Gujarat Assembly Election 2022: ગુજરાત વિધાનસભાની ચૂંટણીનું બંને તબક્કાનું મતદાન શાંતિપૂર્ણ માહોલમાં પૂર્ણ થયું હતું. બંને તબક્કાના મતદાન બાદ હવે ચૂંટણીના પરિણામ માટેની મતગણતરીની પ્રક્રિયા શરૂ થઈ ગઈ છે. આજે 182 બેઠકો પર 1621 ઉમેદવારોનું ભાવિ નક્કી થશે. હાલ 182 સીટના પ્રારંભિક વલણ સામે આવ્યા છે. જેમાં ભાજપ 136, કોંગ્રેસ 32, આપ 9 અને અન્ય 5 બેઠક પર આગળ છે.
ગુજરાત ચૂંટણી પરિણામ લાઈવ જોવા અહીં ક્લિક કરો : Live Updates
આજે મહેસાણામાં મત ગણતરી સ્થળ પર વીજ પુરવઠો ખોરવાયો છે.
મહેસાણા જિલ્લાની 7 બેઠકોની મતગણતરી બાસણા કોલેજ ખાતે થઈ રહી છે. આ દરમિયાન અહીં વીજ પુરવઠો ખોરવાયો છે
ખેરાલુ વિધાનસભા બેઠક માટે અંદાજીત 20 રાઉન્ડ માં થશે ગણતરી
વિસનગર વિધાનસભા બેઠક માટે અંદાજીત 17 રાઉન્ડ માં થશે ગણતરી
ઊંઝા વિધાનસભા બેઠક માટે અંદાજીત 18 રાઉન્ડ માં થશે ગણતરી
બેચરાજી વિધાનસભા બેઠક માટે અંદાજીત 21 રાઉન્ડ માં થશે ગણતરી
કડી વિધાનસભા બેઠક માટે અંદાજીત 22 રાઉન્ડ માં થશે ગણતરી
મહેસાણા વિધાનસભા બેઠક માટે અંદાજીત 20 રાઉન્ડ માં થશે ગણતરી
વિજાપુર વિધાનસભા બેઠક માટે અંદાજીત 18 રાઉન્ડ માં થશે ગણતરી
ગુજરાતમાં 27 વર્ષથી ભાજપની સરકાર છે
રાજ્યમાં છેલ્લા 27 વર્ષથી ભાજપની સરકાર છે. ગુજરાતમાં ભાજપનું અગાઉનું શ્રેષ્ઠ પ્રદર્શન 2002માં હતું, જ્યારે તેણે 182 સભ્યોની વિધાનસભામાં 127 બેઠકો જીતી હતી. ગુજરાતમાં પરંપરાગત રીતે ભાજપ અને કોંગ્રેસ વચ્ચે સ્પર્ધા રહી છે, પરંતુ આ વખતે AAP મેદાનમાં ઉતરતા ત્રિકોણીય બની છે. જો કે, એક્ઝિટ પોલના અનુમાનમાં કહેવામાં આવ્યું છે કે ભાજપને મોટી જીત મળશે.
શું હિમાચલમાં ઉલટફેર થશે?
હિમાચલ પ્રદેશમાં 1985 થી, કોઈપણ પક્ષ સતત બે વિધાનસભા ચૂંટણી જીતી શક્યો નથી. જો આ પહાડી રાજ્યમાં ભારતીય જનતા પાર્ટી સત્તામાં રહેશે તો તે એક રેકોર્ડ હશે. હિમાચલ પ્રદેશના એક્ઝિટ પોલમાં પણ ભાજપની જીતની આગાહી કરવામાં આવી છે. એબીપી ન્યૂઝ સી-વોટરના એક્ઝિટ પોલ મુજબ, હિમાચલ પ્રદેશની ચૂંટણીમાં ભાજપને 33-41 બેઠકો, કોંગ્રેસને 24-32 બેઠકો, AAPને શૂન્ય અને અન્યને 0-4 બેઠકો મળવાની ધારણા છે.