ચેતન ખાચરને ટિકિટ મળતા જ સોમાભાઈ પટેલ હવે શું કરશે તેના પર સૌ કોઈની નજર રહેશે. સોમાભાઈ પટેલ ફોર્મ પણ ઉપાડી ચૂક્યા છે. જો સોમાભાઈ અપક્ષ તરીકે ઝંપલાવે તો લીંબડી બેઠક પર જોવા મળી શકે છે ત્રિપાંખિયો જંગ. જો કે, અપક્ષ તરીકે ચૂંટણી લડવાનો લઈ સોમાભાઈએ હાલમાં કોઈ ફોડ પાડ્યો નથી. ચેતન ખાચર કાઠી સમાજમાંથી આવે છે. કિરીટસિંહ સામે કોંગ્રેસમાંથી ચેતન ખાચર લડશે.
લીંબડીંમાં કોળી ઉમેરવારને મુદ્દે અસમંજસ હતી પરંતુ હવે ચિત્ર સ્પષ્ટ થયું છે. કોંગ્રેસે તમામ 8 બેઠકો પર ઉમેદવારો જાહેર કરી દીધા છે. કોંગ્રેસે ડેમેજ કંટ્રોલ બાદ લીંબડી બેઠક પર નામ જાહેર કર્યું છે. જોકે ભાજપે કિરીટસિંહ રાણાને ટિકિટ આપતા કોળી સમાજ અને અન્ય સમાજો પણ નારાજ થયા હોવાની ચર્ચા ચાલી રહી છે.
રાજ્યમાં 8 બેઠક અબડાસા, લીંબડી, મોરબી, ધારી, ગઢડા, કરજણ, ડાંગ અને કપરાડા બેઠક પર મતદાન યોજાશે. ત્યારે ભાજપ અને કોંગ્રેસ દ્વારા જાહેર કરવામાં આવેલ ઉમેદવારોની યાદી નીચે મુજબ છે.