વિધાનસભાની આઠ બેઠકોની પેટા ચૂંટણીમાં 58.14 ટકા મતદાન, સૌથી વધારે ડાંગમાં

આ પેટાચૂંટણીમાં કુલ 18 લાખ 95 હજાર 32 મતદારો મતાધિકારનો ઉપયોગ કરશે અને 81 ઉમેદવારોનું ભાવિ ઇવીએમમાં કેદ થશે.

બ્રેકગ્રાઉન્ડ

કોરોના કાળ વચ્ચે પેટાચૂંટણીમાં આઠ વિધાનસભા બેઠકો માટે મતદાન શરૂ થઈ ગયું છે. મોરબી, ગઢડા, ધારી, કપરાડા, અબડાસા, લીંબડી, કરજણ અને ડાંગ બેઠક માટે પેટા ચૂંટણી યોજાઈ રહી છે.આ પેટાચૂંટણીમાં કુલ 18 લાખ 95 હજાર 32 મતદારો મતાધિકારનો ઉપયોગ કરશે અને 81 ઉમેદવારોનું ભાવિ ઇવીએમમાં કેદ થશે. આઠ બેઠકો પર યોજાનારી પેટાચૂંટણીમાં 9 લાખ 69 હજાર 834 પુરૂષો અને 9 લાખ 5 હજાર 170 સ્ત્રીઓ મતદાનમાં ભાગ લેશે. 1 હજાર 807 મતદાન મથકો પર તૈયાર કરાયેલા 3 હજાર 24 મતદાન મથક પર મતદાન યોજાશે. તો તમામ બેઠક પર શાંતિપૂર્ણ રીતે મતદાન યોજાય તે માટે ચુસ્ત પોલીસ બંદોબસ્ત ગોઠવી દેવામા આવ્યો છે.અબડાસા બેઠક ભાજપના પ્રદ્યુમનસિંહ જાડેજા અને કૉંગ્રેસના શાંતિલાલ સેંઘાણી વચ્ચે જંગ છે. તો મોરબી બેઠક પર ભાજપના બ્રિજેશ મેરજા અને કૉંગ્રેસના જ્યંતિભાઈ પટેલ વચ્ચે જંગ છે. ધારી બેઠક પર ભાજપના જે.વી કાકડિયા અને કૉંગ્રેસના સુરેશ કોટડિયા તો ગઢડા બેઠક પર ભાજપના આત્મારામ પરમાર અને કૉંગ્રેસના મોહનલાલ સોલંકી વચ્ચે જંગ છે. કરજણ બેઠક પર ભાજપના અક્ષય પટેલ અને કૉંગ્રેસના કિરીટસિંહ જાડેજા તો કપરાડા બેઠક પર ભાજપના જીતુ ચૌધરી અને કૉંગ્રેસના બાબુભાઈ વરઠા વચ્ચે ખરાખરીનો જંગ છે.

03/11/2020 20:47:36

વિધાનસભાની આઠ બેઠકની પેટા ચૂંટણીમાં 58.14 ટકા મતદાન થયું છે.સૌથી વધારે ડાંગમાં 74.71 ટકા તો સૌથી ઓછું ધારી બેઠક પર 42.18 ટકા મતદાન.

03/11/2020 18:35:59

6 વાગ્યા સુધીમાં સરેરાશ 57.29 ટકા મતદાન થયું છે. ધારીમાં 42.18 ટકા, ગઢડામાં 47.86 ટકા, ડાંગમાં 74.71 ટકા, અબડાસા 57.78 ટકા, મોરબીમાં 51.88 ટકા લિંબડીમાં 56.04 ટકા, કરજણમાં 65.94 ટકા અને કપરાડામાં 67.34 ટકા મતદાન થયું છે.

03/11/2020 17:29:22

5 વાગ્યા સુધી મતદાનના આંકડાઃ અબડાસા 47.00,
ડાગ 70.12, ધારી માં 42.18, ગઢડા માં 46.69, કપરાડામાં 63.94, કરજણમાં 55.39, લિંબડી માં 54.46, મોરબીમાં 50.54 ટકા મતદાન

03/11/2020 16:31:07

બપોરે ત્રણ કલાક સુધી ધારીમા 33.07, ગઢડામાં 38.06, ડાંગમાં 66.24, અબડાસામાં 38.41, મોરબીમાં 41.67, લિંબડીમાં 44.72, કરજણમાં 40.64, કપરાડામાં 51.69 ટકા મતદાન

03/11/2020 14:53:14

2 વાગ્યા સુધી મતદાન ના આંકડા- અબડાસા 38.41 - ડાંગ 56.78 - ધારી 23.78 - ગઢડા 36.64 - કપરાડા 50.02 - કરજણ 40.64 - લિંબડી 42.61 - મોરબી 39.67

03/11/2020 14:33:33

ડાંગ પેટાચૂંટણી માં આચારસંહિતા ભંગની ફરિયાદ નોંધાઈ.

03/11/2020 14:25:36

લીમડી બેઠક પર ભેંસજાળ ગામ મા બોગસ વોટિંગ થઈ રહ્યુ હોવાનો કૉંગ્રેસનાં ઉમેદવાર ચેતન ખાચર નો આરોપ..

03/11/2020 11:06:04

કરજણ પોલીસે 2 યુવકોની કરી અટકાયત. ગઈકાલે 2 યુવાનો 57 હજારની રોકડ સાથે કરી હતી અટકાયત

03/11/2020 11:05:39

ગઢડા સ્વામિનારાયણ સંપ્રદાયના સાધુ સંતોએ કર્યું મતદાન ગઢડા ગોપીનાથજી મંદિર ના ચેરમેન સ્વામીએ સંતો સાથે કર્યું મતદાનગઢડા વિધાનસભા મત વિસ્તારના મતદારોને મતદાન જરૂર થી કરવા અપીલ કરી ગઢડાનો વિકાસ થાય તેવા પ્રતિનિધિને મત આપવા જણાવ્યું ગઢડા ગઢપુરનો યાત્રાધામ વિકાસ બોર્ડમાં સમાવેશ થાય તેવીને આશા સરકાર પાસે વ્યક્ત કરી.

03/11/2020 11:04:50

અબડાસા કોટડા ગામે મતદારોની લાંબી લાઈનો લાગી

03/11/2020 10:52:26

ડાંગ જિલ્લામાં ૧૦.૩૦ વાગ્યા સુધી ૧૫.૪૮ ટકા મતદાન

03/11/2020 10:38:03

ધારી ના પ્રેમપરા મહિલા મતદારોની લાઇન લાગી.

03/11/2020 10:09:49

ગઢડા શહેરમા ઢોલ સાથે વાજતે ગાજતે લોકોએ કર્યુ મતદાન. મહિલાઓ અને પુરુષો સાથે મળી ઢોલ વગાડતા લોકશાહી પર્વની કરી ઉજવણી.

03/11/2020 09:11:09

ભાજપના ઉમેદવાર જે.વી કાકડીયાએ કરી પૂજા. ધારી ભાજપના ઉમેદવાર જે.વી કાકડિયાએ પત્ની સાથે કર્યું મતદાન. જે.વી કાકડીયાએ ભગવાનના દર્શન કરી જીતનો વિશ્વાસ વ્યક્ત કર્યો. કાકડીયાએ પોતાના વતન ચલાલામાં મતદાન કર્યું.

03/11/2020 09:08:18

મોરબીઃ સાસંદ મોહન કુંડારીયાએ મતદાન કર્યુ. મોરબીની નીલકંઠ હાઇસ્કુલ પર કર્યુ મતદાન કર્યુ. મતદાન બાદ ભાજપ 10 હજાર મતની લીડથી જીતશે તેવો આશાવાદ વ્યક્ત કર્યો.

03/11/2020 09:07:30

કપરાડા પેટા ચૂંટણી માં કાકડકોપર પ્રાથમિક શાળા ખાતે ભાજપના ઉમેદવાર જીતુ ચૌધરીએ પરિવાર સાથે મતદાન કર્યું.

03/11/2020 09:06:54

ધારી ભાજપના ઉમેદવારનું મોટું નિવેદન અમારી જીત નક્કી છે. કોંગ્રેસે મારી પર ખોટા આક્ષેપો કર્યા હતા. હું કોઈ વેચાયો નથી.

03/11/2020 09:05:35

પોણા બે કલાકમાં 8-9 ટકા મતદાન થયું.

03/11/2020 08:37:54

ક્ચ્છ અબડાસા પેટા ચૂંટણીઃ લઘુમતી સમાજના મજબૂત અપક્ષ ઉમેદવાર હનીફ પડેયાર એ કર્યું મતદાન. કોંગ્રેસની પરંપરાગત બેઠકમાં અપક્ષ તરીકે મુશ્કેલી સર્જશે

03/11/2020 08:37:07

મોરબીઃ કોંગ્રેસના ઉમેદવાર જયંતિ જેરાજએ કર્યું મતદાન

03/11/2020 08:36:34

ડાંગ કોંગ્રેસના ઉમેદવાર સૂર્યકાંત ગાવીતે મતદાન કર્યુ

03/11/2020 08:17:15

કરજણ બેઠક પર કોંગ્રેસના ઉમેદવાર કિરીટસિંહ જાડેજાએ ભરથાણામાં પોતાનું મતદાન કર્યું મતદાન પછી એબીપી અસ્મિતા સાથે વાત કરી, જેમાં તેઓએ કહ્યું કે આજે પક્ષ પલ્ટો કરનારને પાઠ ભણાવવાનો સમય છે, અને આ વખતે તેમની 34 હજાર મતથી જીતનો વિશ્વાસ વ્યક્ત કર્યો.

03/11/2020 08:16:07

257 મતદારો પૈકી 17 મતદારોએ મતદાન કર્યું

03/11/2020 08:01:55

સવારે 7થી 8 કલાકના પ્રથમ એક કલાકમાં 4-5 ટકા મતદાન થયું.

03/11/2020 07:31:55

મોરબી બેઠક પરથી ભાજપના ઉમેદવાર બ્રિજેશ મેરજા ચમનપર ગામે પરિવાર સાથે મતદાન કરવા પહોંચ્યા.