Stock Market Today: RBI પોલિસી પહેલા શેરબજારમાં મંદીની ચાલ, સેન્સેક્સ 120 પોઈન્ટ ડાઉન, નિફ્ટી 17550 નીચે ખુલ્યો

બુધવારે અમેરિકન બજારોમાં મિશ્ર વલણ જોવા મળ્યું છે. OPEC+ દ્વારા ઉત્પાદન કાપને કારણે રોકાણકારો એલર્ટ પર છે.

Stock Market Today: આરબીઆઈ પોલિસી પહેલા આજે ભારતીય શેરબજારમાં મંદીની ચાલ જોવા મળી રહી છે. 

સેન્સેક્સ 123.63 પોઈન્ટ અથવા 0.21% ઘટીને 59,565.68 પર અને નિફ્ટી 31.40 પોઈન્ટ અથવા 0.18% ઘટીને 17,525.60 પર ખુલ્યો હતો. લગભગ 1190 શેર વધ્યા, 716 શેર ઘટ્યા અને 92 શેર યથાવત.

નિફ્ટીમાં આઇશર મોટર્સ, બીપીસીએલ, બજાજ ઓટો, અદાણી એન્ટરપ્રાઇઝિસ અને એક્સિસ બેન્ક સૌથી વધુ વધનારા સ્ટોક હતા. જ્યારે ટેક મહિન્દ્રા, એચસીએલ ટેક્નોલોજીસ, ઇન્ફોસિસ, હિન્દાલ્કો ઇન્ડસ્ટ્રીઝ અને કોટક મહિન્દ્રા બેન્ક સૌથી વધુ ઘટનારા સ્ટોક હતા. 

સેન્સેક્સ અને નિફ્ટી શેરોની ચાલ

આજે સવારે, બજાર ખુલ્યાની 5 મિનિટ પછી, 9.20 વાગ્યે, સેન્સેક્સના 30 માંથી માત્ર 9 શેર ઝડપી ટ્રેડ થઈ રહ્યા હતા. 21 શેરો ઘટાડા સાથે કારોબાર કરી રહ્યા છે. આ સિવાય નિફ્ટીના 50માંથી 18 શેરો તેજી સાથે ટ્રેડ થઈ રહ્યા છે અને 32 શેરોમાં ઘટાડો નોંધાઈ રહ્યો છે.

આજના કારોબારમાં બજારમાં વેચવાલી જોવા મળી રહી છે. બેન્ક, ફાઇનાન્સિયલ, આઇટી, મેટલ, ઓટો અને એફએમસીજી સૂચકાંકો નિફ્ટી પર લાલ નિશાનમાં છે. જ્યારે ફાર્મા ઈન્ડેક્સ લીલા નિશાનમાં છે. આજે હેવીવેઇટ શેરોમાં વેચવાલી જોવા મળી રહી છે. સેન્સેક્સ 30ના 10 શેરો લીલા નિશાનમાં છે અને 20 લાલ નિશાનમાં છે. આજના ટોપ ગેનર્સમાં POWERGRID, INDUSINDBK, LT, SUNPHARMA, SBIનો સમાવેશ થાય છે. જ્યારે ટોપ લૂઝર્સમાં TECHM, BAJFINANCE, HCLTECH, KOTAKBANK, INFY, WIPRO, HUL, TATAMOTORS નો સમાવેશ થાય છે.

નિફ્ટીના સેક્ટોરલ ઇન્ડેક્સની ચાલ

સેક્ટોરલ ઈન્ડેક્સમાં આજે માત્ર ઓટો, મીડિયા, હેલ્થકેર, ફાર્મા અને ઓઈલ એન્ડ ગેસ શેરો ઉપર છે અને બાકીના તમામ ઈન્ડેક્સ ઘટાડાના લાલ નિશાન સાથે ટ્રેડ થઈ રહ્યા છે. આઈટી શેર આજે 0.41 ટકાના સૌથી મોટા ઘટાડા સાથે ટ્રેડ થઈ રહ્યા છે. FMCG શેરમાં 0.40 ટકાનો ઘટાડો જોવા મળી રહ્યો છે.

બુધવારે અમેરિકન બજારોમાં મિશ્ર વલણ જોવા મળ્યું છે. OPEC+ દ્વારા ઉત્પાદન કાપને કારણે રોકાણકારો એલર્ટ પર છે. બુધવારે ડાઉ જોન્સ 80.34 અંક એટલે કે 0.24 ટકા વધીને 33,543.84 ના સ્તર પર બંધ થયો હતો. S&P 500 ઈન્ડેક્સ 10.22 પોઈન્ટ અથવા 0.25 ટકા ઘટીને 4,099.69 પર બંધ થયો હતો. નાસ્ડેકમાં 129.46 પોઈન્ટની નબળાઈ હતી અને તે 11,996.86ના સ્તરે બંધ રહ્યો હતો.

એસજીએક્સ નિફ્ટીમાં 0.22 ટકા અને નિક્કી 225માં 1.09 ટકાની નબળાઈ છે. જો સ્ટ્રેટ ટાઈમ્સમાં 0.30 ટકા નબળાઈ છે, તો હેંગસેંગ લગભગ સપાટ લાગે છે. તાઇવાન વેઇટેડ 0.41 અને કોસ્પી 0.69 ટકા નબળો પડ્યો છે. જ્યારે શાંઘાઈ કમ્પોઝિટ 0.17 ટકા ડાઉન છે. સતત વધારા બાદ બ્રેન્ટ ક્રૂડમાં ઘટાડો જોવા મળી રહ્યો છે. ક્રૂડ 0.6 ટકા ઘટીને $84.45 પ્રતિ બેરલ પર છે. જ્યારે અમેરિકન ક્રૂડ WTI પણ 0.7 ટકાના ઘટાડા સાથે $80.13 પ્રતિ બેરલ પર છે.