વિદ્યાર્થીનીઓએ આક્ષેપ કર્યો હતો કે, સંચાલકો દ્ધારા તેમને કોલેજ અને હોસ્ટેલમાંથી હાંકી કાઢવાની ધમકી આપવામાં આવી છે. એટલું જ નહી સંચાલકોએ ધમકી આપી છે કે ભવિષ્યમાં પણ આ રીતે તપાસ કરવામાં આવશે જો તેઓને આ મંજૂર ના હોય તો એ કોલેજ અને હોસ્ટેલ છોડીને જઇ શકે છે. વિદ્યાર્થીનીઓએ કહ્યું કે, કોલેજના મેનેજમેન્ટ દ્ધારા તેમને ધમકી આપવામાં આવી રહી છે કે અમે મીડિયા સામે કેમ ગયા.
સહજાનંદ ગર્લ્સ ઇન્સ્ટિટ્યૂટની હોસ્ટેલમાં રહેતી વિદ્યાર્થીનીઓએ કહ્યું કે, અમે આ સંસ્થાના નિયમોનું પાલન કરીએ છીએ. અમે લોકો માસિક ધર્મનું પણ પાલન કરીએ છીએ. તેમ છતાં ચાલુ ક્લાસમાં અમને માસિક ધર્મ અંગેની પૂછપરછ કરી તમામ છોકરીઓને બાથરૂમમાં લઇ જઇ તપાસ કરાઇ હતી.