Stock Market Closing, 16th May, 2023: ભારતીય શેરબજાર માટે સપ્તાહનો બીજો કારોબારી દિવસ નિરાશાજનક રહ્યો. રોકાણકારોની વેચવાલીના કારણે શેરબજાર 400થી વધુ પોઈન્ટના કડાકા સાથે બંધ રહ્યું. સેન્સેક્સ 62,000થી નીચે સરકી ગયો છે. આજના કડાકા બાદ રોકાણકારોની સંપત્તિ ઘટીને 278.11 લાખ કરોડ થઈ છે. ઓટો અને મેટર શેર્સ પર આજે દબાણ જોવા મળ્યું હતું.
આજે કેવી રહી ચાલ
ભારતીય શેરબજારનો સૂચકાંક સેન્સેક્સ આજે 413.24 પોઈન્ટના કડાકા સાથે 61932.47 પોઇન્ટ પર અને નિફ્ટી 112.35 પોઇન્ટના ઘટાડા સાથે 18286.50 પોઈન્ટ પર બંધ રહ્યા. સોમવારે સેન્સેક્સ 317.81 પોઇન્ટના વધારા સાતે 62,345.71 પોઇન્ટ અને નિફ્ટી 84.05 પોઇન્ટના વધારા સાથે 18398.85 પોઇન્ટ પર બંધ થયા હતા.
શેરબજારમાં કેમ બોલ્યો કડાકો
રોકાણકારોની નફાવસૂલી અને બેંકિંગ સ્ટોક્સમાં વેચવાલીના કારણે આજે શેરબજારમાં કડાકો બોલ્યો. બેન્કિંગ, ઓટો, એફએમસીજી, મેટલ, ફાર્મા, બેંક, રિયલ્ટી શેર પર વેચવાલીનું દબાણ જોવા મળ્યું. જ્યારે આઈટી, પીએસયુ બેંક અને કંઝ્યુમર ડ્યુરેબલ્સ શેરોમાં વધારો જોવા મળ્યો. કોટક મહિન્દ્રા બેંક, ટાટા મોટર્સ, એમએન્ડએમ, અપોલો હોસ્પિટલ, રિલાયન્સ મુખ્ય ઘટનારા શેર રહ્યા. જ્યારે બીપીસીએલ, કોલ ઈન્ડિયા, ઓએનજીસી, બજાજ ફાયનાન્સ, એનટીપીસી, એસબીઆઈ વધનારા શેર્સ હતા. 1790 શેર વધ્યા હતા, જ્યારે 1627 શેર ઘટ્યા હતા, 132 શેરમાં કોઈ બદલાવ થયો નહોતો.
સેક્ટરની સ્થિતિ
આજના કારોબારમાં બેન્કિંગ, ઓટો, ફાર્મા, એફએનસીજી, મેટલ્સ, મીડિયા, એનર્જી, ઈન્ફ્રા, હેલ્થકેર, ઓઈલ એન્ડ ગેસ સેક્ટરના શેર ઘટીને બંધ રહ્યા હતા. જ્યારે આઈટી, સરકારી બેંકો અને કન્ઝ્યુમર ડ્યુરેબલ્સ સેક્ટરના શેરોમાં તેજી જોવા મળી હતી. સેન્સેક્સના 30 શેરોમાંથી 13 વધીને અને 17 ઘટીને બંધ રહ્યા હતા. જ્યારે નિફ્ટીના 50 શેરોમાંથી 19 શેર વધીને અને 31 ઘટીને બંધ રહ્યા હતા. બજારમાં ઘટાડો થયો હોવા છતાં, મિડ-કેપ ઇન્ડેક્સ લાભ સાથે બંધ થયો હતો જ્યારે સ્મોલ-કેપ ઇન્ડેક્સ નીચે બંધ રહ્યો હતો.
વધેલા ઘટેલા શેર્સ
આજના કારોબારમાં બજાજ ફાઈનાન્સ 0.98 ટકા, એસબીઆઈ 0.88 ટકા, એનટીપીસી 0.85 ટકા, એચયુએલ 0.51 ટકા, ઈન્ફોસીસ 0.43 ટકા, ટાઇટન કંપની 0.43 ટકા, બજાજ ફિનસર્વ 0.40 ટકા, વિપ્રો 7 ટકાના વધારા સાથે બંધ થયા છે. જ્યારે HDFC 2.21 ટકા, ટાટા મોટર્સ 1.84 ટકા, HDFC બેન્ક 1.76 ટકા, મહિન્દ્રા એન્ડ મહિન્દ્રા 1.70 ટકા, કોટક મહિન્દ્રા બેન્ક 1.57 ટકા, ભારતી એરટેલ 1.52 ટકા, મારુતિ સુઝુકી 1.43 ટકા ઘટીને બંધ થયા છે.
સવારે કેવી થઈ હતી શરૂઆત
આજે સવારે સેન્સેક્સ 31.18 પોઈન્ટ અથવા 0.05% ઘટીને 62,314.53 પર અને નિફ્ટી 1.30 પોઈન્ટ અથવા 0.01% ઘટીને 18,397.50 પર હતો. લગભગ 1397 શેર વધ્યા, 469 શેર ઘટ્યા અને 101 શેર યથાવત હતા. જ્યારે ONGC, હિન્દાલ્કો ઈન્ડસ્ટ્રીઝ, SBI લાઈફ ઈન્સ્યોરન્સ, વિપ્રો અને ઈન્ફોસીસ નિફ્ટીમાં ટોપ ગેઈનર્સ હતા, જ્યારે HDFC, HDFC બેંક, બ્રિટાનિયા ઈન્ડસ્ટ્રીઝ, લાર્સન એન્ડ ટુબ્રો અને UPL ટોપ લુઝર્સ હતા.
રોકાણકારોને નુકસાન
આજના ટ્રેડિંગ સેશનમાં ઘટાડાથી રોકાણકારોને નુકસાન થયું છે. BSE પર લિસ્ટેડ કંપનીઓનું માર્કેટ કેપ ઘટીને રૂ. 278.11 લાખ કરોડ થયું છે, જે સોમવારે રૂ. 278.98 લાખ કરોડ હતું. એટલે કે આજના સત્રમાં રોકાણકારોને રૂ.87,000 કરોડનું નુકસાન થયું છે.
| ઈન્ડેક્સનું નામ | બંધ થવાનું સ્તર | ઉચ્ચ સ્તર | નિમ્ન સ્તર | બદલાવ ટકાવારીમાં |
| BSE Sensex | 61,891.27 | 62,475.95 | 61,889.33 | -0.73% |
| BSE SmallCap | 29,792.98 | 29,952.90 | 29,790.75 | 0.10% |
| India VIX | 13.29 | 13.49 | 11.71 | 0.91% |
| NIFTY Midcap 100 | 32,792.85 | 33,044.80 | 32,766.85 | 0.26% |
| NIFTY Smallcap 100 | 9,885.45 | 9,953.95 | 9,873.05 | -0.02% |
| NIfty smallcap 50 | 4,489.05 | 4,522.85 | 4,483.00 | -0.17% |
| Nifty 100 | 18,162.25 | 18,291.70 | 18,141.70 | -0.52% |
| Nifty 200 | 9,560.95 | 9,625.10 | 9,550.65 | -0.42% |
| Nifty 50 | 18,286.50 | 18,432.35 | 18,264.35 | -0.61% |