હવામાન વિભાગના મતે આગામી હજી એક સપ્તાહ સુધી દક્ષિણ ગુજરાતમાં વરસાદ વરસી શકે છે. આજે પણ રાજકોટ, અમરેલીમાં ધોધમાર વરસાદ વરસી રહ્યો છે. અમરેલીમાં બે કલાકમાં ચાર ઈંચ જેટલો વરસાદ પડ્યો હતો. જ્યારે રાજકોટમાં સવારથી વરસાદ વરસી રહ્યો છે. રાજકોટના રસ્તાઓ પર પાણી ફરી વળ્યા હતા જેને કારણે જનજીવન અસ્તવ્યસ્ત થયું છે. જૂનાગઢ વિસ્તારમાં પડેલા ભારે વરસાદને કારણે પોરબંદરની મધુવંતી નદીમાં પૂર જેવી સ્થિતિ સર્જાઇ હતી.
બીજી બાજુ રાજ્યમાં એવા અનેક તાલુકાઓ છે ત્યાં વરસાદ પડ્યો નથી. તેમ છતાં ગુજરાત પર ત્રણ ત્રણ વરસાદી સિસ્ટમ સક્રિય થતાં હવામાન વિભાગે આખા રાજ્યમાં વરસાદી માહોલ બનશે તેવી આગાહી કરી છે. સમગ્ર ગુજરાતમા સારો વરસાદ થતા ખેડૂતોમા ખુશી જોવા મળી રહી છે