Gujarat Election 2022 Live Updates: દસાડાના ભાજપના ઉમેદવારે મતદારોને ધમકાવ્યા, કહ્યુ- ‘અમે રાજનીતિમાં છીએ, ભજન મંડળી નથી ચાલતી’
ગુજરાત વિધાનસભાની ચૂંટણીના મતદાનને માત્ર ત્રણ દિવસ બાકી છે
gujarati.abplive.com Last Updated: 28 Nov 2022 11:01 AM
બ્રેકગ્રાઉન્ડ
કચ્છઃ ગુજરાત વિધાનસભાની ચૂંટણીના મતદાનને માત્ર ત્રણ દિવસ બાકી છે. વિધાનસભા ચૂંટણી પહેલા આમ આદમી પાર્ટીને મોટો ઝટકો લાગ્યો છે. સુરત બાદ હવે કચ્છના ઉમેદવારે મેદાન છોડી દીધું છે. ત્યારે...More
કચ્છઃ ગુજરાત વિધાનસભાની ચૂંટણીના મતદાનને માત્ર ત્રણ દિવસ બાકી છે. વિધાનસભા ચૂંટણી પહેલા આમ આદમી પાર્ટીને મોટો ઝટકો લાગ્યો છે. સુરત બાદ હવે કચ્છના ઉમેદવારે મેદાન છોડી દીધું છે. ત્યારે કચ્છની અબડાસા વિધાનસભા બેઠક સૌથી મોટો ઉલટફેર થયો હતો. અબડાસાના આમ આદમી પાર્ટીના ઉમેદવારે ભાજપને ટેકો જાહેર કર્યો હતો. આમ આદમી પાર્ટીના ઉમેદવાર વસંત ખેતાણીએ ભાજપને ટેકો જાહેર કર્યો હતો. સાથે જ તેમને એક વીડિયો પણ જાહેર કર્યો છે.જેમાં તે કહી રહ્યા છે કે આમ આદમી પાર્ટી છોડી રહ્યો છું અને અબડાસા હિતમાં હું ભાજપમાં જોડાઈ રહ્યો છું. આમ મતદાનના થોડા દિવસ પહેલા જ આમ આદમી પાર્ટીમાં મોટું ગાબડું પડ્યું છે.કાલે વડાપ્રધાનની હાજરીમાં ભાજપને ટેકો આપશે. આમ આદમી પાર્ટીના કાર્યકર્તા હવે અબડાસાના નીરદલ ઉમેદવાર હકૂમત સિંહ જાડેજાને સમર્થન આપશે. આ પહેલા સુરતના ઉમેદવારો પોતાની ઉમેદવારી પરત ખેંચી લીધી હતી. અબડાસા બેઠક ઉપર આમ આદમી પાર્ટીના ઉમેદવારે ભાજપને ટેકો જાહેર કરતા હવે અપક્ષ ઉમેદવાર મજબૂત થયો છે.આમ આદમી પાર્ટીના કાર્યકર્તા હવે અપક્ષ ઉમેદવાર હકૂમત સિંહ જાડેજાને વોટ આપવા અપીલ કરી છે. હકૂમત સિંહ જાડેજાનું અબડાસામાં વર્ચસ્વ રહેલુ છે.
ભાજપના ઉમેદવાર મતદારોને પરોક્ષ રીતે ધમકાવી રહ્યા છે.
દસાડા વિધાનસભા બેઠક પર ભાજપના ઉમેદવાર પી.કે પરમારનો વીડિયો વાયરલ થયો છે. જેમાં તે મતદારોને પરોક્ષ રીતે ધમકાવી રહ્યા છે. પ્રચાર દરમિયાન ગ્રામ્ય વિસ્તારમાં ગયેલ પી.કે પરમારને ગામના લોકોએ સમસ્યાની રજૂઆત કરતા ઉમેદવારે મતદારોને રોકડું પરખાવ્યું હતું અને કહ્યું કમળ ઓછા અને પંજા વધારે નીકળે તો પછી તમે ભાજપ પાસે આશા રાખો? પહેલા બેલેટ પેપર હોય તો ખબર ન પડે હવે તો મશીન આવી ગયા ખબર પડી જાય. અમે રાજનીતિમાં છીએ ભજન મંડળી નથી ચાલતી. Abp અસ્મિતા વીડિયોની પુષ્ટી કરતું નથી.