ગઈકાલે પોરબંદર જિલ્લાના અડવાલા સહિતના ગ્રામ્ય વિસ્તારોમાં ભૂકંપના આંચકા અનુભવયા હતા. બાદમાં સાંજે ફરી એક વખત આંચકા અનુભવાયા હતા. છેલ્લા ઘણા સમયથી સૌરાષ્ટ્રમાં ભૂકંપના આંચકા અનુભવાઈ રહ્યા છે. આ પહેલા રાજકોટ, જામનગર અને જૂનાગઢ જિલ્લામાં પણ ભૂકંપના આંચકા અનુભવાયા હતા. અચાનક ભૂકંપના આંચકા અનુભવાતા લોકો પોતાના ઘરમાંથી બહાર દોડી આવ્યા હતા.
આ પહેલા પણ પોરબંદર જિલ્લમાં ભૂકંપના આંચકા અનુભવાયા હતા. 3.0 ની તીવ્રતાના ભૂકંપના આંચકા બે દિવસ પહેલા અનુભવાયા હતા. પોરબંદરના બરડા પંથકના કુણવદર સહિત આસપાસના વિસ્તારમાં ભૂકંપનો આંચકો અનુભવાયો હતો.