છેલ્લા 24 કલાકમાં રાજ્યના 175 તાલુકામાં વરસાદ નોંધાયો હતો જેમાં સૌથી વધુ વરસાદ છોટા ઉદેપુરમાં 6 ઈંચ વરસાદ નોંધાયો હતો. આ ઉપરાંત મધ્ય ગુજરાતના આણંદ અને નડિયાદમાં પણ ધોધમાર વરસાદ નોંધાયો હતો. ખેડાના નડિયામાં 4.5 ઈંચ, આણંદના તારાપુરમાં 4.4 ઈંચ અને ખંભાતમાં 4.3 ઈંચ વરસાદ નોંધાયો હતો.
- છોટા ઉદેપુરમાં 6 ઈંચ વરસાદ
- વડોદરાના પાદરામાં 4.5 ઈંચ વરસાદ
- ખેડાના નડિયાદમાં 4.5 ઈંચ વરસાદ
- આણંદના તારાપુરમાં 4.4 ઈંચ વરસાદ
- આણંદના ખંભાતમાં 4.3 ઈંચ વરસાદ
- સાબરકાંઠાના તલોદ, છોટા ઉદેપુરના સંખેડા, પાટણમાં 4.2 ઈંચ વરસાદ
- આણંદમાં 3.9 ઈંચ વરસાદ
- પાટણના સરસ્વતી, પંચમહાલના જાંબુઘોડા, છોટા ઉદેપુરના પાવી જેતપુરમાં 3.7 ઈંચ વરસાદ
- અરવલ્લીના ધનસુરા, બનાસકાંઠાના વડગામમાં 3.5 ઈંચ વરસાદ
- છોટા ઉદેપુરના બોડેલીમાં, પંચમહાલના હાલોલમાં, પાટણના સિદ્ધપુરમા, 3.3 ઈંચ
- સાબરકાંઠાના પ્રાંતિજ, પાટણના રાધનપુર, આણંદના બોરસદ, ખેડાના વસો, આણંદના પેટલાદમાં 3 ઈંચ વરસાદ
સાબરકાંઠા જિલ્લામાં 24 કલાકમાં સૌથી વધુ વરસાદ તલોદમાં નોંધાયો છે. છેલ્લા 24 કલાકમાં તલોદમાં સૌથી વધુ 4 ઈંચ વરસાદ પડ્યો તો પ્રાંતિજમાં 3, વિજયનગર, હિંમતનગરમાં 2-2 ઈંચ વરસાદ પડ્યો. ખેડબ્રહ્મમાં પોણા 2 ઈંચ, ઈડર-પોશીનામાં 1-1 ઈંચ વરસાદ પડ્યો તો વડાલીમાં અડધો ઈંચ વરસાદ પડ્યો. અત્યારે પણ સાબરકાંઠાના કેટલાક વિસ્તારોમાં ઝરમર વરસાદ પડી રહ્યો છે. લાંબા વિરામ બાદ સાબરકાંઠામાં વરસાદ વરસતા પાકને જીવતદાન મળ્યું છે. જેને પગલે ખેડૂતોએ રાહતનો શ્વાસ લીધો છે.
ગાંધીનગરમાં પણ વહેલી સવારથી જ વરસાદી માહોલ જામ્યો છે. ગાંધીનગરના સેક્ટર 22, સેક્ટર 24, સેક્ટર 16 સહિતના અલગ અલગ વિસ્તારોમાં વરસાદ નોંધાયો. આ સાથે જ ગ્રામ્ય વિસ્તારમાં પણ વરસાદ પડ્યો.
અમદાવાદ બે દિવસથી વરસાદી માહોલ જામ્યો છે. અમદાવાદમાં 24 કલાકમાં સરેરાશ અઢી ઈંચ વરસાદ નોંધાયો છે. ઓઢવમાં સૌથી વધુ પોણા ચાર ઈંચ વરસાદ ખાબક્યો હતો.