Stock Market Today: વૈશ્વિક બજારમાં ઉતાર-ચઢાવ વચ્ચે ભારતીય શેરબજારમાં આજે એટલે કે 12મી એપ્રિલે સપાટ શરૂઆત થઈ છે.
સેન્સેક્સ 5.62 પોઈન્ટ અથવા 0.01% ઘટીને 60,152.10 પર અને નિફ્ટી 9.90 પોઈન્ટ અથવા 0.06% વધીને 17,732.20 પર હતો. લગભગ 1311 શેર વધ્યા, 580 શેર ઘટ્યા અને 88 શેર યથાવત.
ડિવિસ લેબ્સ, JSW સ્ટીલ, SBI લાઇફ ઇન્સ્યોરન્સ, ટાટા કન્ઝ્યુમર પ્રોડક્ટ્સ અને સિપ્લા નિફ્ટીમાં સૌથી વધુ વધનારા સ્ટોક હતા. જ્યારે ઇન્ડસઇન્ડ બેન્ક, NTPC, કોટક મહિન્દ્રા બેન્ક, પાવર ગ્રીડ કોર્પોરેશન અને બજાજ ફાઇનાન્સ ઘટ્યા હતા.
આજે, ફાર્મા શેરોમાં DVની લેબમાં 4 ટકાનો ઉછાળો જોવા મળી રહ્યો છે અને બેન્કિંગ સ્ટોકમાં ICICI બેન્કમાં તેજી જોવા મળી રહી છે.
સેન્સેક્સ અને નિફ્ટીની સ્થિતિ કેવી છે
માર્કેટ ઓપનિંગની શરૂઆતની મિનિટો બાદ સેન્સેક્સ 60,300ની પાર ટ્રેડ કરી રહ્યો છે અને તેમાં 60,308.19ના લેવલ જોવા મળી રહ્યા છે. સેન્સેક્સમાં આજે 157થી વધુનો ઉછાળો જોવા મળી રહ્યો છે. બીજી તરફ તેના શેર પર નજર કરીએ તો 17 શેરના વધારા અને 13 શેરમાં ઘટાડા સાથે બિઝનેસ જોવા મળી રહ્યો છે. આજે નિફ્ટીના 50 શેરોમાંથી 31 શેરોમાં વૃદ્ધિનો લીલો નિશાન જોવા મળી રહ્યો છે અને 19 શેરો નબળાઈના લાલ નિશાન પર ટ્રેડ થઈ રહ્યા છે.
સેક્ટોરલ ઇન્ડેક્સ અને બેંક નિફ્ટીની ચાલ
આજે બેંક નિફ્ટી પણ થોડી સ્પીડ સાથે કારોબાર કરી રહ્યો છે અને 41400ને પાર કરી ગયો છે. ખાનગી બેન્કો અને એફએમસીજી શેરો જ આજે ઘટી રહેલા સેક્ટર છે અને અન્ય તમામ સૂચકાંકો વધીને ટ્રેડ થઈ રહ્યા છે. ફાર્મા શેર હાલમાં 1.06 ટકા અને હેલ્થકેર ઇન્ડેક્સ 0.92 ટકાનો વધારો દર્શાવે છે. રિયલ્ટી ઇન્ડેક્સમાં મજબૂતી છે અને તે 0.86 ટકાનો વધારો દર્શાવે છે.
એશિયન બજારોમાં થોડો વધારો જોવા મળ્યો છે. આજે સવારે SGX NIFTY અને DOW FUTURES ફ્લેટ રહ્યા હતા.
યુએસ ફ્યુચર આજે ફ્લેટ શરૂ થવાની શક્યતા છે. યુએસમાં આજે ફેડ મીટિંગની મિનિટ્સ સાથે ફુગાવાના ડેટા જાહેર કરવામાં આવશે.
જોકે, ફુગાવાના આંકડાની આગળ ગઈ કાલે યુએસ માર્કેટ સપાટ બંધ રહ્યું હતું. ડાઉ જોન્સ 0.29 ટકાના વધારા સાથે બંધ થયા છે. જો કે, S&P 11 માંથી 9 ક્ષેત્રોમાં નુકસાનને પગલે લગભગ સપાટ બંધ રહ્યો હતો. તે જ સમયે, નાસ્ડેક ઇન્ડેક્સમાં 0.43 ટકાનો ઘટાડો જોવા મળ્યો હતો.
યુએસ વ્યાજદરમાં નરમાઈની અપેક્ષાએ ક્રૂડ લગભગ 2% ઉછળ્યો અને ભાવ $85ને પાર કરી ગયો.
મંગળવારે એફઆઈઆઈ-ડીઆઈઆઈની ચાલ
મંગળવારે કેશ માર્કેટમાં વિદેશી રોકાણકારોએ સતત 8મા દિવસે ખરીદી કરી હતી. વિદેશી સંસ્થાકીય રોકાણકારોએ મંગળવારે રોકડ બજારમાં રૂ. 342 કરોડના શેરની ખરીદી કરી હતી. આ સાથે વિદેશી રોકાણકારોએ છેલ્લા 8 ટ્રેડિંગ સેશનમાં કુલ રૂ. 5,960 કરોડની ખરીદી કરી છે. જ્યારે સ્થાનિક સંસ્થાકીય રોકાણકારોએ ગઈકાલે રૂ. 264 કરોડના શેરનું વેચાણ કર્યું હતું.
11 એપ્રિલે બચાલની ચાલ કેવી હતી
સેન્સેક્સ-નિફ્ટી આજે 11 એપ્રિલના રોજ સતત 7મા દિવસે વધારા સાથે બંધ થયા છે. આઈટી સેક્ટરને બાદ કરતાં આજે બજારમાં ચારેબાજુ ખરીદી જોવા મળી હતી. જેના કારણે નિફ્ટી આજે 17700ની ઉપર બંધ થવામાં સફળ રહ્યો. કારોબારના અંતે સેન્સેક્સ 311.21 પોઈન્ટ એટલે કે 0.52 ટકાના વધારા સાથે 60157.72 પર બંધ થયો હતો. તે જ સમયે, નિફ્ટી 98.30 પોઈન્ટ એટલે કે 0.56 ટકાના વધારા સાથે 17722.30 ના સ્તર પર બંધ થયો હતો.