સૌરાષ્ટ્ર, મધ્ય અને ઉત્તર ગુજરાતમાં સાર્વત્રિક વરસાદ વરસ્યો હોય તેવું લાગી રહ્યું છે. જેમાં લખતરમાં 9, નડિયાદમાં 8, બારડોલીમાં 6.5, બોરસદમાં 6.5 પેટલાદ અને વઢવાણમાં 6 ઇંચ વરસાદ નોંધાયો હતો. આ સાથે મહુધા-ડેડિયાપાડામાં 5 ઇંચ, ઉમરપાડા અને આંકલાવમાં પોણા 5 ઇંચ વરસાદ ખાબક્યો છે.
સાણંદ અને ખંભાતમાં સવા 4 ઈંચ, સોનગઢ, કામરેજ, તારાપુરમાં 4 ઈંચ વરસાદ જ્યારે ધ્રાંગધ્રામાં પોણા 4 ઈંચ, લીંમડી અને સાગબારામાં 3.5 ઇંચ વરસાદ નોંધાયો છે.
નોંધનીય છે કે, ગુજરાતના ઘણાં વિસ્તારોમાં આજે સવારથી જ વરસાદ શરૂ થઈ ગયો છે જેમાં સવાર 6 વાગ્યાથી 8 વાગ્યા સુધીમાં 125 તાલુકાઓમાં વરસાદ વરસ્યો છે જેમાં સૌથી વધુ વરસાદ સુરતના ઉમરપાડા અને માંડવીમાં અઢી ઈંચ વરસાદ ખાબક્યો છે.