TRAI New OTP Rule: શું તમે પણ Jio, Airtel, Vi અથવા BSNL યૂઝર્સ છો અને ફ્રૉડ મેસેજથી પરેશાન છો ? જો હા તો હવે ચિંતા કરવાની કોઈ વાત નથી. વાસ્તવમાં, ટેલિકોમ રેગ્યૂલેટરી ઓથોરિટી ઓફ ઈન્ડિયા એટલે કે TRAI આવતીકાલથી એટલે કે 11મી ડિસેમ્બરથી એક નવો નિયમ લાગુ કરવા જઈ રહી છે. ટ્રાઈએ તાજેતરમાં 'મેસેજ ટ્રેસેબિલિટી' નિયમની રજૂઆતની જાહેરાત કરી હતી, જે આવતીકાલે, 11 ડિસેમ્બરથી લાગુ થવા જઈ રહી છે.
અગાઉ એવું કહેવામાં આવ્યું હતું કે આ નિયમ 1 ડિસેમ્બર, 2024થી લાગુ થશે, પરંતુ આ અંગે માહિતી આપતા ટ્રાઈએ કહ્યું કે તેની સમયમર્યાદા વધારી દેવામાં આવી છે. આ નિયમ ફેક અને અનધિકૃત મેસેજને રોકવા માટે ખાસ બનાવવામાં આવ્યો છે.
જાણો શું છે નવો નિયમ ?
TRAIએ કહ્યું છે કે 11 ડિસેમ્બર, 2024 થી એવો કોઈ મેસેજ સ્વીકારવામાં આવશે નહીં, જેમાં ટેલિમાર્કેટર્સ દ્વારા નિર્ધારિત નંબર કેટેગરીનો ઉપયોગ કરવામાં આવ્યો ન હોય. આ ફેરફાર પછી મેસેજોની ટ્રેસેબિલિટી સારી રહેશે અને નકલી લિંક્સ અથવા કપટપૂર્ણ મેસેજોને ટ્રૅક અને બ્લોક કરવાનું સરળ બનશે.
પહેલા કેમ ટળી ડેડાલાઇન ?
આ નિયમ 1 ડિસેમ્બર, 2024થી અમલમાં આવવાનો હતો, પરંતુ તૈયારીઓના અભાવે તેને હવે 10 ડિસેમ્બર સુધી મુલતવી રાખવામાં આવ્યો છે. ટ્રાઈએ ટેલીમાર્કેટર્સ અને સંસ્થાઓને તેમની નંબર સીરીઝને શક્ય તેટલી વહેલી તકે અપડેટ કરવા સૂચના આપી છે.
કઇ રીતે કામ કરશે આ નિયમ ?
વાસ્તવમાં, નવા નિયમના અમલ પછી માન્ય કેટેગરી વિનાના મેસેજો આપમેળે નકારવામાં આવશે. અમે બેંકો, કંપનીઓ અથવા અન્ય ટેલીમાર્કેટર્સ તરીકે દર્શાવીને મોકલવામાં આવતા ફ્રૉડ અને ફેક મેસેજો પર કાર્યવાહી કરીશું અને સ્પામ કૉલ્સ અને કપટપૂર્ણ મેસેજો દ્વારા છેતરપિંડી ઘટાડવાના પ્રયાસો કરવામાં આવશે.
સાયબર છેતરપિંડી માટે થાય છે ફેક લિન્ક્સનો ઉપયોગ
સાયબર છેતરપિંડી કરનારાઓ ઘણીવાર છેતરપિંડી કરવા માટે નકલી લિંક્સનો ઉપયોગ કરે છે. તેઓ બેંક અધિકારી હોવાનો ઢોંગ કરે છે અને અંગત વિગતો ચોરી કરવાનો પ્રયાસ કરે છે. આ નવો નિયમ આવા સ્કેમર્સને રોકવામાં મદદ કરશે. આ નિયમ લાગુ થયા પછી, તમને કોઈ નકલી OTP પ્રાપ્ત થશે નહીં.
આ પણ વાંચો
Jio vs Airtel vs Vi vs BSNL: આખા વર્ષના રિચાર્જ માટે કોનો કયો પ્લાન છે બેસ્ટ ? જાણી લો