તાપી નદીમાં બોટ પલટી મારી ગઈ હતી. ઘટનાની જાણ થતા સ્થાનિક તરવૈયાઓ દ્વારા મદદ કરવામાં આવી હતી અને 6 જેટલા લોકોને બચાવી લેવામાં આવ્યા છે. હાલ અન્યોની સ્થાનિક તરવૈયાઓની મદદથી શોધખોળ ચાલી રહી છે.
હોળીની રજાઓને લઈને લોકો ફરવાના સ્થળે જઈ રહ્યા છે. દરમિયાન તાપી નદીની આસપાસ આવેલા સ્થળો મોટી સંખ્યામાં પ્રવાસીઓ ઉમટી પડ્યા છે. ઉચ્છલ તાલુકાના સુંદરપુર ગામના રહેવાસીઓ ફરવા માટે ગયા હતા. તાપી જિલ્લાના ઉચ્છલ તાલુકાના ભીસકુદ ગામ ખાતે આવેલી તાપી નદીમાં હોડીમાં સવાર થઈને 13 જેટલા લોકો જઈ રહ્યા હતા.