આ સરકારની એપની મદદથી ઘરે બેઠા જ ચેક કરી શકશો કે ગોલ્ડ અસલી છે કે નકલી

જો તમારા મનમાં આવા પ્રશ્નો આવે તો તમે સરકારી એપ્લિકેશન દ્વારા ઘરે બેઠા સોનાની શુદ્ધતા ચકાસી શકો છો.

ભારતમાં સોનું ખરીદવું એ એક પરંપરા માનવામાં આવે છે. ભારતીયો તહેવારો અને લગ્નો દરમિયાન ઘણું સોનું ખરીદવામા આવે છે. લોકોને ગોલ્ડ ખરીદતા સમયે મૂંઝવણ હોય છે કે તેમણે ખરીદેલા સોનાના દાગીના નકલી છે કે અસલી. જો તમારા મનમાં આવા પ્રશ્નો આવે તો તમે સરકારી એપ્લિકેશન દ્વારા ઘરે બેઠા સોનાની શુદ્ધતા ચકાસી શકો છો.

બ્યૂરો ઓફ ઇન્ડિયન સ્ટાન્ડર્ડ્સ એપ

બ્યૂરો ઓફ ઇન્ડિયન સ્ટાન્ડર્ડ્સે સોનાની શુદ્ધતા ચકાસવા માટે BIS કેર એપ લોન્ચ કરી હતી. આ એપ દ્વારા સોના અને ચાંદીને ટ્રેક કરી શકાય છે.

તમે કેવી રીતે ઓળખી શકો છો?

તમે BIS કેર એપ દ્વારા વાસ્તવિક સમયમાં હોલમાર્કવાળા સોનાના દાગીનાની શુદ્ધતા ચકાસી શકો છો. તેને એપલ એપ સ્ટોર અથવા ગુગલ પ્લે સ્ટોર પરથી ડાઉનલોડ કરી શકાય છે. તેની સત્તાવાર વેબસાઇટ અનુસાર, સોનાનું હોલમાર્કિંગ છ કેટેગરીમાં કરવામાં આવે છે.

આ કેટેગરીમાં 14K, 18K, 20K, 22K, 23K, 24Kનો સમાવેશ થાય છે. વસ્તુ પરના ISI માર્ક, હોલમાર્ક વગેરે BIS કેર એપ દ્વારા ચકાસવામાં આવે છે. આ માટે તમારે વસ્તુનો લાયસન્સ નંબર, નોંધણી નંબર અથવા HUID નંબરની જરૂર પડશે. આ ઉપરાંત તમને ઉત્પાદકનું નામ, નોંધણી માન્યતા, લાયસન્સ વગેરે વિશે માહિતી મળશે.

આ એપ્લિકેશનનો ઉપયોગ કેવી રીતે કરવો               

-તમારા ફોન પર એપ ડાઉનલોડ કરો. જે પછી નોંધણી પ્રક્રિયા પૂર્ણ કરવાની રહેશે.

-સોનાની શુદ્ધતા ISI અથવા હોલમાર્ક દ્વારા જાણી શકાશે.

-તમારે Verify License Details ના વિકલ્પ પર ક્લિક કરવાનું રહેશે.

-આ ચિહ્નની મદદથી ઉત્પાદન અસલી છે કે નકલી તે અંગે માહિતી મેળવી શકાય છે.

હોલમાર્ક યુનિક આઇડેન્ટિફિકેશન નંબર દ્વારા સોના કે ચાંદીની પ્રમાણિકતાની ઓળખી શકાય છે.

HUID કોડ કેવી રીતે મેળવવો

તમે ખરીદેલા સોના અને ચાંદીના દાગીનાના બિલ પર HUID કોડની માહિતી લખેલી હોવી જરૂરી નથી. તમે આ કોડ તે દુકાનમાંથી મેળવી શ કો છો જ્યાંથી તમે ખરીદી કરી હતી. તેની મદદથી સોનાની શુદ્ધતા સરળતાથી ચકાસી શકાય છે.