Stock Market Today: ભારતીય શેરબજાર આ સપ્તાહે સતત બીજા કારોબારી સત્રમાં દબાણ હેઠળ છે. ગયા અઠવાડિયે સતત ચાર સત્રોથી સેન્સેક્સમાં ઘટાડો જોવા મળ્યો હતો અને આ સમયગાળા દરમિયાન 2 હજારથી વધુ પોઈન્ટ ગુમાવ્યા હતા. આ અઠવાડિયે સારી શરૂઆત કરી અને બે સત્રમાં 1000થી વધુ પોઈન્ટનો વધારો કર્યો, પરંતુ છેલ્લા સત્રથી ફરી ઘટાડો દેખાઈ રહ્યો છે.
આજે બીએસઈનો સેન્સેક્સ ગઈકાલના 60,910.28ની સામે 281.99 પોઈન્ટ ઘટીને 60628.29 પર ખુલ્યો હતો જ્યારે નિફ્ટી ગઈકાલના 18,122.5ની સામે 76.80 પોઈન્ટ ઘટીને 18045.7 પર ખુલ્યો હતો. બેંક નિફ્ટીની વાત કરીએ તો તે ગઈકાલના 42,827.7ની સામે 142.80 પોઈન્ટ ઘટીને 42684.9 પર ખુલ્યો હતો.
ગઈકાલે શેરબજાર બંધ થયું ત્યારે બીએસઈ પર નોંધાયેલ તમામ કંપનીઓનું કુલ માર્કેટ કેપ 28112847 કરોડ રૂપિયા હતું જે આજે 1,13,1985 કરોડ રૂપિયા ઘટીને 27998862 પર આવી ગયું છે. આમ બજાર ખુલતાં જ રોકાણકારોને 1.13 લાખ કરોડ રૂપિયાનું નુકસાન થયું છે.
આજના કારોબારમાં ઓલ રાઉન્ડ વેચવાલી જોવા મળી રહી છે. બેન્ક અને આઈટી ઈન્ડેક્સ નિફ્ટી પર અડધા ટકા નબળો પડ્યો છે. ફાર્મા ઇન્ડેક્સ લીલા નિશાનમાં છે. નાણાકીય, મેટલ અને ઓટો ઈન્ડેક્સ સહિત અન્ય તમામ લાલ નિશાનમાં છે.
આજના ટોપ ગેઇનર્સ, ટોપ લુઝર્સ
આજના કારોબારમાં હેવીવેઇટ શેરોમાં વેચવાલી છે. સેન્સેક્સ 30ના 27 શેરો લાલ નિશાનમાં દેખાઈ રહ્યા છે. આજના ટોપ લૂઝર્સમાં HUL, બજાજ ફાઇનાન્સ, એક્સિસ બેન્ક, HDFC, ITC, મારુતિ, વિપ્રો, LT, TCSનો સમાવેશ થાય છે. જ્યારે ટોપ ગેનર્સમાં સન ફાર્મા, એરટેલ, એસબીઆઈનો સમાવેશ થાય છે.
સેન્સેક્સમાં વધનારા-ઘટનારા સ્ટોક
અગાઉના સત્રમાં સેન્સેક્સ 17 પોઈન્ટ ઘટીને 60,910 પર બંધ થયો હતો, જ્યારે નિફ્ટી 10 પોઈન્ટ ઘટીને 18,122 પર હતો.
યુએસ બજારો
બુધવારે વોલ સ્ટ્રીટના મુખ્ય સૂચકાંકોનો અંત નબળો પડયો હતો, નાસ્ડેક 2022ના નીચા સ્તરે પહોંચ્યો હતો, કારણ કે મિશ્ર આર્થિક ડેટા, ચીનમાં વધતા કોવિડ કેસ અને 2023માં ભૌગોલિક રાજકીય તણાવને કારણે રોકાણકારો સાવચેતીના મુડમાં છે. નાસ્ડેક કમ્પોઝિટ 10,213.288 પર બંધ થયો, જે નવેમ્બર 2021 માં ઇન્ડેક્સ રેકોર્ડ ઉચ્ચ સ્તરે પહોંચ્યા પછી મંદી શરૂ થઈ ત્યારથી સૌથી નીચું છે. છેલ્લી વખત નાસ્ડેક જુલાઇ 2020 માં નીચું બંધ રહ્યું હતું. 2022 માટે તેનો અગાઉનો બંધ નીચો 14 ઓક્ટોબરે 10,321.388 હતો. ડાઉ જોન્સ ઈન્ડસ્ટ્રીયલ એવરેજ 365.85 પોઈન્ટ્સ અથવા 1.1 ટકા ઘટીને 32,875.71 પર છે; S&P 500 46.03 પોઈન્ટ અથવા 1.20 ટકા ઘટીને 3,783.22 ના સ્તર પર છે; અને નાસ્ડેક કમ્પોઝિટ 139.94 પોઈન્ટ અથવા 1.35 ટકા ઘટીને 10,213.29 પર આવી ગયો.
એશિયન બજારોમાં ઘટાડો
એશિયાના મોટાભાગના શેરબજારો આજે સવારે ઘટાડા પર ખુલ્યા છે અને લાલ નિશાન પર કારોબાર કરી રહ્યા છે. સિંગાપોર સ્ટોક એક્સચેન્જમાં આજે સવારે 0.40 ટકાનો ઘટાડો જોવા મળી રહ્યો છે, જ્યારે જાપાનનો નિક્કી 1.40 ટકાના નુકસાન સાથે કારોબાર કરી રહ્યો છે. હોંગકોંગના બજારમાં 1.01 ટકા અને તાઈવાનના શેરબજારમાં 1.04 ટકાનો ઘટાડો છે. આ સિવાય દક્ષિણ કોરિયાનો કોસ્પી 1.28 ટકાના નુકસાન સાથે કારોબાર કરી રહ્યો છે.
વિદેશી રોકાણકારોએ ફરીથી શેર વેચ્યા
ભારતીય મૂડી બજારમાંથી વિદેશી રોકાણકારોને પાછા ખેંચવાની પ્રક્રિયા અટકી રહી નથી. છેલ્લા ટ્રેડિંગ સેશનમાં પણ વિદેશી સંસ્થાકીય રોકાણકારોએ બજારમાંથી 872.59 કરોડ રૂપિયા પાછા ખેંચી લીધા હતા. જોકે, સ્થાનિક સંસ્થાકીય રોકાણકારોએ પણ આ સમયગાળા દરમિયાન રૂ. 372.87 કરોડના શેર ખરીદ્યા હતા.