Stock Market Update: શેરબજારમાં આજે 2022નું પ્રથમ ટ્રેડિંગ સેશન છે અને શેરબજારમાં ફૂલગુલાબી તેજી જોવા મળી રહી છે. સેન્સેક્સ અને નિફ્ટી બંને 1-1 ટકાના વધારા સાથે કારોબાર કરી રહ્યા છે. બજાર દિવસના ઉચ્ચ સ્તરે કારોબાર કરી રહ્યું છે. આજે સવારે શેરબજારની શરૂઆત સકારાત્મક ટ્રેડિંગ સાથે થઈ છે અને સેન્સેક્સ-નિફ્ટી બંને 0.5 ટકાથી વધુ ઊંચા વેપાર કરી રહ્યા છે.
સવારે 11.15 વાગ્યે શેરબજારમાં વેપાર
સવારે 11:15 વાગ્યે એટલે કે બજાર ખૂલ્યાના બે કલાક બાદ સેન્સેક્સમાં લગભગ 600 પોઈન્ટનો ઉછાળો જોવા મળી રહ્યો છે અને નિફ્ટીમાં પણ લગભગ 1 ટકાનો ઉછાળો જોવા મળી રહ્યો છે. આ સમયે સેન્સેક્સ 580.27 પોઈન્ટ્સ અથવા 1.00 ટકાના વધારા સાથે 58,834.09 પર ટ્રેડ થઈ રહ્યો છે. બીજી તરફ નિફ્ટી 168.85 પોઈન્ટ અથવા 0.97 ટકાના વધારા સાથે 17,522.90 પર ટ્રેડ કરી રહ્યો છે.
નિફ્ટી શેર્સ
આજે નિફ્ટીના 50 શેરોમાંથી 41 શેરોમાં તેજી સાથે કારોબાર થઈ રહ્યો છે, જ્યારે 9 શેરોમાં ઘટાડો જોવા મળી રહ્યો છે. આઇશર મોટર્સ 4.36 ટકા, કોલ ઇન્ડિયા 4.14 ટકા અને ટાટા મોટર્સ 2.85 ટકા વધ્યા હતા. બજાજ ફિનસર્વમાં 2.13 ટકા અને TCS 2.10 ટકાનો ઉછાળો જોવા મળી રહ્યો છે.
શેરોમાં ઘટાડો
સિપ્લામાં 1.54 ટકા અને ડૉ. રેડ્ડીઝ લેબ્સમાં 0.75 ટકાનો ઘટાડો જોવા મળી રહ્યો છે. Divi's Lab 0.7 ટકા અને M&M 0.57 ટકાનો ઘટાડો નોંધાવી રહી છે. દિગ્ગજ ટાઈટનનો શેર 0.3 ટકા નીચે ટ્રેડ થઈ રહ્યો છે.
બેંક નિફ્ટીમાં જોરદાર ઉછાળો
બેન્ક નિફ્ટી 468.05 પોઈન્ટ અથવા 1.32 ટકાના મોટા ઉછાળા સાથે 35,949 ના સ્તર પર કારોબાર કરી રહ્યો છે. રિયલ્ટી શેરોમાં 1.72 ટકા અને ઓટો શેરોમાં 1.4 ટકાની સારી વૃદ્ધિ જોવા મળી રહી છે અને તેના આધારે આજે શેરબજારમાં તેજી સાથે કારોબાર થઈ રહ્યો છે.