ATS Action: ગુજરાતમાં ગુજરાત ATSએ મોટી કાર્યવાહી કરી કરી છે, પોરબંદરમાથી ATSના દરોડા દરમિયાન 3 શખ્સોને ઝડપી પાડવામાં આવ્યા છે, માહિતી પ્રમાણે, છેલ્લા કેટલાક દિવસોથી ગુજરાત ATSની ટીમે પોરબંદરમાં ધામા નાંખ્યા હતા, હવે આ મામલે મોટા સમાચાર સામે આવ્યા છે. પોરબંદરમાં ATSએ સફળ ઓપરેશન પાર પડતા 3 શખ્સોની ધરપકડ કરી લીધી છે. આંતરરાષ્ટ્રીય આતંકી સંગઠન સાથે આ ચાર શખ્સોની સાંઠગાઠ હોવાનું ATSની તપાસમાં બહાર આવ્યુ છે. ATSના ડીઆઇજી દિપન ભદ્રન સહિતના અધિકારીઓએ ગઇકાલથી પોરબંદરમાં ધામા નાંખ્યા હતા. હવે આજે આ મુદ્દે પત્રકાર પરિષદ કરીને ATS મોટો ખુલાસો કરી શકે છે.
આતંકવાદી સંગઠન સાથે સંપર્ક ધરાવતી મહિલા સુરતમાંથી ઝડપાઈ
આતંકવાદી સંગઠન આઈએસકેપી સાથે સંપર્ક ધરાવતી મહિલા સુરતમાંથી ઝડપાઈ છે. એટીએસ દ્વારા ક્રાઇમ બ્રાન્ચ પોલીસની મદદથી મહિલાને ઝડપી લેવામાં આવી હતી. શહેરના લાલગેટ વિસ્તારમાંથી ‘ સુમેરા નામની મહિલાની અટકાયત કરીને Ats પોરબંદર લઈ ગઈ. પોરબંદરમાં પણ એટીએસે એ ઓપરેશન શરૂ કર્યું હતું, જેમાં બે લોકોની અટકાયત કરાઈ હતી. જેમની પૂછપરછ માં સુરતની મહિલાનું નામ બહાર આવ્યું હતું.
બે સંતાનોની માતા પિતાને આવી હતી મળવા
સુમેરા કન્યા કુમારીથી સુરત પોતાના પિતાને મળવા આવી હતી. સુમેરા બે સંતાનોની માતા છે. મહિલાના દક્ષિણ ભારતમાં લગ્ન થયા છે. એટીએસ દ્વારા અટકાયતમાં લેવામાં આવેલી મહિલાના દક્ષિણ ભારતના રાજ્ય તમિલનાડુમાં લગ્ન થયા હતા. બે સંતાનોની માતા એવી આ મહિલા હાલ તેના પરિવારને ત્યાં આવી હતી.
ભારત કે અન્ય દેશમાં હુમલાનો ઈરાદો હતો ?
મહિલાની ઈરાન થઈ અફઘાન જવાની યોજના હતી. પ્રતિબંધિત સંગઠન ઈસ્લામિક સ્ટેટ ઓફ ખોરસન પ્રોવિન્સ અફઘાન, પાકિસ્તાન અને તઝાકિસ્તાન અને ઉઝબેકિસ્તાનમાં કાર્યરત છે. અટકાયતમાં લેવાયેલા શકમંદો વિશે કહેવાય છે કે, તેઓ પહેલાં ઈરાન ત્યાંથી અફધાનિસ્તાનમાં જવાની પેરવીમાં હતા. આ પ્રદેશોમાં તાલીમ મેળવીને પરત આવી ભારતમાં કે અન્ય દેશોમાં હુમલા કરવાના ઈરાદા હતા. હાલ ATS ની ઓપરેશનની સત્તાવાર કોઈ જાહેરાત કરવામાં આવી નથી.