જૂનાગઢ જિલ્લાના ખેડૂતોની દિવાળી બગડવાનું નક્કી છે. અતિવૃષ્ટીના કારણે ઘેડ વિસ્તારના 15 ગામોમાં મગફળીનો પાક નિષ્ફળ જવા છતાં સરકાર તરફથી સહાય કે પાક વીમો ન મળતા ખેડૂતોને હાલાકી પડી રહી છે. ખેડૂતો પાસે હવે શિયાળુ વાવેતર માટે પૈસા નથી.
સૌરાષ્ટ્ર અને દક્ષિણ ગુજરાતમાં હળવો વરસાદ પડવાની હવામાન વિભાગે આગાહી કરી છે. અરબી સમુદ્રમાં લો પ્રેસર સિસ્ટમ સક્રીય થતાં બે દિવસ સામાન્ય વરસાદ પડશે. અમરેલી, ગીર સોમનાથ, ભાવનગર, નવસારી અને વલસાડમાં વરસાદ પડે તેવી હવામાન વિભાગ તરફથી આગાહી કરવામાં આવી છે.