સમગ્ર અહેવાલ વાંચવા માટે અહીં ક્લિક કરો

12/02/2023 11:26:17

આ વીડિયો જોઇ દરેક ભારતીય અનુભવશે ગર્વ, ભૂકંપની સ્થિતિ વચ્ચે તુર્કીમાં ફરકાવ્યો તિરંગો, જુઓ વીડિયો

Operation Dost Video : તુર્કી અને સીરિયામાં વિનાશકારી ભૂકંપે તબાહી મચાવી છે. ચારેબાજુ વિનાશના દ્રશ્યો જોવા મળે છે. વિવિધ સ્થળોએ લોકો કાટમાળ નીચે દટાયેલા છે, તેમને બચાવવાના પ્રયાસો ચાલુ છે. ભૂકંપના કારણે મૃત્યુ પામેલા લોકોની સંખ્યા પણ 26 હજારને પાર થઈ ગઈ છે.

તુર્કી અને સીરિયામાં વિનાશકારી ભૂકંપે તબાહી મચાવી છે. ચારેબાજુ વિનાશના દ્રશ્યો જોવા મળે છે. વિવિધ સ્થળોએ લોકો કાટમાળ નીચે દટાયેલા છે, તેમને બચાવવાના પ્રયાસો ચાલુ છે. ભૂકંપના કારણે મૃત્યુ પામેલા લોકોની સંખ્યા પણ 26 હજારને પાર થઈ ગઈ છે. દરમિયાન, ભારત તરફથી પણ ત્યાં સતત મદદ મોકલવામાં આવી રહી છે. ભારતીય સેનાએ તુર્કીમાં ફિલ્ડ હોસ્પિટલ બનાવી છે, જ્યાં ઘાયલોની સારવાર કરવામાં આવી રહી છે. ભારતીય સેનાના જવાનોએ શનિવારે આ હોસ્પિટલમાં ત્રિરંગો ફરકાવ્યો હતો, જેને જોઈને દરેક ભારતીયને ગર્વ થાય છે.

12/02/2023 11:25:24

Turkiye-Syria Earthquake: તુર્કી-સીરિયા ભૂકંપનો મૃત્યુઆંક 29 હજારને પાર

Turkiye-Syria Earthquake: તુર્કી અને સીરિયામાં ભૂકંપના કારણે સ્થિતિ વધુ ખરાબ થઈ રહી છે. જીવ ગુમાવનારા લોકોની સંખ્યા સતત વધી રહી છે. નવા આંકડા અનુસાર અત્યાર સુધીમાં 29,896 લોકોના મોત થયા છે. આ દુર્ઘટનામાં 85 હજારથી વધુ લોકો ઘાયલ થયાના સમાચાર છે.

ભૂકંપથી સૌથી વધુ નુકસાન તુર્કીને થયું છે. અહીં 24,617 લોકોએ જીવ ગુમાવ્યા છે અને 80 હજારથી વધુ લોકો ઘાયલ થયા છે. સીરિયામાં 5,279 લોકો માર્યા ગયા અને 5,000થી વધુ ઘાયલ થયા છે. એક આંતરરાષ્ટ્રીય સમાચાર એજન્સી BNO ન્યૂઝે આ જાણકારી આપી છે. ભૂકંપથી મૃત્યુઆંક પર મોટો દાવો કરતા સંયુક્ત રાષ્ટ્રએ કહ્યું કે મૃત્યુઆંક 50,000 સુધી પહોંચી શકે છે.

12/02/2023 11:24:39

Turkey Earthquake: 128 કલાક બાદ બાળક જીવતો મળ્યો

Turkey Earthquake live: તુર્કી અને સીરિયામાં આવેલા વિનાશક ભૂકંપમાં મૃત્યુઆંક 29 હજારને વટાવી ગયો છે. હજુ પણ સેંકડો લોકો કાટમાળમાં ફસાયા હોવાની આશંકા છે.

6 ફેબ્રુઆરીએ તુર્કી અને સીરિયામાં આવેલા વિનાશક ભૂકંપને કારણે ભયંકર તબાહી સર્જાઈ છે. મૃતકોની સંખ્યા સતત વધી રહી છે. આ દરમિયાન રાહત અને બચાવ કાર્ય સતત ચાલુ છે. કાટમાળ નીચે દટાયેલા લોકોને બચાવવા માટે બચાવકર્મીઓ દિવસ-રાત કામ કરી રહ્યા છે. બરબાદી અને નિરાશા વચ્ચે કાટમાળમાંથી બચી જવાના ચમત્કારિક દ્રશ્યો પણ સામે આવી રહ્યા છે.

તુર્કીમાં બચાવ કાર્ય દરમિયાન 'જાકો રખે સાઇયા ઉસે માર સકે ના કોઈ' કહેવત પણ સાચી સાબિત થઈ રહી છે. સેંકડો ટન વજનના કાટમાળમાં બચી જવાના અનેક ચમત્કારી દ્રશ્યો સામે આવી રહ્યા છે. તુર્કીના હટેમાં શનિવારે કાટમાળ નીચેથી બે મહિનાના બાળકને બહાર કાઢવામાં આવ્યું હતું. આ બાળક માટે ટોળાએ તાળીઓ પાડી અને તેને બચાવી શક્યાનો આનંદ તેમના ચહેરા પર દેખાતો હતો. ભૂકંપના લગભગ 128 કલાક બાદ બાળક જીવતો મળી આવ્યો હતો.

12/02/2023 11:24:07