ગોધરા: ગોધરા નગરપાલિકા દ્વારા MGVCLનાં બાકી વીજ બિલની રકમ રૂપિયા 8 કરોડ 40 લાખ ચૂકવવામાં ન આવતાં આખરે MGVCL દ્રારા શહેરના 15 જેટલા વિસ્તારોમાં સ્ટ્રીટ લાઈટના વીજ કનેક્શન કાપી નાખવામા આવ્યા છે. જેનાં કારણે ગોધરા શહેરના મુખ્ય માર્ગ પર અંધાર પટ છવાયો છે.  ટ્રાફિકથી સતત ધમધમતા બામરોલી રોડ એસટી બસ સ્ટેન્ડ ,લાલ બાગ,સ્ટેશન રોડ સહિતનાં 15 વીજ કનેક્શન કાપી નાખવામાં આવ્યા છે. 


મુખ્ય માર્ગોની સ્ટ્રીટ લાઈટ બંધ થવાના કારણે નગરજનો ભારે મુશ્કેલીમાં મૂકાયા છે. આ તરફ વારંવાર નોટિસ આપી હોવા છતાં પાલીકાના સત્તાધીશો દ્વારા કોઈજ ગંભીરતા દાખવવામાં નથી આવી.  આખરે MGVCL દ્રારા શહેરના 15વિસ્તારો ની  સ્ટ્રીટ લાઈટ કનેશન કાપવાની ફરજ પડી અને પાલિકા દ્વારા બાકી વીજ બિલ રકમ ભરવામા નહી આવે તો અન્ય વિસ્તારના સ્ટ્રીટ લાઈટ કનેક્શન કાપી નાખવામાં આવશે તેમ MGVCL અધિકારીએ ચિમકી આપી છે. 


આ તરફ સ્ટ્રીટ લાઇટ સહિતની સુવિધાઓ નગરના લોકોને જોઇતી હોય તો બાકી વેરાની રકમ ભરી જવા પાલિકા પ્રમુખ જણાવી રહ્યા છે.  ગોધરા નગરપાલિકા હદ વિસ્તારનાં કોમર્શિયલ સહિત વિવિધ મિલકત વેરાની રકમ રૂપિયા 16 કરોડ બાકી છે. 


Gujarat Weather: હવામાન વિભાગે 5 દિવસ કમોસમી વરસાદની કરી આગાહી, ખેડૂતોને કરી આ અપીલ


હવામાન વિભાગે આગામી 5 દિવસને લઈ આગાહી કરી છે. જે મુજબ રાજ્યમાં પાંચ દિવસ છુટાછવાયા વરસાદની આગાહી છે. 15, 16 અને 17 માર્ચે વરસાદની આગાહી છે, થંડરસ્ટ્રોમ એક્ટિવિટી સાથે વરસાદ રહી શકે છે. દક્ષિણ ગુજરાતમાં 13 અને 14 માર્ચે વરસાદ રહેશે. 15 માર્ચથી સૌરાષ્ટ્ર-કચ્છમાં વરસાદ રહેશે, 16 માર્ચે કેટલાક સ્થળે થંડરસ્ટ્રોમ એક્ટિવિટી સાથે વરસાદ રહેશે, 17 માર્ચે કેટલાક વિસ્તારમાં વરસાદ રહેશે.  અમદાવાદમાં આજે અને આવતીકાલે વાદળછાયું વાતાવરણ રહેશે, જ્યારે 15 થી 17 વરસાદ રહેશે. ખેડૂતોને  પાક થઈ ગયો હોય લઈ લેવા વિનંતી છે. સૌથી વધુ સુરતમાં 38.8 ડિગ્રી તાપમાન નોંધાયું, જ્યારે અમદાવાદમાં 37 ડિગ્રી તાપમાન છે. બે દિવસ કોઈ ફેરફાર નહીં થાય.









 


માવઠાના વધુ એક રાઉન્ડથી કેરી, ઘઉં સહિતના પાકને નુકસાનની ભીતિ સર્જાતાં ખેડૂતોને માથે ચિંતાના વાદળો ઘેરાયા છે. આ ઉપરાંત આગામી પાંચ દિવસ દરમિયાન ડબલ સીઝન પણ અનુભવાય તેવી સંભાવના છે.


હવામાન વિભાગની આગાહી અનુસાર આગામી પાંચ દિવસ દરમિયાન ઉત્તર ગુજરાત, દક્ષિણ ગુજરાત, સૌરાષ્ટ્ર અને કચ્છના અનેક જિલ્લામાં 30 થી 40 કિલોમીટર પ્રતિ કલાકની ગતિએ પવન ફૂંકાવવા ઉપરાંત ગાજવીજ સાથે વરસાદ પડી શકે છે. આવતીકાલે જ્યાં માવઠાની આગાહી છે તેમાં બનાસકાંઠા, સાબરકાંઠા, પાટણ, દાહોદ, અમદાવાદ, તાપી, નર્મદા, સુરત, ભરૃચ, છોટા ઉદેપુર, રાજકોટ, જુનાગઢ, સુરેન્દ્રનગર, અમરેલી, દ્વારકા, પોરબંદર, કચ્છનો સમાવેશ થાય છે.આગામી પાંચ દિવસ દરમિયાન માવઠાની સૌથી વધુ અસર દક્ષિણ ગુજરાત, સૌરાષ્ટ્રમાં જોવા મળી શકે છે. આમ, કેટલાક સ્થળોએ ફરી ડબલ સીઝન અનુભવાય તેવી સંભાવના છે. 


આગામી પાંચ દિવસ કયા જિલ્લામાં માવઠાની આગાહી?



  • 13 માર્ચ : બનાસકાંઠા, સાબરકાંઠા, પાટણ, દાહોદ, અમદાવાદ, તાપી, નર્મદા, સુરત, ભરૂચ, છોટા ઉદેપુર, રાજકોટ, જુનાગઢ, સુરેન્દ્રનગર, અમરેલી, દ્વારકા, પોરબંદર, કચ્છ.

  • 14 માર્ચ: બનાસકાંઠા, સાબરકાંઠા, નર્મદા, તાપી, ભાવનગર, અમરેલી, રાજકોટ, કચ્છ.

  • 15 માર્ચ: નર્મદા, તાપી, અમરેલી, રાજકોટ, કચ્છ.

  • 16 માર્ચ: બનાસકાંઠા, સાબરકાંઠા, અરવલ્લી, સુરત, ડાંગ, તાપી, નવસારી, વલસાડ, અમરેલી, ભાવનગર, કચ્છ.

  • 17 માર્ચ: બનાસકાંઠા, સાબરકાંઠા, પાટણ, મહેસાણા, અરવલ્લી, દાહોદ, મહીસાગર, નર્મદા, ડાંગ, તાપી, અમરેલી, ભાવનગર, કચ્છ.