Gujarat Local Body Election 2025: જામનગર જિલ્લાની ધ્રોળ, કાલાવડ અને જામજોધપુર નગરપાલિકાની ચૂંટણીમાં ભાજપનો વિજય થયો છે. 80 બેઠકોમાંથી 67 બેઠકો ભાજપને મળતા, કોંગ્રેસ માત્ર 10 બેઠકો પર જ સીમિત રહી છે. આમ આદમી પાર્ટી, બસપા અને અપક્ષ ઉમેદવારને એક-એક બેઠક પર વિજય થયો છે.
- જામજોધપુર નગરપાલિકા:
- 28 બેઠકોમાંથી 27 ભાજપના ઉમેદવારને અને 1 આમ આદમી પાર્ટી ઉમેદવારને મળ્યું.
- જેનો પરિણામ શાંતિપૂર્ણ વાતાવરણમાં આવ્યો.
- કાલાવડ નગરપાલિકા:
- 26 બેઠકો પર ભાજપના ઉમેદવાર બિનહરીફ વિજેતા.
- 2 બેઠકો પર કોંગ્રેસના ઉમેદવારને મળ્યું વિજય.
- 1239 વોટ્સ સાથે પરસોત્તમભાઈ હિરપરા અને 890 વોટ્સ સાથે ફાલ્ગુનીબેન સોજીત્રા વિજયી.
- ધ્રોલ નગરપાલિકા:
- 15 બેઠકો પર ભાજપનો વિજય.
- 8 બેઠકો પર કોંગ્રેસનો વિજય.
- 1 બેઠક પર અપક્ષ વિજય.
- 1774 વોટ્સ સાથે ગીતાબેન ચૌહાણ વિજયી.
સ્થાનિક સ્વરાજ્યની ચૂંટણીઓમાં ભાજપની આ જીત ઘણી રીતે મહત્વપૂર્ણ છે:
કોંગ્રેસના ગઢમાં ગાબડું: ભાજપે કોંગ્રેસના મજબૂત ગણાતા વિસ્તારોમાં જીત મેળવીને કોંગ્રેસના પાયાને હચમચાવી દીધો છે.
જનતાનો વિશ્વાસ: આ જીત દર્શાવે છે કે લોકો હજુ પણ ભાજપ પર વિશ્વાસ મૂકી રહ્યા છે અને પાર્ટીની નીતિઓ અને કાર્યક્રમોને સમર્થન આપી રહ્યા છે.
આગામી ચૂંટણીઓ માટે સંકેત: આ પરિણામો આગામી વિધાનસભા અને લોકસભા ચૂંટણીઓ માટે ભાજપ માટે સકારાત્મક સંકેત છે.
સ્થાનિક સ્વરાજ્યની ચૂંટણીઓમાં ભાજપની આ ભવ્ય જીત કોંગ્રેસ માટે ચિંતાનો વિષય છે, જ્યારે ભાજપ માટે ઉજવણીનો અવસર છે. આ પરિણામો ગુજરાતના રાજકારણમાં નવા સમીકરણો સર્જી શકે છે.
5 હજાર ઉમેદવારો મેદાનમાં હતા
સ્થાનિક સ્વરાજ્યની ચૂંટણીમાં 5775 દાવેદારો મેદાનમાં ઉતર્યા હતા અને કુલ 36 લાખ 71 હજાર 479 મતદારોને મતાધિકાર મળ્યો હતો. રાજ્યમાં પાલિકા-પંચાયતના યોજાયેલા મતદાનમાં ઘણા મતદાન મથકો પર મતદારોની લાંબી લાંબી કતારો પણ જોવા મળી હતી.
ઉલ્લેખનીય છે કે, આ વખતે સ્થાનિક સ્વરાજ્યની ચૂંટણી માટે કુલ 7036 ઉમેદવારીપત્રો દાખલ થયા હતા, જેમાંથી 1261 પત્રો અમાન્ય ઠર્યા, જ્યારે કે 5775 ઉમેદવારોની ઉમેદવારી માન્ય રાખવામાં આવી. જે બાદ 478 ઉમેદવારોએ ઉમેદવારીપત્ર પરત ખેંચ્યા, જેના કારણે 213 બેઠકો બિનહરીફ થઈ ગઈ. જેના પગલે હરિફાઇ હેઠળની બેઠકો માટે કુલ 5 હજાર 84 ઉમેદવારો ચૂંટણીના જંગમાં મેદાને ઉતર્યા હતાં.
આ પણ વાંચો....