Stock Market Closing: ભારતીય શેરબજાર આજે ઐતિહાસિક ઊંચાઈ પર પહોંચ્યા બાદ ઉપલા સ્તરથી થોડું નીચે બંધ થયું હતું. આજે શેરબજારના બંધમાં BSE સેન્સેક્સ માત્ર 14.57 પોઈન્ટ ઘટીને 84,914.04 ના સ્તરે અને NSE નિફ્ટી 1.35 પોઈન્ટ વધીને 25,940.40 ના સ્તરે બંધ રહ્યો હતો. બજારમાં આ લેવલ આ સમયે સ્થાનિક શેરબજારની મજબૂતાઈ દર્શાવે છે અને શેરબજાર માટે આ સુવર્ણ સમયગાળો છે.
શેરબજારમાં આજે રેકોર્ડ હાઈ લેવલ જોવા મળ્યું
બપોરે 3 વાગ્યે, ભારતીય શેરબજારે ઐતિહાસિક રેકોર્ડ બનાવ્યો છે અને નિફ્ટીએ પ્રથમ વખત 26,000ને પાર કર્યો હતો. નિફ્ટીએ 37 ટ્રેડિંગ સેશનમાં આ અદભૂત સિદ્ધિ હાંસલ કરી છે અને આ સમયગાળા દરમિયાન તે 25,000 થી 26,000 સુધી પહોંચી ગયો છે. નિફ્ટીએ 26,011.55ની વિક્રમી સપાટી હાંસલ કરી છે, જ્યારે નિફ્ટી બેન્ક પણ રેકોર્ડ ઉચ્ચ સ્તરે પહોંચી છે. બપોરે 3 વાગ્યે આ સ્તર જોવામાં આવ્યું છે અને સેન્સેક્સ પણ તેના ઓલ ટાઈમ હાઈ પર પહોંચી ગયો છે.
બેન્ક નિફ્ટીએ નવો લાઈફટાઈમ હાઈ બતાવ્યો
BSE સેન્સેક્સે 85,163.23 નો નવો હાઈ બનાવી લીધો છે અને આ ઓલ ટાઈમ હાઈ લેવલ પણ છે. આ સિવાય બેન્ક નિફ્ટીમાં 54,247.70ની નવી લાઇફટાઇમ હાઈ જોવા મળી છે અને આ શેરબજારને નવી ગતિ આપી રહી છે.
BSE સેન્સેક્સ શેરની સ્થિતિ
સેન્સેક્સના 30 શેરોમાંથી 14માં વધારો અને 16માં ઘટાડો જોવા મળી રહ્યો છે.
BSE નું માર્કેટ કેપિટલાઇઝેશન જાણો
BSEનું માર્કેટ કેપિટલાઇઝેશન 476.01 લાખ કરોડ રુપિયા પર આવી ગયું છે અને તેના લેવલમાં બહુ ફેરફાર જોવા મળી રહ્યો નથી કારણ કે તે ગઇકાલે 476.17 લાખ કરોડ રુપિયા પર ક્લોઝિંગ લેવલ બતાવ્યું હતું.
એસ્ટ્રાઝેનેકા ફાર્માના શેરમાં 12 ટકાનો જબરદસ્ત ઉછાળો
એસ્ટ્રાઝેનેકા ફાર્માના શેરમાં આજે 12 ટકાનો શાનદાર વધારો જોવા મળી રહ્યો છે અને તે 11.23 ટકા વધીને રૂ. 7506ના લેવલે જોવા મળી રહ્યો છે. કંપનીને ભારતમાં કેન્સરની દવા લોન્ચ કરવાની મંજૂરી મળી ગઈ છે અને આ સમાચાર પછી તેમાં જોરદાર ઉછાળો જોવા મળી રહ્યો છે.
મેટલ શેર્સમાં આજે જોરદાર ઉછાળો
આજે મેટલ શેરોમાં જોરદાર ઉછાળો જોવા મળ્યો હતો અને ચીનમાં RRRમાં ઘટાડાના સમાચાર બાદ ભારતીય મેટલ શેરોની ચમક વધી રહી છે. ટાટા સ્ટીલ, NMDC, હિન્ડાલ્કો જેવા શેરોમાં મજબૂત વધારો જોવા મળ્યો હતો, જેના કારણે મેટલ ઇન્ડેક્સ મજબૂત બંધ રહ્યો હતો.