્તિમાં ઉછાળો
શેરબજારમાં આવેલી તેજીના કારણે રોકાણકારોની સંપત્તિમાં તેજી આવી છે. BSE પર લિસ્ટેડ કંપનીઓનું માર્કેટ કેપ રૂ. 256.21 લાખ કરોડ સુધી પહોંચી ગયું છે, જ્યારે બુધવારે માર્કેટ કેપ રૂ. 255.90 લાખ કરોડ હતું. એટલે કે આજના ટ્રેડિંગ સેશનમાં રોકાણકારોની સંપત્તિમાં રૂ. 31,000 કરોડનો વધારો થયો છે.
આજે કેવી થઈ હતી શરૂઆત
આજે બીએસઈનો સેન્સેક્સ ગઈકાલના 57555.9ની સામે 45.10 પોઈન્ટ ઘટીને 57510.8 પર ખુલ્યો હતો જ્યારે નિફ્ટી ગઈકાલના 16972.15ની સામે 22.50 પોઈન્ટ વધીને 16994.65 પર ખુલ્યો હતો. બેંક નિફ્ટીની વાત કરીએ તો તે ગઈકાલના 39051.5ની સામે 10.20 પોઈન્ટ વધીને 39061.7 પર ખુલ્યો હતો.
વર્ષ 2023 ભારતીય શેરબજાર માટે નિરાશાજનક
વર્ષ 2023 ભારતીય શેરબજારના રોકાણકારો માટે ખૂબ જ નિરાશાજનક રહ્યું છે. દરરોજ, બજારમાં ભારે ઘટાડાથી, તેમની કમાણીમાં ખાડો પડી રહ્યો છે. આંકડાઓ પર નજર કરીએ તો 2023ના અઢી મહિનામાં ભારતીય શેરબજારના રોકાણકારોને 26.50 લાખ કરોડ રૂપિયાનું નુકસાન થયું છે. 2022 ના છેલ્લા ટ્રેડિંગ દિવસે, BSE પર લિસ્ટેડ કંપનીઓનું માર્કેટ કેપ રૂ. 282.44 લાખ કરોડ હતું, જે અઢી મહિનામાં ઘટીને રૂ. 255.90 લાખ કરોડ પર આવી ગયું છે. એટલે કે, 2023 માં, આ સમયગાળા દરમિયાન 26.54 લાખ કરોડ રૂપિયાના માર્કેટ કેપમાં ઘટાડો થયો છે. એટલું જ નહીં, BSE પર લિસ્ટેડ કંપનીઓનું માર્કેટ કેપ હવે સાડા આઠ મહિના જૂના સ્તરની નજીક પહોંચી ગયું છે. 19 જુલાઈ, 2022 ના રોજ, BSE પર સૂચિબદ્ધ કંપનીઓનું માર્કેટ કેપ રૂ. 256 લાખ કરોડ હતું. જ્યારે 15 માર્ચે માર્કેટ કેપ 255.90 લાખ કરોડ રૂપિયા રહી ગયું છે. એટલે કે, 19 જુલાઈ પછી, રોકાણકારોએ તેમની કમાણી કરેલી તમામ રકમ ગુમાવી દીધી છે.
| ઈન્ડેક્સનું નામ | બંધ થવાનું સ્તર | ઉચ્ચ સ્તર | નિમ્ન સ્તર | બદલાવ ટકાવારીમાં |
| BSE Sensex | 57,689.52 | 57,887.46 | 57,158.69 | 00:03:19 |
| BSE SmallCap | 26,986.47 | 27,121.82 | 26,704.95 | -0.67% |
| India VIX | 16.22 | 17.36 | 13.95 | -0.48% |
| NIFTY Midcap 100 | 29,997.50 | 30,092.35 | 29,598.70 | 00:01:18 |
| NIFTY Smallcap 100 | 9,032.55 | 9,070.60 | 8,925.15 | -0.52% |
| NIfty smallcap 50 | 4,091.65 | 4,103.50 | 4,038.45 | -0.38% |
| Nifty 100 | 16,852.25 | 16,923.85 | 16,696.25 | 00:02:18 |
| Nifty 200 | 8,854.30 | 8,890.60 | 8,767.65 | 00:02:10 |
| Nifty 50 | 16,985.60 | 17,062.45 | 16,850.15 | 00:01:09 |