PM Modi Gujarat Visit: વાવ-થરાદમાં પીએમ મોદીનું ગુજરાતીમાં ભાષણ, કરોડોના વિકાસકાર્યોનું કર્યું લોકાર્પણ અને ખાતમૂહુર્ત

PM Modi Gujarat Visit Live: વડાપ્રધાન નરેન્દ્ર મોદી આજે ગુજરાત પ્રવાસે આવશે. તેઓ ગુજરાતને 19 હજાર 806 કરોડથી વધુના વિકાસકાર્યોની ભેટ આપશે.

બ્રેકગ્રાઉન્ડ

PM Modi Gujarat Visit Live: વડાપ્રધાન નરેન્દ્ર મોદી આજે ગુજરાત પ્રવાસે આવશે. તેઓ ગુજરાતને 19 હજાર 806 કરોડથી વધુના વિકાસકાર્યોની ભેટ આપશે. વાવ-થરાદથી પીએમ મોદી કેન્દ્ર સરકારના ઊર્જા,માર્ગ, પરિવહન અને હાઈવે તેમજ રેલવે મંત્રાલયના 10 હજાર 921 કરોડના વિકાસકાર્યોનું લોકાર્પણ અને ખાતમુહૂર્ત કરશે. જ્યારે ગુજરાત સરકારના શહેરી વિકાસ, જળ સંશાધન, પાણી પુરવઠા, માર્ગ અને મકાન, GIDC, આરોગ્ય અને પરિવાર કલ્યાણ, પ્રવાસન અને આદિજાતિ વિકાસ વિભાગના આઠ હજાર 886 કરોડના વિકાસકાર્યોના લોકાર્પણ અને ખાતમુહૂર્ત કરશે.PM મોદીના પ્રવાસની શરૂઆત આધ્યાત્મિક વારસાના દર્શન સાથે થશે. ગાંધીનગરના કોબા તીર્થમાં સમ્રાટ સંપ્રતિ મ્યુઝિયમનું લોકાર્પણ કરશે. તો ચાર હજાર 640 કરોડના AMCના 32 પ્રકલ્પનાનું પીએમ મોદી લોકાર્પણ અને ખાતમુહૂર્ત કરશે. 1061 કરોડના ખર્ચે ખારીકટ કેનાલના નવીનિકરણનું ખાતમુર્હૂત કરી પીએમ 467 કરોડના ખર્ચે તૈયાર ઈન્ટિગ્રેટેડ ટ્રાન્સપોર્ટ મેનેજમેન્ટ સિસ્ટમના પ્રોજેક્ટને ખુલ્લો મુકશે. તો નરોડાથી નારોલ સર્કલ સુધી 14 કિલોમીટરના રસ્તા પરના કેટલાક પ્રકલ્પોને ખુલ્લા મુકવામાં આવશે. એટલુ જ નહીં, એસિલબ્રિજમાં ઈન્ટિગ્રેટેડ હાઉસિંગના 728 મકાનનું ખાતમુહૂર્ત કરશે. કેન્દ્ર સરકારના સહયોગથી બનાસ ડેરીએ દેશનું સૌથી મોટુ પશુઓનું IVF સેન્ટર તૈયાર કર્યું છે ત્યારે પીએમ મોદી બનાસ પશુ સંવર્ધન અને સંશોધન કેન્દ્રનું લોકાર્પણ કરશે. 325 કરોડના ખર્ચે બનાસ ડેરીએ 125 એકરમાં આ સંવર્ધન અને સંશોધન કેન્દ્ર તૈયાર કર્યું છે. આ સિવાય પાટણમાં વિશ્વ વિખ્યાત રાણીની વાવમાં પીએમ મોદી થ્રીડી મેપિંગ શોને ખુલ્લો મુકશે.પીએમ મોદી એક મહિનામાં જ બીજીવાર ગુજરાતની મુલાકાતે આવી રહ્યા છે. તેમની આ મુલાકાત દરમિયાન તેઓ ગાંધીનગરના કોબા ખાતે ‘સમ્રાટ સંપ્રતિ મ્યુઝિયમ’નું લોકાર્પણ અને સાણંદમાં કેઇન્સ સેમિકોનના આઉટસોર્સ્ડ સેમિકન્ડક્ટર એસેમ્બલી ટેસ્ટ (OSAT) પ્લાન્ટનું ઉદ્ઘાટન કરશે. તેઓ 5100 કરોડથી વધુના ખર્ચે નિર્મિત,109 કિમી લાંબા 'અમદાવાદ-ધોલેરા ગ્રીનફિલ્ડ એક્સપ્રેસ-વે' (NE-8)નું લોકાર્પણ કરશે. આ હાઈવેના કારણે અમદાવાદથી ધોલેરાનું અંતર માત્ર 45 મિનિટમાં અને ભાવનગરનું અંતર 1 કલાક 45 મિનિટમાં કાપી શકાશે.કેઇન્સ સેમિકોનના પ્લાન્ટનું ઉદ્ઘાટન થતાં જ ગુજરાતમાં એક મહિનામાં જ બીજો સેમિકન્ડક્ટર પ્લાન્ટ કાર્યરત થઈ જશે. કેઇન્સ સેમિકોનના પ્લાન્ટમાં દરરોજ 60 લાખ ચિપ્સનું પ્રોડક્શન થશે. ઉલ્લેખનીય છે કે, ગુજરાતમાં કૂલ ચાર સેમિકન્ડક્ટર પ્લાન્ટને મંજૂરી આપવામાં આવી છે. જેમાં ત્રણ સાણંદમાં અને એક ધોલેરામાં છે. આમ સાણંદમાં સીજી પાવર અને ધોલેરામાં ટાટા-PSMC પ્લાન્ટ કાર્યરત થવાના બાકી છે.

31/03/2026 17:34:26

વાવ-થરાદમાં એરબેઝને લઇ પીએમ મોદીએ કોંગ્રેસને ઝાટકી

વાવ-થરાદમાં પોતાના ભાષણ દરમિયાન પીએમ મોદીએ કહ્યું કે, "આપણી સરહદોની સુરક્ષા માટે, ડીસા ખૂબ જ મહત્વપૂર્ણ સ્થળ છે. અહીં એરબેઝ સ્થાપિત કરવું ખૂબ જ જરૂરી છે. જોકે, મને ખબર નથી - કદાચ તે સમયે દિલ્હીમાં સત્તા સંભાળનારાઓએ ગુજરાત પ્રત્યે કોઈ અકલ્પનીય દુશ્મનાવટ રાખી હતી, જેનું કોઈ સ્પષ્ટ કારણ નહોતું. રાષ્ટ્રીય સુરક્ષા માટે મહત્વપૂર્ણ આ પ્રોજેક્ટ વર્ષો સુધી અમલદારશાહી ફાઇલોમાં દટાયેલો રહ્યો. જ્યારે તમે મને દિલ્હીમાં સેવા આપવાની જવાબદારી સોંપી, ત્યારે મેં તે ફાઇલો મેળવી. અને આજે, પરિણામ એ છે કે ડીસામાં એક વિશાળ એરફોર્સ બેઝ સ્થાપિત થઈ ગયો છે..."

31/03/2026 17:25:22

પીએમ મોદીએ વાવ-થરાદ જિલ્લામાં 19 હજાર કરોડથી વધુના વિકાસકાર્યોનું લોકાર્પણ-ખાતમૂહુર્ત કર્યું

વડાપ્રધાન નરેન્દ્ર મોદી આજે ગુજરાતના પ્રવાસ દરમિયાન વાવ-થરાદ જિલ્લાની મુલાકાત લીધી હતી. અહીંથી તેઓ 19 હજાર કરોડથી વધુના વિકાસકાર્યોનું લોકાર્પણ અને ખાતમૂહુર્ત કર્યુ હતુ. આ પહેલા તેમણે ગાંધીનગરમાં કોબા તીર્થ ખાતે 'સમ્રાટ સંપ્રતિ સંગ્રહાલય'નું અને સાણંદ ખાતે GIDCમાં કેન્સ સેમિકોન પ્લાન્ટનું ઉદ્ઘાટન કર્યું હતું.

31/03/2026 17:25:03

પીએમ મોદીનું ગુજરાતીમાં ભાષણ

વાવ થરાદમાં પીએમ મોદીએ માતૃષાભા ગુજરાતીમાં ભાષણ આપતા અનેક વાતો કરી, પીએમ મોદીએ જણાવ્યુ કે, થોડા દિવસ અગાઉ પાવન નવરાત્રિનો પર્વ પૂર્ણ થયો માં અંબાના ચરણોમાં આવવાનું સૌભાગ્ય મળ્યુ છે. માં અંબાના ચરણોમાં પ્રણામ છે. શામળીયાને શ્રદ્ધાપૂર્વક નમન છે. આજે મહાવીર જયંતી પણ મનાવાઇ રહી છે. આ જૈન તિર્થોની ધરતી છે. 

31/03/2026 17:24:36

પીએમ મોદીએ કોંગ્રેસ પર કર્યા પ્રહાર

પીએમ મોદીએ વાવ થરાદમાં કહ્યું કે, ભગવાન મહાવીરને પ્રણામ છે. મારું વીમાન ડીસા એરબેઝ પર લેન્ડ થયુ. ડીસા એરબેઝ ઈન્ટરનેશનલ એરબેઝથી માત્ર 130 કિમી દૂર છે. રાષ્ટ્રીય સુરક્ષા માટે ડીસા ખુબ મહત્વનું સ્થાન છે. આ સાથે જ પીએમ મોદીએ કોંગ્રેસ પર પ્રહાર કર્યા હતા. કોંગ્રેસના શાસનમાં ફાઈલ દબાવવાના કામ થયા છે. એરફોર્સનું મોટું બેઝ ડીસા સાથે જોડાયુ છે. 

31/03/2026 17:24:17

શંકર ચૌધરીએ વાવ થરાદના લોકોનું કર્યુ સંબોધન

આ પહેલા વિધાનસભા અધ્યક્ષ શંકર ચૌધરીએ ઉત્તર ગુજરાતમાં વિકાસની વાત કરી હતી, તેમને કહ્યું કે સરકારે બનાસકાંઠા જિલ્લામાં અનેક વિકાસના કર્યા છે. વાવ-થરાદ જિલ્લાની ભેટ પણ મળી છે. રાહ, ધરણીધર, ઓગડ તાલુકાની ભેટ મળી છે. ઉત્તર ગુજરાતે દુઃખના દિવસો પણ જોયા છે. નર્મદાનું પાણી ઉત્તર ગુજરાતની ધરતી પર પહોંચાડવાનું કામ થયુ છે. નર્મદાની નહેર નથી ત્યા સુજલામ સુફલાફ યોજનાથી પાણી પહોંચાડ્યુ છે. પહેલા અહીંયા પીવાના પાણી માટે પણ લોકો વલખા મારતા હતા, પરંતુ અત્યારે ઘરે ઘરે નળથી પાણી પહોંચી રહ્યું છે. પહેલા વીજળી માટે પણ આંદોલન થયા હતા. પ્રધાનમંત્રી મોદીએ યોગ્ય દિશા આપવાનું કામ કર્યુ છે. ઉત્તર ગુજરાતમાં બોર્ડર ટુરિઝમ માટેના કામ થયા છે. દીકરીઓના અભ્યાસ માટેના કામ થયા છે. બનાસકાંઠા જિલ્લામાંથી ડોક્ટરો મળ્યા છે. મોદી સાહેબ લોકોના દીલમાં રહે છે.

31/03/2026 14:43:33

ભારત સેમિકન્ડક્ટર ક્ષેત્રે આત્મનિર્ભર બનશે

સાણંદમાં લોકોને સંબોધતા વડાપ્રધાન મોદીએ કહ્યું હતું કે દરેક સેક્ટરમાં સુરક્ષિત પ્લેટફોર્મ મળ્યુ છે. દેશમાં 400 યુનિ. અને સ્ટાર્ટઅપને એક્સેસ અપાયા છે. ઈન્ડસ્ટ્રી એસ્ટીમેન્ટ અનુસાર સેમિકન્ડક્ટર માર્કેટ 4.5 લાખ કરોડનું છે. સેમિકન્ડક્ટર ક્ષેત્રમાં ખૂબ મોટી સંભાવના છે. સેમિકન્ડક્ટર ચીપ વધુમાં વધુ ભારતમાં જ બનાવાશે. એક સુરક્ષિત સપ્લાય ચેઈન સુનિશ્ચિત કરાશે. મિનરલની રિલાયકલિંગ માટે 1500 કરોડની સ્કીમ છે. દેશમાં ક્રિટિકલ મિનરલ માટે રાષ્ટ્રીય ભંડારનો પ્રયાસ છે. ક્રિટિકલ મિનરલ માટે મિશન મોડ પર કામ ચાલી રહ્યું છે. આવનારા દશકોમાં ભારતની લીડરશીપ મજબૂત થશે. ભારત અત્યારે દુનિયામાં સૌથી આગળ છે. ભારતની AI ઈકો સિસ્ટમનો સેમિકંડક્ટરમાં સાથ મળશે. ભારતની નીતિ અને નિર્ણય આવનારા સમયમાં મજબૂત પાયો નાખશે. સ્પેસ સાથે જોડાયેલા સ્ટાર્ટઅપ શાનદાર કામ કરે છે. ન્યૂક્લિયર સેક્ટરમાં શાંતિ બિલ જેવા ઐતિહાસિક નિર્ણય લેવાયા છે. AI ફીચર માટે ખુબ મહત્વના નિર્ણય લેવાયા છે. ભારત સેમિકન્ડક્ટર ક્ષેત્રે આત્મનિર્ભર બનશે. અનેક સેક્ટરમાં આત્મનિર્ભરતાને બળ મળશે.

તેમણે કહ્યું હતું કે આજે સવારે એક ડિવાઈન કાર્યક્રમમાં હતો. અત્યારે ડિજિટલવાળા કાર્યક્રમમાં છું. આજનો દિવસ ભારત માટે ગર્વની ક્ષણ છે. ગ્લોબલ માર્કેટમાં ભારતનું સ્થાન મજબૂત બની રહ્યું છે. સાણંદમાં બનનાર મોડ્યૂલ અમેરિકાની કંપનીમાં પહોંચશે. 

31/03/2026 14:44:00

કોલેજોમાં સેમિકન્ડક્ટરના અભ્યાસક્રમની તૈયારી

મુખ્યમંત્રી ભૂપેન્દ્ર પટેલે કાર્યક્રમને સંબોધતા કહ્યું કે કોલેજોમાં સેમિકન્ડક્ટરના અભ્યાસક્રમની તૈયારી ચાલી રહી છે. સાણંદ અને ધોલેરામાં મજબૂત ઈકો સિસ્ટમ બનશે. ડિજિટલ-ટેક્નોલોજીની ક્રાંતિમાં ભારત અગ્રણી રાષ્ટ્ર છે. 

31/03/2026 14:43:17

ભારત વિશ્વનું સેમિકન્ડક્ટર હબ બનશે

આઈટી મંત્રી અશ્વિની વૈષ્ણવે કહ્યું કે થોડા મહિનામાં ફાઉન્ડેશનથી પ્રોડક્શન શરૂ થયું છે. 28 ફેબ્રુઆરીના પહેલો પ્લાન્ટ શરૂ કરાયો હતો. ચાલુ વર્ષે વધુ બે પ્લાન્ટ શરૂ કરાશે. 2032 સુધી ભારત વિશ્વનું સેમિકન્ડક્ટર હબ બનશે

31/03/2026 14:00:59

PM મોદીએ સાણંદમાં કેઈન્સ સેમિકોન પ્લાન્ટનું કર્યું ઉદ્ધાટન

વડાપ્રધાન મોદી સાણંદ પહોંચ્યા હતા. તેમણે કેઈન્સ સેમિકોન પ્રોજેક્ટનું ઉદ્ધાટન કર્યું હતું. પ્લાન્ટમાં રોજ અંદાજે 60 લાખ ચિપનું ઉત્પાદન થશે. પ્લાન્ટ આઉટસોર્સ્ડ સેમિકન્ડક્ટર એસેમ્બલી ટેસ્ટ તરીકે કાર્ય કરશે. સેમિકન્ડક્ટર ચિપનું અત્યાધુનિક ટેસ્ટિંગ અને પેકેજિંગ કરવામાં આવશે.

31/03/2026 12:03:54

'આ મ્યુઝિયમનો સંદેશ પૂરી માનવતા માટે મહત્વપૂર્ણ છે'

લોકોને સંબોધતા વડાપ્રધાન મોદીએ કહ્યું કે આ મ્યુઝિયમમાં ભારતની સૌથી મોટી વિશિષ્ટતાના દર્શન થાય છે. ભારતની વિવિધતા અને એકતા તાકાત છે. વેદ, પૂરાણ, આયુર્વેદ, યોગ વિવિધ પરંપરાનો રંગ એક સાથે ઇન્દ્રધનુષની જેમ ઉપસ્થિત હોય એ ભારતમાં જ શક્ય બને. આજે વિશ્વ જે રીતે અસ્થિરતા અને અશાંતિની આગમાં દાઝી રહ્યું છે ત્યારે આ મ્યુઝિયમનો સંદેશ પૂરી માનવતા માટે મહત્વપૂર્ણ છે.  સમ્રાટ સંપ્રતિએ સત્તાને સેવા અને સાધના તરીકે કામ કર્યું. અહીંસાનો વિસ્તાર કર્યો. તેમણે સત્ય અને અપરિગ્રહનો પ્રચાર કર્યો.અહીં મૂલ્યોનું સંરક્ષણ થાય છે, સંસ્કારને સંબલ મળે છે અને જ્ઞાનનું પોષણ થાય છે. આ ત્રિવેણી ભારતીય સભ્યતાનો આધાર છે. આ ત્રિવેણીને અવિરત જાળવી રાખવાનું આપણું દાયિત્વ છે.

31/03/2026 11:58:22

'મ્યુઝિયમની ડિઝાઈનમાં ભવ્ય ભારતના દર્શન થાય છે': મોદી

સમ્રાટ સંપ્રતિ મ્યુઝિયમ’ લોકાર્પણ કાર્યક્રમમાં વડાપ્રધાન મોદીએ કહ્યું કે પવિત્ર જૈન તીર્થ પર આવવાનું સૌભાગ્ય મળ્યું છે. ભગવાન મહાવીરના ચરણોમાં પ્રણામ. ભગવાન મહાવીર જયંતિની દેશવાસીઓને શુભકામના પાઠવું છું. કોબા સ્થળ આધ્યાત્મિક શાંતિનું પ્રતિક છે. આ સ્થળ પર જૈન મુનિ અને સંતોની તપસ્યા છે. કોબા તિર્થમાં મૂલ્યોનું સંરક્ષણ થાય છે. કોબા તિર્થમાં જ્ઞાનનું પોષણ થાય છે. સમ્રાટ સંપ્રતિ ભારતના દર્શન અને વ્યવહારને જોડે છે. સમ્રાટ સંપ્રતિએ સત્તાને સેવા, સાધના માનીને કામ કર્યું છે. સમ્રાટ સંપ્રતિએ અહિંસાનો વિસ્તાર કર્યો છે. મ્યુઝિયમની ડિઝાઈનમાં ભવ્ય ભારતના દર્શન થાય છે. 

31/03/2026 11:55:53

મુખ્યમંત્રીએ કહ્યું કે PM મોદીએ ધર્મ અને વિરાસતના ગૌરવની પરંપરા સ્થાપિત કરી છે.

PM મોદીએ ગાંધીનગરના કોબામાં ‘સમ્રાટ સંપ્રતિ મ્યુઝિયમ’નું લોકાર્પણ કર્યું હતું. PM મોદીએ જૈન ધર્મનો ઐતિહાસિક-સાંસ્કૃતિક વારસો નિહાળ્યો હતો. પ્રાચીન કલાત્મક વિજ્ઞપ્તિ-પત્રો,વિશિષ્ટ શ્રૃતલેખન સામગ્રી છે. આગમ,વેદ,પુરાણની પ્રાચીન હસ્તપ્રતો પણ તેમાં સંગ્રહ કરાયો છે. મુખ્યમંત્રીએ કહ્યું કે PM મોદીએ ધર્મ અને વિરાસતના ગૌરવની પરંપરા સ્થાપિત કરી છે.

31/03/2026 11:55:44

આ મ્યુઝિયમ જૈન શાસનની આન,બાન અને શાનનું પ્રતિક: હર્ષ સંઘવી

ગૃહ મંત્રી હર્ષ સંઘવીએ કહ્યું કે, આજે વડાપ્રધાન મોદીના હસ્તે સમ્રાટ સંપ્રતિ મ્યુઝિયમનું લોકાર્પણ થયું છે. આ મ્યુઝિયમ જૈન શાસનની આન,બાન અને શાનનું પ્રતિક છે.

31/03/2026 10:47:57

સાણંદમાં કાયનેઝ સેમિકોન પ્રોજેક્ટ ખુલ્લો મુકશે

બાદમાં વડાપ્રધાન મોદી સાણંદમાં ચિપ પ્લાન્ટની મુલાકાત લેશે. સાણંદમાં કાયનેઝ સેમિકોન પ્રોજેક્ટ ખુલ્લો મુકશે. વાવ-થરાદમાં વિવિધ પ્રોજેક્ટનું લોકાર્પણ-ખાતમુહૂર્ત કરશે. અમદાવાદ અને ગાંધીનગરમાં વિકાસકાર્યોનો સમાવેશ થાય છે. સુભાષ બ્રિજ, ખારીકટ ફેઝ-2 સહિતના પ્રોજેક્ટનું ખાતમુહૂર્ત કરશે. અમદાવાદ-ધોલેરા એક્સપ્રેસ વેનું લોકાર્પણ કરશે. 

31/03/2026 10:47:42

વડાપ્રધાન મોદીના હસ્તે કોબામાં જૈન મ્યુઝિયમનું ઉદ્ઘાટન કરાયું

વડાપ્રધાન નરેન્દ્ર મોદી ગાંધીનગર પહોંચ્યા હતા. વડાપ્રધાન મોદીના હસ્તે કોબામાં જૈન મ્યુઝિયમનું ઉદ્ઘાટન કરાયું હતું. મ્યુઝિયમમાં 2 હજારથી વધુ પ્રાચીન શિલ્પ-કલા સામગ્રીનું પ્રદર્શન છે. વિવિધ રાજ્યોની અનમોલ વિરાસત સમાન કલાકૃતિનો સંગ્રહ છે. 

31/03/2026 10:42:41

'સમ્રાટ સંપ્રતિ મ્યુઝિયમ'નું લોકાર્પણ કરાશે

વડાપ્રધાન મોદી નવનિર્મિત 'સમ્રાટ સંપ્રતિ મ્યુઝિયમ'નું લોકાર્પણ કરાશે. આ મ્યુઝિયમ માત્ર કલાકૃતિઓનો સંગ્રહ નથી, પરંતુ ભારતની આધ્યાત્મિક ચેતના અને અહિંસાના શાશ્વત મૂલ્યોને વિશ્વ સમક્ષ ઉજાગર કરતું એક જીવંત માધ્યમ બની રહેશે.

31/03/2026 10:40:30

એરપોર્ટ પર પીએમ મોદીનું સ્વાગત કરાયું હતું.

એરપોર્ટ પર પીએમ મોદીનું સ્વાગત કરાયું હતું. મુખ્યમંત્રી અને રાજ્યપાલે પીએમ મોદીને આવકાર્યા હતા. પીએમ મોદી અમદાવાદથી ગાંધીનગર જવા રવાના થયા હતા.  થોડીવારમાં PM મોદી કોબામાં જૈન મ્યૂઝિયમનું ઉદ્ઘાટન કરશે. બાદમાં તેઓ સાણંદમાં કાયનેઝ સેમિકોન પ્રોજેક્ટ ખુલ્લો મુકશે.