Gujarat Bypolls 2025 live updates: વિસાવદરમાં 43 ટકા અને કડીમાં 39 ટકા મતદાન, મતદારોમાં જબરદસ્ત ઉત્સાહ

gujarat bypolls 2025 live updates: વિસાવદર અને કડી વિધાનસભા બેઠકની પેટાચૂંટણી માટે આજે મતદાન યોજાશે

બ્રેકગ્રાઉન્ડ

gujarat bypolls 2025 live updates: વિસાવદર અને કડી વિધાનસભા બેઠકની પેટાચૂંટણી માટે આજે મતદાન યોજાશે. વિસાવદરમાં ભાજપના ઉમેદવાર કિરીટ પટેલ,કૉંગ્રેસના નીતિન રાણપરિયા અને AAPના ગોપાલ ઇટાલિયા વચ્ચે ટક્કર જોવા મળશે.  297 મતદાન મથકો પર બે લાખ, 61 હજાર મતદારો મતદાન કરશે. મતદાનને લઈ તમામ તૈયારીઓ પૂર્ણ કરી દેવાઈ છે.મતદાન મથકો પર મતદાન માટેની મશીનરી અને પોલિંગ સ્ટાફ પહોંચી ચૂક્યો છે. સવારે 7 વાગ્યે મતદાન શરુ થશે. શાંતિપૂર્ણ માહોલમાં મતદાન થાય તે માટે વિસાવદરમાં 800થી વધુ પોલીસકર્મીઓ, SRPની 3 ટીમ અને CRPFના જવાનોને તૈનાત કરાયા છે.વિસાવદરમાં 2 લાખ, 60 હજાર મતદારો છે. જેમાં 1 લાખ, 30 હજાર લેઉવા પટેલ મતદારો છે. તો 21 હજાર દલિત અને 20 હજાર કોળી મતદારો છે. વિસાવદરની પેટા ચૂંટણી માટે ચૂંટણી પંચે ગ્રીન ઇલેક્શનની થીમ અપનાવી છે. પ્રથમવાર મતદાન કરનારા 100 મતદારોને રોપાનું વિતરણ કરાશે. તો કડી વિધાનસભાની પેટાચૂંટણીમાં ભાજપ, કોંગ્રેસ અને AAP મળી કુલ આઠ ઉમેદવાર મેદાનમાં છે. એક હજાર 620 કર્મચારીઓ ચૂંટણીમાં ફરજ બજાવશે.

19/06/2025 14:31:05

કડીમાં બપોરે 1 વાગ્યા સુધીમાં 36 ટકા મતદાન

હાલના સમાચાર પ્રમાણે અત્યાર સુધીમાં કડીમાં 39 ટકા મતદાન છે. વરસાદી માહોલના કારણે શરૂઆતમાં કડીમાં મતદાન ધીમું રહ્યું છે. મોટી સંખ્યામાં મહિલા મતદારો મતદાન કરવા પહોંચ્યા હતા. 

 

19/06/2025 14:29:58

વિસાવદરમાં 43 ટકા મતદાન થયું

વિસાવદરમાં અત્યાર સુધીમાં વિસાવદરમાં 43 ટકા મતદાન થયું છે. પે સેન્ટર કુમાર શાળામાં 2 મતદાન બુથ પર સૌથી ઓછું મતદાન થયુ છે. બુથ નંબર 246માં કુલ 874 મતદારો પૈકી 229 લોકોએ મતાધિકારનો ઉપયોગ કર્યો છે. બુથ નંબર 238માં કુલ 1,123 મતદારો પૈકી 336 લોકોએ મતાધિકારનો  ઉપયોગ કર્યો. ગ્રામીણ વિસ્તારની સરખામણીએ શહેરી વિસ્તારમાં ઓછું અને ધીમું મતદાન થઇ રહ્યું છે.  ભેંસાણ તાલુકાના ગામોમાં જબરદસ્ત મતદાન થઈ રહ્યું છે.

19/06/2025 13:36:55

વિસાવદરમાં અત્યાર સુધી 42 ટકા મતદાન

અત્યાર સુધીમાં વિસાવદરમાં 42 ટકા મતદાન થયું છે. શરૂઆતના સવારના ચાર કલાકમાં વિસાવદરમાં જબરદસ્ત મતદાન થયું છે.  12 વાગ્યા બાદ મતદાનમાં ઘટાડો થયો હતો. વિસાવદરમાં અત્યાર સુધી શાંતિપૂર્ણ માહોલમાં  મતદાન ચાલી રહ્યું છે. વિસાવદરમાં મતદાન દરમિયાન કોઈ અનિચ્છનીય ઘટના બન્યાના કોઇ અહેવાલ નથી. ભેંસાણ તાલુકાના ગામોમાં  જબરદસ્ત મતદાન થઈ રહ્યું છે

19/06/2025 12:19:27

વિસાવદરમાં સૌથી વધુ મતદાન સેમરાળા બૂથ ઉપર થયું

વિસાવદરમાં સૌથી વધુ મતદાન સેમરાળા બૂથ ઉપર થયું હતું. સેમરાળા ગામમાં 866 મતદારો પૈકી 430 મતદારોએ 12 વાગ્યા સુધી મતદાન કર્યું હતુ. પ્રથમ 5 કલાકમાં સેમરાળા ગામમાં 50 ટકા જેટલું મતદાન થયું હતું. 1800ની વસ્તી ધરાવતા સેમરાળા ગામના મતદારો જાગૃત જોવા મળ્યા હતા. 

19/06/2025 11:49:11

વિસાવદરમાં અત્યાર સુધીમાં 32 ટકા મતદાન

વિસાવદરના ભેસાણમાં સવાર સવારમાં ભારે મતદાન થયું હતું. વિસાવદરમાં અત્યાર સુધીમાં 32 ટકા મતદાન થઈ ચુક્યું છે

19/06/2025 11:48:55

કડી પેટાચૂંટણીમાં અત્યાર સુધીમાં 25 ટકા મતદાન

કડી વિધાનસભાની પેટાચૂંટણીમાં અત્યાર સુધીમાં 25 ટકા મતદાન થયું હતું. પૂર્વ નાયબ મુખ્યમંત્રી નીતિન પટેલે પણ મતદાન કર્યું હતું. વરસાદના કારણે મતદાન ધીમું હોવાનો નીતિન પટેલે દાવો કર્યો હતો.

19/06/2025 09:54:40

જાણો કેટલા ટકા મતદાન થયું

19/06/2025 09:42:40

કડી વિધાનસભા બેઠક પર પાટીદાર અને ઠાકોર મતદારો નિર્ણાયક

કડી વિધાનસભા બેઠક પર પાટીદાર અને ઠાકોર મતદારો નિર્ણાયક છે. કડીમાં 30 ટકા પાટીદાર તો 31 ટકા ઠાકોર મતદારો છે. કડીના ધારાસભ્ય કરશન સોલંકીના નિધનથી બેઠક ખાલી પડતા પેટાચૂંટણી યોજાઇ રહી છે

19/06/2025 09:42:27

પેટાચૂંટણીમાં બે કલાકમાં અંદાજિત ત્રણ ટકાથી વધુ મતદાન થયું હતું

વિસાવદર અને કડી વિધાનસભાની પેટાચૂંટણીમાં બે કલાકમાં અંદાજિત ત્રણ ટકાથી વધુ મતદાન થયું હતું. બંને બેઠક પર ભાજપ, કોંગ્રેસ અને AAPના ઉમેદવારો વચ્ચે ચૂંટણી જંગ છે. વિસાવદર પેટાચૂંટણીને લઈ મતદારોમાં જબરદસ્ત ઉત્સાહ જોવા મળી રહ્યો છે. ભેંસાણ તાલુકામાં વહેલી સવારથી મતદારોએ મતદાન માટે લાઈન લગાવી હતી.

19/06/2025 08:35:41

અત્યાર સુધીમાં વિસાવદર અને કડી પેટાચૂંટણીમાં બે ટકા જેટલું મતદાન થયું

કડી વિધાનસભા પેટાચૂંટણીને લઈ 294 મતદાન કેન્દ્ર પર મતદાન ચાલી રહ્યું છે. કડી શહેરમાં 54 તો તાલુકાના ગ્રામ્ય વિસ્તારમાં 240 મતદાન કેન્દ્ર છે. કડી પેટાચૂંટણીમાં 2 લાખ 89 હજારથી વધુ મતદાતાઓ છે. કડીના ન્યૂ આદર્શ હાઈસ્કૂલ મતદાન બૂથ 156ને પર્યાવરણની થીમ પર બનાવાયું છે. ન્યૂ આદર્શ હાઈસ્કૂલના મતદાન બૂથ નંબર 158ને દિવ્યાંગ બૂથ બનાવાયું છે. લક્ષ્મીપુરા (આંદુદરા)ના મતદાન બૂથ નંબર 85ને સખી બૂથ બનાવાયું છે. અત્યાર સુધીમાં વિસાવદર અને કડી પેટાચૂંટણીમાં બે ટકા જેટલું મતદાન થયું

19/06/2025 08:35:12

વિસાવદર બેઠક માટે 297 મતદાન કેન્દ્ર પરથી મતદાન ચાલી રહ્યું છે

વિસાવદર બેઠક માટે 297 મતદાન કેન્દ્ર પરથી મતદાન ચાલી રહ્યું છે. વિસાવદર પેટાચૂંટણીને લઈ 2 લાખ 60 હજાર મતદાતાઓ મત્તાધિકારનો ઉપયોગ કરશે. ભેંસાણ તાલુકાના મતદાન કેન્દ્રો પર મતદારોનો ઉત્સાહ જોવા મળ્યો હતો.

19/06/2025 08:34:53

વિસાવદરમાં વહેલી સવારથી લાઈનો લાગી

વિસાવદરમાં વહેલી સવારથી લાઈનો લાગી છે. વિસાવદરમાં ભાજપ, કોંગ્રેસ અને AAP વચ્ચે  ચૂંટણી જંગ છે.  વિસાવદર કરતા વધુ ભેંસાણમાં મતદારોનો ઉત્સાહ જોવા મળી રહ્યો છે. ભેંસાણના મતદાન મથક પર વહેલી સવારથી જ મતદારોની લાઈન લાગી છે.

19/06/2025 08:32:05

કડી વિધાનસભાની પેટા ચૂંટણીમાં કુંડાલ મતદાન મથક 160 પર થોડીવાર માટે મતદાન રોકાયું

મહેસાણામાં કડી વિધાનસભાની પેટા ચૂંટણીમાં કુંડાલ મતદાન મથક 160 પર થોડીવાર માટે મતદાન રોકાયું હતું. કોગ્રેસના ઉમેદવાર રમેશભાઈ ચાવડાએ આક્ષેપો કર્યા હતા. કુંડાલ મતદાન મથક નંબર 160 પર બુથ એજન્ટને લઈ વિવાદ થયો હતો. કોગ્રેસ ના ઉમેદવાર દ્ધારા નકલી બુથ એજન્ટ બેઠો હોવાનો આક્ષેપ કરાયો હતો. આ મુદે ચૂંટણી અધિકારને કોગ્રેસ ઉમેદવાર દ્ધારા લેખિત ફરીયાદ કરવાની કાર્યવાહી શરૂ કરાઇ હતી. 

19/06/2025 08:06:51

વિસાવદરથી કોંગ્રેસના ઉમેદવાર નીતિનભાઈ રાણપરીયાએ મતદાન કર્યું

વિસાવદર વિધાનસભા પેટાચૂંટણીમાં કોંગ્રેસના ઉમેદવાર નીતિનભાઈ રાણપરીયાએ મતદાન કર્યું હતું. નીતિનભાઈ રાણપરીયા એ પરિવાર સાથે બીઆરસી ભવન ભેસાણ ખાતે મતદાન કર્યું હતું. નીતિનભાઈ રાણપરીયા ભેંસાણના વતની છે. નીતિનભાઈ રાણપરીયા એ વિજયનો વિશ્વાસ વ્યક્ત કર્યો હતો. 

19/06/2025 07:18:24

કડીની ચૂંટણીની તસવીર

કડી વિધાનસભા પેટાચૂંટણીમાં 294 મતદાન મથકો, 106 બૂથ સંવેદનશીલ છે. કડી વિધાનસભા બેઠક જાળવી રાખવા માટે, ભાજપે પોતાના જનસંઘ યુગના દિગ્ગજ નેતા અને પાર્ટીના વફાદાર રાજેન્દ્ર ચાવડાને મેદાનમાં ઉતાર્યા છે. કોંગ્રેસે કડી વિધાનસભા મતવિસ્તારમાંથી વરિષ્ઠ નેતા અને ભૂતપૂર્વ ધારાસભ્ય રમેશભાઈ ચાવડાને પણ મેદાનમાં ઉતાર્યા છે. આમ આદમી પાર્ટીએ કડીમાં જગદીશ ચાવડાને મેદાનમાં ઉતાર્યા છે. કડી વિધાનસભા પેટાચૂંટણીમાં 106 બૂથ સંવેદનશીલ છે.

19/06/2025 07:17:54

2.61 લાખ મતદારો મતદાન કરશે

વિસાવદરમાં મુખ્ય મુકાબલો ભાજપ-કોંગ્રેસ અને આપ વચ્ચે છે. 297 મતદાન મથકો પર 2.61 લાખ મતદારો મતદાન કરશે, 1884 કર્મચારીઓ તૈનાત કરવામાં આવ્યા છે. ભાજપ-કોંગ્રેસ અને આપ સાથે પેટાચૂંટણીમાં અન્ય પક્ષોના ઉમેદવારો પણ મેદાનમાં છે. વિસાવદર વિધાનસભા મતવિસ્તારમાં કુલ 2,61,092 મતદારો નોંધાયેલા છે. જેમાં 1,35,609 પુરુષો, 1,25,479 મહિલા મતદારોનો સમાવેશ થાય છે.

19/06/2025 07:17:27

વિસાવદરની ચૂંટણી તસવીર

ભાજપે જૂનાગઢ જિલ્લાની વિસાવદર વિધાનસભા બેઠક માટે કિરીટભાઈ પટેલને ટિકિટ આપી છે. જેમની સામે કોંગ્રેસે નીતિનભાઈ રાણપરિયાને મેદાનમાં ઉતાર્યા છે. જ્યારે આમ આદમી પાર્ટીના ઉમેદવાર ગોપાલ ઈટાલિયા છે.

આ ત્રણ મુખ્ય ઉમેદવારો ઉપરાંત, કિશોરભાઈ કાંકડ, તુલસી લાલૈયા, નિરુપાબેન મધુ, બિનલકુમાર પટેલ, રાજેશકુમાર પટેલ, ભરતભાઈ નારીગરા, યુનુસભાઈ સોલંકી, રજનીકાંત વાઘાણી, રાજ પ્રજાપતિ, સુરેશ માલવિય, રોહિત સોલંકી, સંજયભાઈ ટાંક અને હિતેશભાઈ વઘાસિયા પણ આ બેઠક પરથી ચૂંટણી લડી રહ્યા છે.