પાક વીમા કંપનીઓના ઠાગાઠૈયા સામે ખેડૂતોએ ગુજરાત હાઈકોર્ટમાં કરી અરજી

સુરેંદ્રનગર જિલ્લાના લખતર તાલુકાના અઢી હજાર જેટલા ખેડૂતોએ હાઈકોર્ટમાં અરજી કરી છે.

અમદાવાદ:  પાક વીમા કંપનીઓના ઠાગાઠૈયા સામે ખેડૂતોએ ગુજરાત હાઈકોર્ટના દરવાજા ખખડાવ્યા છે. સુરેંદ્રનગર જિલ્લાના લખતર તાલુકાના અઢી હજાર જેટલા ખેડૂતોએ હાઈકોર્ટમાં અરજી કરી છે. પ્રિમિયમની વસુલાત બાદ પણ વિમા કંપનીઓ વળતર ચૂકવતી ન હોવાનો આરોપ લગાવ્યો છે.

ખેડૂતોની અરજીને ધ્યાનમાં રાખીને ગુજરાત હાઈકોર્ટે રાજય સરકાર,વીમા કંપનીઓ સહિત અન્ય પક્ષકારને નોટિસ ફટકારી છે. ખેડૂતોને પડી રહેલી હાલાકી મુદ્દે તમામ પક્ષકાર પાસે કોર્ટે જવાબ માંગ્યો છે. 15 જાન્યુઆરી સુધીમાં કોર્ટમાં ખુલાસો કરવાના નિર્દેશ આપ્યા છે.