Coronavirus Cases LIVE: ગોરધન ઝડફિયા થયા સંક્રમિત, ટ્વીટ કરીને આપી જાણકારી

15/04/2021 15:54:25

મોડાસાની આરટીઓ કચેરીમાં ૪ RTO અધિકારી કોરોનાગ્રસ્ત

મોડાસાની આરટીઓ કચેરીમાં ૪ RTO અધિકારી કોરોનાગ્રસ્ત થયા છે. જિલ્લા આરટીઓ અધિકારી  સહિત અન્ય ત્રણ આસિસ્ટન્ટ અધિકારીઓને પણ કોરોના થયો છે. જિલ્લાની મુખ્ય આરટીઓ કચેરીમાં કોરોનાની એન્ટ્રીથી ફફડાટ ફેલાયો છે.

15/04/2021 15:53:16

ઝડફિયા પણ કોરોનાની ઝપેટમાં

ગુજરાત ભાજપના નેતા ગોરધન ઝડફિયાનો કોરોના પોઝિટિવ આવ્યો છે. તેમણે ટ્વિટ કરીને  જાણકારી છે. જે મુજબ તેમણે,  હળવા લક્ષણો જણાતા ટેસ્ટ કરાવ્યો હતો. જે પોઝિટિવ આવતાં હોસ્પિટલમાં સારવાર અર્થે ખસેડવામાં આવ્યા છે. તેમણે પોતાના સંપર્કમાં આવેલાતમામને ટેસ્ટ કરવા માટે જણાવ્યું હતું.

15/04/2021 11:58:17

ગુજરાત હાઈકોર્ટમાં સુનાવણી શરૂ

કોરોનાના વધતા કેસને લઈને ગુજરાતી હાઈકોર્ટે સુઓમોટો દાખલ કરી હતી જે સંદર્ભે આજે ગુજરાત હાઈકોર્ટમાં સુનાવમી શરૂ થઈ ગઈ છે. આ પહેલા ગઇકાલે ગુજરાત સરકારે હાઈકોર્ટમાં સોગંદનામું કર્યું હતું અને ગુજરાતમાં કોરોનાની સ્થિતિને લઈને વિગતે માહિતી આપી હતી.

15/04/2021 07:23:55

ગુજરાતમાં છેલ્લા 14 દિવસમાં નોંધાયેલા કેસ અને મોત

તારીખ	નોંધાયેલા કેસ	મોત
14 એપ્રિલ	7410	73
13 એપ્રિલ	6690	67
12 એપ્રિલ	6021	55
11 એપ્રિલ	5469	54
10 એપ્રિલ	5011	49
9 એપ્રિલ	4541	42
8 એપ્રિલ	4021	35
7 એપ્રિલ	3575	22
6 એપ્રિલ	3280	17
5 એપ્રિલ	3160	15
4 એપ્રિલ	2875	14
3 એપ્રિલ	2815	13
2 એપ્રિલ	2640	11
1 એપ્રિલ	2410	9
કુલ કેસ અને મોત	59,972	476

15/04/2021 07:23:39

કેટલા લોકોએ લીધી રસી

વેક્સિનેસન (vaccinations) કાર્યક્રમ અંતર્ગત અત્યાર સુધીમાં કુલ 85,29,083 લોકોને વેક્સિનનો પ્રથમ ડોઝ આપવામાં આવ્યો છે અને 12,03,465 લોકોને કોરોનાની રસીનો બીજો ડોઝ આપવામાં આવ્યો છે.  આમ કુલ- 97,32,548 લોકોને રસીકરણના ડોઝ આપવામાં આવ્યા છે.  

15/04/2021 07:23:27

ક્યાં કેટલા કેસ નોંધાયા ?

અમદાવાદ કોર્પોરેશનમાં 2491,  સુરત કોર્પોરેશનમાં 1424, રાજકોટ  કોર્પોરેશનમાં 551,  વડોદરા કોર્પોરેશનમાં 317, જામનગર કોર્પોરેશન 189, મહેસાણા 191, સુરત 231,   બનાસકાંઠા 119, વડોદરા 135, જામનગર 119,  ભરુચ-124, પાટણ -108, રાજકોટ-102, ભાવનગર કોર્પોરેશન-84, ભાવનગર-81, નવસારી-78, આણંદ- 76, પંચમહાલ-73, સુરેન્દ્રનગર-69, કચ્છ-68, ગાંધીનગર-62, દાહોદ-61,  ગાંધીનગર કોર્પોરેશન-58, અમરેલી-55, જુનાગઢ કોર્પોરેશન-54,  જુનાગઢ-52, ખેડા-51, મહીસાગર-49, મોરબી-41, સાબરકાંઠા-41, તાપી-41, વલસાડ-37, અમદાવાદ-35, અરવલ્લી-26,બોટાદ-26, ગીર સોમનાથ-23, નર્મદા-21, દેવભૂમિ દ્વારકા-20, છોટા ઉદેપુર-12, પોરબંદર-9 અને ડાંગમાં 6 કેસ નોંધાયા હતા. 

15/04/2021 07:23:18

કોરોનાથી ક્યાં કેટલા મોત થયા ?

આજે અમદાવાદ કોર્પોરેશનમાં 24, સુરત  કોર્પોરેશનમાં 24,  રાજકોટ કોર્પોરેશન-7, વડોદરા કોર્પોરેશન-6, રાજકોટમાં-2, સાબરકાંઠા-2, અમદાવાદ, અમરેલી, ડાંગ, ગાંધીનગર, જુનાગઢ, જુનાગઢ કોર્પોરેશન, સુરત અને વડોદરામાં એક-એકના મોત સાથે કુલ 73 લોકોના મોત થયા હતા. રાજ્યમાં મૃત્યુઆંક વધીને 4995 પર પહોંચી ગયો છે.

બ્રેકગ્રાઉન્ડ

Gujarat Coronavirus Cases LIVE Updates: રાજ્યમાં કોરોના વાયરસ (Coronavirus)નો કહેર થમી નથી રહ્યો છે. દરરોજ રેકોર્ડબ્રેક કોરોના પોઝિટિવ કેસ સામે આવી રહ્યાં છે. ત્યારે  છેલ્લા 24 કલાકમાં રાજ્યમાં અત્યાર સુધીના સૌથી વધુ 7410 નવા કેસ નોંધાયા છે. જ્યારે વધુ 73 લોકોનાં મૃત્યુ થયા છે. કોરોનાથી કુલ મૃત્યુઆંક પાંચ હજારનની નજીક પહોંચી ગયો છે.   

રાજ્યમાં આજે 2642 લોકોએ કોરોનાને મ્હાત આપી છે. તેની સાથે અત્યાર સુધી 3,23,371 લોકો ડિસ્ચાર્જ થયા છે. રાજ્યમાં એક્ટિવ કેસ (Active cases)ની સંખ્યા વધીને 39 હજારને પાર પહોંચી ગઈ છે. રાજ્યમાં હાલ એક્ટિવ કેસનો આંકડો 39250 પર પહોંચ્યો છે. જેમાંથી 254 લોકો વેન્ટિલેટર પર અને 38996 લોકો સ્ટેબલ છે. રાજ્યમાં કોરોનાથી રિકવરી રેટ 87.96 ટકા છે.  રાજ્યમાં કુલ મૃત્યુઆંક 4995 પર પહોંચ્યો છે.