Tata Technologies IPO: 2 દાયકા પછી Tata Group IPO માર્કેટમાં પ્રવેશ કરશે, અનલિસ્ટેડ માર્કેટમાં શેરમાં જોરદાર ઉછાળો આવ્યો

કુલ 9.57 કરોડ (95,708,984) શેર ટાટા ટેક્નોલોજિસના IPOમાં વેચાણની ઓફર હેઠળ જારી કરવામાં આવશે, જે કંપનીની પેઇડ-અપ શેર મૂડીના 23.60 ટકાની સમકક્ષ છે.

Tata Technologies IPO: બે દાયકા પછી ફરી એકવાર ટાટા જૂથે IPOની તૈયારી શરૂ કરી છે. ટાટા ગ્રૂપ તેની ગ્રૂપ કંપની ટાટા ટેક્નોલોજીસને સ્ટોક એક્સચેન્જમાં લિસ્ટ કરવાની તૈયારી કરી રહ્યું છે. ટાટા ગ્રૂપે ટાટા ટેક્નોલોજીસનો IPO લોન્ચ કરવા માટે સ્ટોક માર્કેટ રેગ્યુલેટર સેબી પાસે ડ્રાફ્ટ પેપર (DRHP) ફાઈલ કર્યું છે.

DRHP 9 માર્ચના રોજ દાખલ કરવામાં આવી હતી

Tata Technologiesનો IPO સંપૂર્ણપણે વેચાણ માટે ઓફર હશે. એટલે કે કંપની ટાટા મોટર્સના પ્રમોટર આઈપીઓ દ્વારા પોતાનો હિસ્સો વેચશે. Tata Technologiesના IPOમાં નવા શેર જારી કરવામાં આવશે નહીં. ટાટા મોટર્સે તેના નિવેદનમાં કહ્યું છે કે, અમે જણાવવા માંગીએ છીએ કે ટાટા મોટર્સની પેટાકંપની ટાટા ટેક્નોલોજીસે 9 માર્ચ 2023ના રોજ IPO લાવવા માટે સેબી પાસે ડ્રાફ્ટ પેપર ફાઇલ કર્યું છે.

ટાટા મોટર્સ પ્રમોટર કંપની છે

કુલ 9.57 કરોડ (95,708,984) શેર ટાટા ટેક્નોલોજિસના IPOમાં વેચાણની ઓફર હેઠળ જારી કરવામાં આવશે, જે કંપનીની પેઇડ-અપ શેર મૂડીના 23.60 ટકાની સમકક્ષ છે. ટાટા ટેક્નોલોજીસમાં ટાટા મોટર્સ 74.42 ટકા હિસ્સો ધરાવે છે. ટાટા કેપિટલ એડવાઇઝર્સ દ્વારા સંચાલિત સિંગાપોર સ્થિત ઇન્વેસ્ટમેન્ટ ફર્મ આલ્ફા ટીસી હોલ્ડિંગ્સ પીટીઇ લિમિટેડ 8.96 ટકા ધરાવે છે જ્યારે ટાટા કેપિટલ ગ્રોથ 4.48 ટકા ધરાવે છે. આ સિવાય ટાટા મોટર્સ ફાઈનાન્સ, ટાટા એન્ટરપ્રાઈઝ ઓવરસીઝ, રતન ટાટા અને એસ રામાદોરાઈ પણ કંપનીમાં શેર ધરાવે છે.

4000 કરોડનો IPO શક્ય છે

Tata Technologies IPO ટાટા ટેક્નોલોજીસના IPOમાં ઓફર ફોલ સેલ હેઠળ વેચાઈ રહેલા કુલ શેરોમાં ટાટા મોટર્સના 81,133,706 શેર, આલ્ફા TC હોલ્ડિંગના 9716853 શેર, ટાટા કેપિટલ ગ્રોથ ફંડના 4858425 શેર વેચવા જઈ રહ્યા છે. IPOમાં રિટેલ રોકાણકારો માટે 35 ટકા ક્વોટા આરક્ષિત રહેશે. ટાટા ટેક્નોલોજીએ કહ્યું છે કે તે પ્રી-આઈપીઓ પ્લેસમેન્ટ કરવા જઈ રહી નથી. કંપની IPO દ્વારા માર્કેટમાંથી 3500 થી 4000 કરોડ રૂપિયા એકત્ર કરી શકે છે.

IPO ડિસેમ્બર 2022માં મંજૂર થયો

ડિસેમ્બરમાં, પેરેન્ટ કંપની ટાટા મોટર્સે આઇપીઓ દ્વારા ટાટા ટેક્નોલોજિસમાં હિસ્સાના વેચાણને મંજૂરી આપી હતી. એક નિયમનકારી ફાઇલિંગમાં, ટાટા મોટર્સે એક્સચેન્જને જણાવ્યું હતું કે ટાટા ટેકનો IPO તમામ મંજૂરીઓ અને નિયમનકારી મંજૂરીઓ મેળવ્યા પછી યોગ્ય સમયે, વધુ સારા વાતાવરણમાં લાવવામાં આવશે.

Tata Technologiesના શેરનો ક્રેઝ!

Tata Technologies, 1989 માં સ્થપાયેલ, એક એન્જિનિયરિંગ ડિઝાઇન અને ટેક્નોલોજી સેવા કંપની છે જેની હાજરી ઓટોમોટિવ, એરોસ્પેસ, ઔદ્યોગિક મશીનરી અને સંલગ્ન ક્ષેત્રોમાં છે. યુરોપ, ઉત્તર અમેરિકા અને એશિયા-પેસિફિકમાં કંપનીના કુલ 9300 કર્મચારીઓ છે. ટાટા ટેક્નોલોજીસના લિસ્ટિંગ વગર અનલિસ્ટેડ માર્કેટમાં ટાટા ટેક્નોલોજીના શેરમાં જોરદાર ઉછાળો આવ્યો છે. જ્યારથી ટાટા મોટર્સે ટાટા ટેક્નોલોજીસના IPOને મંજૂરી આપી છે, ત્યારથી અનલિસ્ટેડ માર્કેટમાં સ્ટોક સતત વધી રહ્યો છે. ટાટા ટેક્નોલોજીના નાણાકીય પરિણામો પર નજર કરીએ તો 2021-22માં કંપનીની આવક રૂ. 3529.6 કરોડ હતી. જેના પર રૂ. 645.6 કરોડનો ઓપરેટિવ નફો અને રૂ. 437 કરોડનો નફો થયો હતો.

TCSનો IPO 2004માં આવ્યો હતો

ટાટા ગ્રુપ લાંબા સમયથી માર્કેટમાં કોઈ આઈપીઓ લાવ્યા નથી. 18 વર્ષ પહેલા 2004માં ટાટા જૂથે તેની IT કંપની Tata Consultancy Services (TCS)નો IPO લોન્ચ કર્યો હતો. ત્યારે રતન ટાટા ગ્રુપના ચેરમેન હતા. પરંતુ એન ચંદ્રશેખરન ટાટા સન્સના ચેરમેન બન્યા પછી પ્રથમ વખત ટાટા જૂથની કંપનીનો આઈપીઓ આવવાનો છે.