FD Interest rates: જો તમે વરિષ્ઠ નાગરિક છો અને ફિક્સ્ડ ડિપોઝિટ (FD) રોકાણ માટે શ્રેષ્ઠ વ્યાજ દર શોધી રહ્યાં છો, તો યુનિટી સ્મોલ ફાઇનાન્સ બેંક લિમિટેડ (Unity Bank) તમને એક શાનદાર ઑફર આપી રહ્યું છે. યુનિટી સ્મોલ બેંક ફિક્સ્ડ ડિપોઝિટ પર 9% સુધી વ્યાજ ઓફર કરી રહી છે. રિઝર્વ બેંકના રેપો રેટમાં વધારો કર્યા બાદ દેશની તમામ સરકારી અને ખાનગી બેંકોએ ફિક્સ ડિપોઝીટ પરના વ્યાજદરમાં વધારો કર્યો છે.
વરિષ્ઠ નાગરિકો માટે ખાસ ઓફર
યુનિટી સ્મોલ ફાઇનાન્સ બેંક વરિષ્ઠ નાગરિકો માટે 181 અને 501 દિવસની ફિક્સ્ડ ડિપોઝિટ પર વાર્ષિક 9 ટકાના દરે વ્યાજ ઓફર કરે છે. રિટેલ રોકાણકારોને આ સમયગાળા માટે ફિક્સ્ડ ડિપોઝિટ પર 8.50 ટકા વ્યાજ મળશે. ફિક્સ ડિપોઝિટમાં રોકાણ કરનારાઓ માટે મોટી તક છે નવેમ્બર મહિનામાં આ બેંકે તેના વ્યાજ દરમાં બે વખત વધારો કર્યો હતો.
કૉલેબલ ડિપોઝિટ પર વ્યાજ
આ ઉપરાંત યુનિટી બેંક કોલેબલ અને નોન-કોલેબલ બલ્ક ડિપોઝીટ (રૂ. 2 કરોડથી વધુ) પર આકર્ષક વ્યાજ દરો પણ ઓફર કરી રહી છે. નોન-કૉલેબલ બલ્ક ડિપોઝિટ માટે મહત્તમ વ્યાજ દર વાર્ષિક 8.10 ટકા છે, જ્યારે કૉલેબલ બલ્ક ડિપોઝિટ પર વાર્ષિક 8 ટકાના દરે વ્યાજ મળશે. નોન-કોલેબલ થાપણો એવી છે જેમાં સમય પહેલા ઉપાડનો કોઈ વિકલ્પ નથી.
શેના પર કેટલું વ્યાજ?
યુનિટી બેંક 7-14 દિવસમાં પાકતી ફિક્સ્ડ ડિપોઝિટ પર 4.50 ટકા વ્યાજ દર ઓફર કરે છે. 15-45 દિવસમાં પાકતી ફિક્સ્ડ ડિપોઝિટ પર 4.75 ટકા વ્યાજ દર ઓફર કરે છે. જો કોઈ વ્યક્તિ 46 થી 60 દિવસમાં પાકતી FDમાં રોકાણ કરે છે, તો તેને 5.25%ના દરે વ્યાજ મળશે. બેંક 61 થી 90 દિવસમાં પાકતી FD પર 5.50% અને 91 થી 180 દિવસમાં પાકતી FD પર 5.75% વ્યાજ દર ઓફર કરે છે.
181 દિવસની FD પર વ્યાજ
181 દિવસમાં પાકતી FD પર તમને 8.50 ટકાના દરે વ્યાજ મળશે. બેંક 182 દિવસથી 364 દિવસમાં પાકતી FD પર 6.75 ટકાના દરે વ્યાજ ઓફર કરી રહી છે. યુનિટી બેંક એ શિડ્યુલ્ડ કોમર્શિયલ બેંક છે. સેન્ટ્રમ ફાઇનાન્શિયલ સર્વિસિસ લિમિટેડ સંયુક્ત રોકાણકાર તરીકે રેસિલિએન્ટ ઇનોવેશન્સ પ્રાઇવેટ લિમિટેડ સાથે પ્રમોટર છે.