Delhi Court Firing: તીસ હજારી કોર્ટ પરિસરમાં વકીલોના બે જૂથો વચ્ચે ઉગ્ર અથડામણ થઈ હતી, ત્યારબાદ હવામાં ફાયરિંગ થયું હતું. પોલીસે આ મામલે તપાસ શરૂ કરી છે.
દિલ્હીની તીસ હજારી કોર્ટમાં વકીલોના બે જૂથો વચ્ચે ઘર્ષણના સમાચાર છે, ત્યારબાદ હવામાં ફાયરિંગ પણ કરવામાં આવ્યું હતું. વકીલોના બે જૂથો વચ્ચે અથડામણ બાદ હવામાં ગોળીબાર કરવામાં આવ્યો હતો. જોકે આ ફાયરિંગમાં કોઈને ગોળી વાગી નથી. કહેવામાં આવી રહ્યું છે કે એકબીજાને ડરાવવા માટે આ એરિયલ ફાયરિંગ કરવામાં આવ્યું હતું. પોલીસે આ મામલે તપાસ શરૂ કરી છે. પોલીસ એ જાણવાનો પ્રયાસ કરી રહી છે કે ગોળીબાર કરનાર વકીલ કોણ હતો અને શા માટે ફાયરિંગ કર્યું હતું.
પોલીસ આ મામલે તપાસ કરી રહી છે
મંડી પોલીસ સ્ટેશનમાં ફરિયાદ નોંધવામાં આવી છે. જે બાદ સમગ્ર ઘટનાની તપાસ શરૂ કરવામાં આવી રહી છે. ફાયરિંગ બાદ તીસ હજારી કોર્ટ પરિસરમાં હાજર લોકો ગભરાઈ ગયા હતા. જો કે સદનસીબે કોઈને ગોળી વાગી ન હતી, એવું કહેવામાં આવ્યું હતું કે, વકીલોએ આગળના જૂથને પાછળ ધકેલવા માટે ગોળીબારનો ઉપયોગ કર્યો હતો. પોલીસ એ પણ તપાસ કરશે કે કયા હથિયારથી ફાયરિંગ કરવામાં આવ્યું અને તે કોર્ટ પરિસરમાં કેવી રીતે આવ્યું. દિલ્હી પોલીસે દરેક એંગલથી મામલાની તપાસ શરૂ કરી દીધી છે.
પહેલીવાર આ કોર્ટ પરિસરમાં ફાયરિંગ
આ પહેલા દિલ્હીની સાકેત કોર્ટમાં પણ ફાયરિંગની ઘટના બની હતી. અહીં એક વકીલે મહિલા પર અનેક રાઉન્ડ ફાયરિંગ કર્યું હતું. જેના કારણે મહિલાને ઈજા થઈ હતી. ગોળીબાર બાદ સમગ્ર કોર્ટ પરિસરમાં હોબાળો મચી ગયો હતો અને બાદમાં હુમલાખોરની ધરપકડ કરવામાં આવી હતી. બાદ માહિતી મળી હતી કે, આ વકીલની મહિલા સાથે દુશ્મની હતી, જેના કારણે તેણે કોર્ટ પરિસરમાં તેના પર ફાયરિંગ ક્યું હતું. આ ઘટનાનો વીડિયો સોશિયલ મીડિયા પર વાયરલ થયો હતો. આ સિવાય પણ આવી અનેક ઘટનાઓ સામે આવી છે, જ્યારે કોર્ટ પરિસરમાં ખુલ્લેઆમ ફાયરિંગ કરવામાં આવ્યું હતું.