Gujarat Rain Alert: ગુજરાતમાં ફરી એકવાર મેઘરાજા તોફાન મચાવી શકે છે, તાજેતરમાં જ હવામાન વિભાગની સાથે સાથે હવામાનકારોએ પણ વરસાદના વધુ એક ભારે રાઉન્ડ વિશે અનુમાન કર્યુ છે. ગુજરાતમાં આગામી 72 કલાકમાં ભારે વરસાદ ખાબકી શકે છે, જેના કારણે રાજ્યના 26 જિલ્લામાં ક્યાંક યલો તો ક્યાંક ઓરેન્જ એલર્ટ આપવામાં આવ્યું છે. ખાસ કરીને દક્ષિણ અને મધ્ય ગુજરાતમાં ભારે વરસાદની આગાહી કરવામાં આવી છે, આ ઉપરાંત સૌરાષ્ટ્રના કેટલાક જિલ્લાઓમાં વરસાદ ખાબકશે.
રાજ્યમાં વધુ એક વરસાદનો મોટો રાઉન્ડ આવશે, હવામાન વિભાગ અનુસાર, આગામી ચાર દિવસ અતિભારે વરસાદની આગાહી છે. ગુજરાતના 26 જિલ્લામાં યલો-ઓરેન્જ અલર્ટ છે. જેાં દક્ષિણ અને મધ્ય ગુજરાતમાં ભારે વરસાદની આગાહી છે. સૌરાષ્ટ્રના કેટલાક જિલ્લાઓમાં ભારે વરસાદ આવી શકે છે. આજે પંચમહાલ, દાહોદ, વડોદરા, છોટા ઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, અમરેલી, ભાવનગર જિલ્લામાં ભારે વરસાદનું યલો અલર્ટ છે. તો આવતીકાલે રાજ્યના લગભગ તમામ વિસ્તારોમાં વરસાદ આવી શકે છે. હવામાન વિભાગે ગુજરાતના કેટલાક જિલ્લાના નીચાણવાળા વિસ્તારના લોકોને સતર્ક રહેવાની સલાહ આપી છે. હવામાન વિભાગના ડાયરેક્ટર એકે દાસે રાજ્યમાં ભારેથી અતિભારે વરસાદની આગાહી કરી છે. તેમણે કહ્યું કે, 27 તારીખથી મેઘરાજા ધબધબાટી બોલાવશે. 5 દિવસ ભારેથી અતિભારે વરસાદની આગાહી છે. 27, 28 જુલાઈએ અતિભારે વરસાદની આગાહી કરાઈ છે. આજે ગુજરાતમાં છૂટાછવાયા વરસાદની શક્યતા છે. જ્યારે 26 જુલાઈથી રાજ્યમાં વરસાદનું જોર વધી શકે છે. તો 27 અને 28 જુલાઈએ ભારેથી અતિભારે વરસાદની શક્યતા સેવાઈ રહી છે. મેઘરાજા પંચમહાલ, દાહોદ, છોટાઉદેપુરમાં મન મૂકીને વરસાદ વરસી શકે છે. જ્યારે બનાસકાંઠા, મહીસાગર, વડોદરામાં પણ ભારે વરસાદની આગાહી કરવામાં આવી છે.
આગામી 72 કલાકમાં રાજ્યના કેટલાક ભાગોમાં મૂશળધાર વરસાદની શક્યતા અંબાલાલ પટેલે વ્યક્ત કરી છે. તેમણે કહ્યું કે, કેટલાક ભાગોમાં ભારેથી અતિભારે વરસાદ થવાની શક્યતા છે. ભારે વરસાદથી રાજ્યમાં પૂરની સ્થિતિ સર્જાઈ શકે છે. દક્ષિણ ગુજરાતના ભાગોમાં ભારે વરસાદની શક્યતા છે. મોરબી, થાન, ચોટીલા, સુરેન્દ્રનગર, હળવદ, રાજકોટમાં ભારે વરસાદની શક્યતા છે. પાટણ, સમી, હારીજ, મહેસાણા, બનાસકાંઠામાં ભારે વરસાદની શક્યતા છે. 70થી 80 કિમીની ઝડપે પવન ફૂંકાવાની શક્યતા છે.
વડોદરા, છોટાઉદેપુર, નર્મદા, ડાંગમાં ભારે વરસાદની આગાહી છે. વલસાડ, નવસારી, પંચમહાલ, દાહોદમાં ભારે વરસાદની આગાહી છે. અમદાવાદ અને ગાંધીનગરમાં ગાજવીજ સાથે વરસાદની આગાહી છે. સુરેન્દ્રનગર, અમરેલી, રાજકોટમાં અતિભારે વરસાદની આગાહી છે. રાજ્યમાં એક સાથે ચાર વરસાદી સિસ્ટમ સક્રિય છે. માછીમારોને આગામી પાંચ દિવસ દરિયો ન ખેડવા સૂચના છે.