Gujarat Board Class 12 Result Live: ધોરણ 12 બોર્ડનું પરિણામ જાહેર, સામાન્ય પ્રવાહનું 93.7 ટકા તો વિજ્ઞાન પ્રવાહનું 83.51 ટકા

Gseb Hsc Result 2025: આજે ધોરણ 12 વિજ્ઞાન પ્રવાહ અને સામાન્ય પ્રવાહનું પરિણામ જાહેર કરાયું હતું

બ્રેકગ્રાઉન્ડ

Gseb Hsc Result 2025: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા લેવાયેલી ધોરણ 12ની બોર્ડ પરીક્ષાનું પરિણામ જાહેર થવાની વિદ્યાર્થીઓ અને વાલીઓ આતુરતાથી રાહ જોઈ રહ્યા હતા. હવે પરિણામને લઈ સૌથી મોટા સમાચાર સામે આવ્યા છે. 5  મે એટલે કે આજે ધોરણ 12 વિજ્ઞાન  પ્રવાહ અને સામાન્ય પ્રવાહનું પરિણામ જાહેર થશે.    શિક્ષણમંત્રી કુબેર ડિંડોરે એક્સ પર પોસ્ટ કરતા લખ્યું કે,  ફેબ્રુઆરી-માર્ચ 2025 માં યોજાયેલ ધોરણ-12 વિજ્ઞાન પ્રવાહ, સામાન્ય પ્રવાહ, વ્યવસાયલક્ષી પ્રવાહ, ઉચ્ચતર ઉત્તર બુનિયાદી પ્રવાહ, ગુજકેટ-2025 અને સંસ્કૃત મધ્યમની પરીક્ષાનું પરિણામ તા.05/05/2025 ના રોજ સવારે 10:30 કલાકે જાહેર કરવામાં આવશે.વિદ્યાર્થીઓ તેઓનું પરિણામ બોર્ડની વેબસાઇટ http://gseb.org પર પોતાનો બેઠક ક્રમાંક(Seat Number) Enter કરી મેળવી શકશે તથા WhatsApp Number 6357300971 પર પણ પોતાનો બેઠક ક્રમાંક મોકલીને પરિણામ મેળવી શકશે. આ વર્ષે ધોરણ 10ના 989 તો ધોરણ 12ના 672 કેન્દ્ર પર પરીક્ષા લેવાઈ હતી. રાજ્યમાં ધોરણ 10ની પરીક્ષા 8.92 લાખ વિદ્યાર્થીઓ આપી હતી. 4.23 લાખ વિદ્યાર્થીઓ ધોરણ 12 સામાન્ય પ્રવાહની પરીક્ષા આપી હતી.    આ પહેલા શિક્ષણ મંત્રી પ્રફુલ પાનસેરિયાએ જણાવ્યું હતું કે, 'ધોરણ 10-12ના વિદ્યાર્થીઓની બોર્ડની પરીક્ષા વહેલી લેવામાં આવી હોવાથી પરિણામ પણ વહેલા જાહેર થવાની શક્યતા છે. આ માટે બોર્ડનો સ્ટાફ મહેનત કરી રહ્યો છે, ત્યારે આગામી મે મહિનાના પહેલા અઠવાડિયામાં ધોરણ 10-12 બોર્ડની પરીક્ષાના પરિણામ જાહેર થવાની શક્યતા છે.'પરિણામ ઓનલાઇન ક્યાં જોવા મળશેધોરણ 12 સાયન્સના પરીક્ષા પરિણામ ઓનલાઇન જોવા મળશે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની વેબસાઇટ www.gseb.org પર પરિણામ જાહેર થયા બાદ અહીં ઓનલાઇન જાણી શકાય છે. વિદ્યાર્થીઓ તેમનો બેઠક કમાંક દાખલ કરીને પરીક્ષાનું પરિણામ જોઇ શકે છે. ધોરણ 12ના  વિદ્યાર્થીઓ વોટ્સએપ નંબર 6357300971 પર પોતાનો બેઠક ક્રમાંક મોકલીને પરિણામ મેળવી શકશે. વિદ્યાર્થીઓના ગુણપત્રક, પ્રમાણપત્ર અને SR શાળાવાર મોકલવા અંગેની જાણ હવે પછીથી કરવામાં આવશે.  આજે  વિદ્યાર્થીઓ પોતાનું પરિણામ જોઈ શકશે.                                                                                        

05/05/2025 12:18:54

શિક્ષણ રાજ્યમંત્રી પ્રફુલ પાનસરિયાએ વિદ્યાર્થીઓને સંદેશ આપ્યો

બોર્ડની પરીક્ષાના પરિણામને લઈ શિક્ષણ રાજ્યમંત્રી પ્રફુલ પાનસરિયાએ વિદ્યાર્થીઓને સંદેશ આપ્યો હતો. પરીક્ષામાં સફળ થનારા વિદ્યાર્થીઓને અભિનંદન પાઠવ્યા હતા. અસફળ થનારા વિદ્યાર્થીઓને એક મહિના પછી ફરીથી પરીક્ષાનો ચાન્સ મળશે. તેથી હતાશ ન થવા અપીલ કરી હતી.

05/05/2025 11:44:11

ધોરણ 12 સાયન્સમાં સુરતના વિદ્યાર્થીઓનો ડંકો વાગ્યો હતો

આજે ધોરણ 12 બોર્ડનું પરિણામ જાહેર કરાયું હતું. ધોરણ 12 સાયન્સમાં સુરતના વિદ્યાર્થીઓનો ડંકો વાગ્યો હતો. 247 વિદ્યાર્થીઓએ A - 1 ગ્રેડ પ્રાપ્ત કર્યો હતો. ધોરણ 12 સામાન્ય પ્રવાહમાં 1672 વિદ્યાર્થીઓ A-1 ગ્રેડ પ્રાપ્ત થયા હતા જ્યારે જ્યારે A - 2 ગ્રેડ મેળવનારા 6669 વિધાર્થીઓ નોંધાયા હતા.

સુરતમાં રત્ન કલાકારની દીકરીએ A-ગ્રેડ પ્રાપ્ત કર્યો હતો. A-ગ્રેડ પ્રાપ્ત કરી પરિવાર અને શાળાનું ગૌરવ વધાર્યું હતું. રત્ન કલાકારની દીકરીએ UPSCની તૈયારી કરવાની ઇચ્છા વ્યક્ત કરી હતી. સુરતમાં A - ગ્રેડ પ્રાપ્ત કરનારા સૌથી વધુ વિદ્યાર્થીઓ નોંધાયા હતા. સરથાણાની આશાદીપ ગ્રુપ ઓફ સ્કૂલના 500થી વધુ વિદ્યાર્થીઓએ એ-ગ્રેડ પ્રાપ્ત કર્યો હતો. ફટાકડા ફોડી વિદ્યાર્થીઓએ ઉજવણી કરી હતી. વિદ્યાર્થીઓ ગરબા અને ડી.જે.ના તાલે ઝૂમી ઉઠ્યા હતા.

05/05/2025 11:15:01

સામાન્ય પ્રવાહમાં છ કેંદ્રોનું 100 ટકા પરિણામ આવ્યું

ધોરણ 12 સામાન્ય પ્રવાહમાં છ કેંદ્રોનું 100 ટકા પરિણામ આવ્યું હતું. ખાવડા કેન્દ્રનું સૌથી ઓછું 52.56 ટકા પરિણામ તો સપ્રેડા, વાંગધ્રા કેંદ્રનું 100 ટકા પરિણામ આવ્યું હતું. ચંદ્રાલા, છાલા, લીમ્બોદ્રા કેંદ્રનું 100 ટકા પરિણામ આવ્યું હતું. વડોદરા જિલ્લાનું સૌથી ઓછું 87.77 ટકા પરિણામ આવ્યું હતું.

05/05/2025 11:08:33

ધો.12 સામાન્ય પ્રવાહમાં અમદાવાદ શહેરનું 89.21 ટકા

ધો.12 સામાન્ય પ્રવાહમાં અમદાવાદ શહેરનું 89.21 ટકા, અમદાવાદ જિલ્લાનું 90.95 ટકા, અમરેલી જિલ્લાનું 91.19 ટકા, કચ્છ જિલ્લાનું 95.5 ટકા પરિણામ, ખેડા જિલ્લાનું 88.7 ટકા પરિણામ, જામનગર જિલ્લાનું 93.61 ટકા પરિણામ, જૂનાગઢ જિલ્લાનું 89.15 ટકા પરિણામ, પંચમહાલ જિલ્લાનું 89.73 ટકા પરિણામ, ભરૂચ જિલ્લાનું 93.33 ટકા પરિણામ, ભાવનગરનું 95.82 ટકા પરિણામ, મહેસાણા જિલ્લાનું 95.5 ટકા પરિણામ, રાજકોટ જિલ્લાનું 93.66 ટકા પરિણામ, વલસાડમાં 89.52 ટકા પરિણામ, સાબરકાંઠામાં 92.10 ટકા પરિણામ, સુરત જિલ્લાનું 93.97 ટકા પરિણામ, સુરેંદ્રનગર જિલ્લાનું 95.76 ટકા પરિણામ, આણંદ જિલ્લાનું 93.46 ટકા પરિણામ, પાટણ જિલ્લાનું 93.6 ટકા પરિણામ મળ્યું હતું.

05/05/2025 11:08:09

ધોરણ 12 વિજ્ઞાન પ્રવાહમાં 831 વિદ્યાર્થીને A-1 ગ્રેડ મળ્યો હતો

ધોરણ 12 વિજ્ઞાન પ્રવાહમાં 831 વિદ્યાર્થીને A-1 ગ્રેડ મળ્યો હતો જ્યારે  8,083 વિદ્યાર્થીને A-2 ગ્રેડ મળ્યો હતો.  ધોરણ 12 સામાન્ય પ્રવાહમાં વિદ્યાર્થિનીઓએ બાજી મારી હતી. વિદ્યાર્થિનીઓએ 95.23 ટકા પરિણામ પ્રાપ્ત કર્યું હતું. જ્યારે વિદ્યાર્થીઓનું 90.78 ટકા પરિણામ આવ્યું હતું.

05/05/2025 11:07:50

ધો.12 સામાન્ય પ્રવાહમાં બનાસકાંઠા જિલ્લાનું સૌથી વધુ પરિણામ આવ્યું હતુ

ધો.12 સામાન્ય પ્રવાહમાં બનાસકાંઠા જિલ્લાનું સૌથી વધુ 97.20 ટકા પરિણામ આવ્યું હતુ. તે સિવાય સૌથી ઓછું વડોદરા જિલ્લાનું 87.77 ટકા પરિણામ આવ્યું હતું. ધોરણ 12 વિજ્ઞાન પ્રવાહમાં 194 સ્કૂલનું 100 ટકા પરિણામ આવ્યું હતું. તે સિવાય 34 સ્કૂલનું 10 ટકાથી ઓછું પરિણામ આવ્યું હતું.

05/05/2025 10:51:00

ગોંડલ કેન્દ્રનું સૌથી શ્રેષ્ઠ પરિણામ આવ્યું

ધોરણ 12 સાયન્સનું 83.51 ટકા પરિણામ આવ્યું હતું. મોરબી જિલ્લો 92.91 ટકા સાથે પ્રથમ તો દાહોદ જિલ્લો સૌથી છેલ્લા ક્રમે રહ્યો હતો. ગોંડલ કેન્દ્રનું સૌથી શ્રેષ્ઠ પરિણામ આવ્યું હતું. જ્યારે દાહોદ કેન્દ્રનું સૌથી નબળું પરિણામ આવ્યું હતું. ધોરણ 12 સામાન્ય પ્રવાહનું 93.07 ટકા આવ્યું હતુ. ગુજરાતી માધ્યમનું 93.07 ટકા પરિણામ આવ્યું હતું.

05/05/2025 10:49:12

ધોરણ 12 ગુજરાત બોર્ડનું પરિણામ જાહેર

ધોરણ 12 ગુજરાત બોર્ડનું પરિણામ જાહેર કરવામાં આવ્યું છે. ધોરણ 12 સામાન્ય પ્રવાહનું પરિણામ 93.7 ટકા આવ્યું હતું તો ધોરણ 12 વિજ્ઞાન પ્રવાહનું પરિણામ 83.51 ટકા આવ્યું હતું. ધો.12 સામાન્ય પ્રવાહમાં બનાસકાંઠા જિલ્લો અગ્રેસર રહ્યો છે. ધો.12 સામાન્ય પ્રવાહમાં બનાસકાંઠા જિલ્લાનું 97.20 ટકા પરિણામ જ્યારે સૌથી ઓછું પરિણામ વડોદરા જિલ્લાનું આવ્યું હતું.

ધોરણ 12 વિજ્ઞાન પ્રવાહમાં મોરબી જિલ્લો અગ્રેસર રહ્યો હતો. વિજ્ઞાન પ્રવાહમાં મોરબી જિલ્લાનું 92.91 ટકા પરિણામ આવ્યું હતું. વિજ્ઞાન પ્રવાહમાં સૌથી ઓછું પરિણામ દાહોદ જિલ્લાનું આવ્યું હતું. દાહોદ જિલ્લાનું સૌથી ઓછું 59 ટકા પરિણામ આવ્યું હતું.