Gujarat rain live updates: મહેમદાવાદનું કુણા ગામ બેટમાં ફેરવાયું, હજારો વીઘા જમીન પાણીમાં ગરકાવ

સતત 3 દિવસ સુધી રાજ્યના મોટાભાગના વિસ્તારોમાં ધોધમાર વરસાદી માહોલ બાદ છેલ્લા 24 કલાકથી સાર્વત્રિક વરસાદનું જોર ઘટ્યું છે.

બ્રેકગ્રાઉન્ડ

સતત 3 દિવસ સુધી રાજ્યના મોટાભાગના વિસ્તારોમાં ધોધમાર વરસાદી માહોલ બાદ છેલ્લા 24 કલાકથી સાર્વત્રિક વરસાદનું જોર ઘટ્યું છે. જો કે આજે 11 જિલ્લામાં ભારે વરસાદની આગાહી સાથે યલો એલર્ટ જાહેર કરાયું છે. આજે વાવ, થરાદ, પાટણ, વડોદરા, છોટાઉદેપુર, નર્મદા, ભરૂચ, સુરત, તાપી, ડાંગ, નવસારી અને વલસાડમાં ભારે વરસાદ ખાબકી શકે છે. એ સિવાય અમદાવાદ સહિત રાજ્યના અન્ય વિસ્તારોમાં હળવો વરસાદ વરસી શકે છે. જો કે 30 જુલાઈથી વરસાદના વધુ એક રાઉન્ડ આવશે. બંગાળની ખાડીમાં નવી સિસ્ટમ સક્રિય થતા ફરી ધોધમાર વરસાદ ખાબકશે. ગુરુવારથી દક્ષિણ ગુજરાત અને મધ્ય ગુજરાતના કેટલાક જિલ્લાઓમાં ભારે વરસાદી માહોલ શરૂ થશે. અમદાવાદ અને ગાંધીનગરમાં પણ શુક્રવારથી ભારે વરસાદ શરૂ થઈ શકે છે.રાજ્યમાં આજે સવારથી જ વાતાવરણમાં પલટો આવ્યો છે અને અત્યાર સુધીમાં કુલ 72 તાલુકાઓમાં મેઘરાજાએ પધરામણી કરી છે. જેમાં સૌથી વધુ વરસાદ અમદાવાદ જિલ્લાના ધંધુકા તાલુકામાં નોંધાયો છે, જ્યાં દોઢ ઈંચ જેટલો વરસાદ ખાબકતા માર્ગો પર પાણી ફરી વળ્યા હતામધ્ય ગુજરાતના પંચમહાલ, દાહોદ, વડોદરા, છોટાઉદેપુર, નર્મદા, અને ભરૂચમાં પણ શુક્રવારથી અતિભારે વરસાદ શરૂ થશે. છેલ્લા 24 કલાકમાં રાજ્યના 137 તાલુકામાં વરસાદ ખાબક્યો હતો. જેમાં વલસાડના કપરાડામાં સૌથી વધુ ચાર ઈંચ, બનાસકાંઠાના અમીરગઢમાં સવા ત્રણ ઈંચ, ડીસામાં 3 ઈંચ, વાવ-થરાદના રાહ તાલુકામાં અઢી ઈંચ જ્યારે લાખણીમાં 1.77 ઈંચ વરસાદ ખાબક્યો તો રાત્રી દરમિયાન મહેસાણામાં એક ઈંચ વરસાદ ખાબક્યો હતો.અમદાવાદમાં મોડી રાતથી વરસી રહ્યો છે વરસાદવીજળીના કડાકા ભડાકા સાથે સવારના સમયે પણ વરસાદ ચાલુ રહ્યો હતો. સાયન્સ સિટી, એસજી રોડ, વસ્ત્રાપુર, થલતેજ, બોડક દેવ, મેમનગર, ઘાટલોડિયા અને ચાંદલોડિયામાં એક-એક જેટલો વરસાદ ખાબક્યો હતો. તો બોપલ, ઘૂમા, સરખેજ,જોધપુર, સેટેલાઈટ, વાસણા, નવરંગપુરા, ન્યૂ રાણીપ, આશ્રમ રોડ, દૂધેશ્વર, મેમકો, શાહપુર, અસારવા,હંસપુરા સહિતના વિસ્તારોમાં અડધો ઈંચ વરસાદ નોંધાયો હતો. અમદાવાદ પૂર્વના ઓઢવ, વસ્ત્રાલ, રામોલ, હાટકેશ્વર, નિકોલ, બાપુનગર, ઠક્કરબાપાનગર, નરોડા, નારોલ, રખિયાલ, સીટીએમ, ઈસનપુર, ઘોડાસર, જશોદાનગર સહિતના વિસ્તારોમાં પણ ગાજવીજ સાથે વરસાદ ખાબક્યો હતો. કેટલાક નીચાણવાળા વિસ્તારોમાં પાણી ભરાયાના દ્રશ્યો પણ સામે આવ્યા હતા. તો સવારથી ખાબકી રહેલા ધોધમાર વરસાદના કારણે અમદાવાદ શહેર પૂર્વ અને પશ્ચિમ ડીઈઓ કચેરીએ તમામ સ્કૂલોને તાકીદે સૂચના બહાર પાડી સ્થાનિક પરિસ્થિતિનું મૂલ્યાંકન કરીને નિર્ણય લેવા સૂચના આપી હતી. શાળા પરિસરમાં પાણી ન ભરાયા હોય અને વાહનવ્યવહાર સુરક્ષિત હોય તેની ખાતરી કર્યા બાદ જ શાળા શરૂ કરવાનો સ્પષ્ટ આદેશ અપાયો છે. જો કોઈ જોખમ જણાય તો વિદ્યાર્થીઓની સલામતી અર્થે તાત્કાલિક નિર્ણય લઈ વાલીઓને સમયસર જાણ કરવા સૂચના આપી હતી. અમદાવાદ શહેરમાં અત્યાર સુધી સીઝનનો સરેરાશ 19.19 ઈંચ સાથે 53.31 ટકા વરસાદ ખાબકી ચૂક્યો છે. જ્યારે 21 વિસ્તારોમાં તો 20 ઈંચથી વધુ વરસાદ વરસી ચુક્યો છે જેમાં સરખેજ અર્બન હેલ્થમાં સૌથી વધુ 27.55 ટકા અને બોપલમાં 27.28 ઈંચ વરસાદ ખાબકી ચુક્યો છે.

27/07/2026 14:07:24

મહેમદાવાદનું કુણા ગામ બેટમાં ફેરવાયું

મહેમદાવાદ અને તેના આસપાસના ગ્રામ્ય વિસ્તારોમાં ખાબકેલા ૨૫ ઈંચ જેટલા ભારે વરસાદના કારણે તારાજી સર્જાઈ છે, જેના આકાશી દ્રશ્યો સામે આવ્યા છે. ભારે વરસાદના પગલે મહેમદાવાદનું કુણા ગામ અને નવું કુણા ગામ જાણે બેટમાં ફેરવાઈ ગયું હોય તેવી સ્થિતિ સર્જાઈ છે. ગામની સીમમાં આવેલી હજારો વીઘા જમીનમાં ચોમેર 'જ્યાં જુઓ ત્યાં જળ' જેવો ઘાટ સર્જાતાં મોટાપાયે વાવેતર કરેલો ડાંગરનો પાક પાણીમાં ગરકાવ થઈ ગયો છે, જેના કારણે ખેડૂતોમાં પાક સંપૂર્ણપણે નિષ્ફળ જવાની ગંભીર ભીતિ સેવાઈ રહી છે.

Continues below advertisement

27/07/2026 13:57:27

સુરત જિલ્લાના ખેડૂતો થયા પાયમાલ

દક્ષિણ ગુજરાતમાં વરસેલા અનારાધાર વરસાદથી ખેડૂતો પાયમાલ થયા છે.  સુરત જિલ્લામાં ભારે પવન સાથે વરસેલા વરસાદથી ખેડૂતોને મોટુ આર્થિક નુકસાન વેઠવાનો વારો આવ્યો છે. કામરેજ તાલુકાના કરજણ ગામના અમીશભાઈએ એક લાખનો ખર્ચ કરીને આશરે ત્રણ વીઘા જમીનમાં કેળનું વાવેતર તો કર્યુ. પરંતુ 24 જુલાઈએ વાવાઝોડા સાથે વરસેલા ધોધમાર વરસાદે ખેડૂતની આશાઓ પર પાણી ફેરવી દીધુ. ત્રણ વિઘામાં ઉભેલ તૈયાર કેળનો પાક સંપૂર્ણપણે જમીનદોસ્ત થયો. કેળનો પાક નષ્ટ થતા  અમીશભાઈને આર્થિક નુકસાની ભોગવવાનો વારો આવ્યો. શાકભાજી પકવતા ખેડૂતો પણ કુદરતના કહેર સામે પાયમાલ થયો. સુરેશભાઈ નામના ખેડૂતે ત્રણ વિઘા જમીનમાં લાખોનો ખર્ચ કરીને પરવળ અને ગલકાના પાકનું વાવેતર કર્યુ હતુ. પરંતુ ભારે વરસાદથી ખેતરોમાં પાણી ફરી વળતા આખે આખો પરવળનો પાક અને ગલકા માટે તૈયાર કરેલ માંડવો પણ જમીનદોસ્ત થઈ ગયો. મોંઘા બિયારણ, ખેતમજૂરી, ડીઝલ સહિતના ખર્ચ બાદ કુદરતના મારથી ધરતીપુત્રોને ફરી આર્થિક ફટકો પડ્યો છે. ત્યારે ખેડૂતો હવે સરકાર પાસે સહાયની આશા સેવી રહ્યાં છે.

27/07/2026 13:52:40

પાલનપુરમાં 2 ઈંચ વરસાદથી ઠેક ઠેકાણે ભરાયા પાણી

બનાસકાંઠાના પાલનપુરમાં  માત્ર ૨ ઈંચ વરસાદે જ તંત્રની કામગીરીની પોલ ખોલી દીધી હતી.  જ્યાં કલેક્ટર કચેરી, મામલતદાર કચેરી અને જૂના બસ સ્ટેન્ડ જેવા વિસ્તારોમાં જળબંબાકારની સ્થિતિ સર્જાઈ છે. વરસાદી પાણીના નિકાલના અભાવે પાલનપુર-અંબાજી મુખ્ય માર્ગ તેમજ નેશનલ હાઈવે પર ધનિયાણા ચોકડી નજીક 3 થી 4 ફૂટ જેટલાં ઘૂંટણસમા પાણી ભરાઈ જતાં વાહનવ્યવહાર ઠપ્પ થઈ ગયો છે અને વાહનચાલકો ભારે હાલાકી ભોગવી રહ્યા છે.

Continues below advertisement

27/07/2026 13:03:37

પાણીના પ્રચંડ પ્રવાહ વચ્ચે NDRFનું દિલધડક રેસ્ક્યૂ ઓપરેશન

અમદાવાદ જિલ્લાના ધોલેરા પંથકમાં ભોગાવો અને સાબરમતી નદીના ધસમસતા પાણી ફરી વળતાં સ્થિતિ અત્યંત ગંભીર બની છે અને સમગ્ર વિસ્તાર જળમગ્ન થઈ ગયો છે. નદીઓના પૂરના કારણે ધોલેરાના વણીતળાવ વિસ્તારમાં આશરે 70 જેટલા લોકો ફસાઈ જતાં અફરાતફરી મચી ગઈ હતી. પૂરની આ વિકટ સ્થિતિ વચ્ચે તંત્ર દ્વારા પીપળીગામ ખાતે તાત્કાલિક ધોરણે યુદ્ધના ધોરણે રેસ્ક્યૂ ઓપરેશન હાથ ધરવામાં આવ્યું હતું, જે દરમિયાન 20 લોકોને સુરક્ષિત બહાર કાઢી લેવામાં આવ્યા છે, જ્યારે અન્ય ફસાયેલા લોકોને ઉગારવા માટે કવાયત તેજ કરવામાં આવી છે.

27/07/2026 12:30:26

મહેસાણાના બહુચરાજીમાં વરસાદ બાદ ફરી સમસ્યા

મહેસાણા જિલ્લાના બહુચરાજી પંથકમાં તાજેતરમાં પડેલા ભારે વરસાદ બાદ સ્થાનિક રહીશોની મુશ્કેલીઓમાં ધરખમ વધારો થયો છે. વરસાદી પાણીના નિકાલની યોગ્ય વ્યવસ્થા ન હોવાના કારણે વિવિધ વિસ્તારોમાં જળબંબાકારની સ્થિતિ સર્જાઈ છે.

27/07/2026 12:28:23

સાબરમતી નદીના પટમાં જોખમી રીતે નહાતા લોકો

સાબરમતી નદીના ઉપરવાસમાં ભારે વરસાદ અને પાણીની આવકના પગલે વહીવટી તંત્ર દ્વારા નદી કિનારે ન જવાની સ્પષ્ટ ચેતવણીઓ આપવામાં આવી છે, છતાં કેટલાક બેદરકાર લોકો પોતાના જીવને જોખમમાં મૂકી રહ્યા છે. ગાંધીનગર નજીક આવેલા સંત સરોવર પાસે ગઈકાલે મોટી સંખ્યામાં લોકો પ્રતિબંધ હોવા છતાં નદીના પટમાં ઉતરી પડ્યા હતા. તંત્રની સૂચનાઓને નેવે મૂકીને લોકો નદીના પાણીમાં નહાતા અને ડેમના દરવાજા નજીક જોખમી રીતે લટાર મારતા નજરે પડ્યા હતા, જેના કારણે સંત સરોવરનો આસપાસનો વિસ્તાર કોઈ પિકનિક સ્પોટ બની ગયો હોય તેવો ઘાટ સર્જાયો હતો.

27/07/2026 11:38:12

સુરત જિલ્લાના ખેડૂતો થયા પાયમાલ

દક્ષિણ ગુજરાતમાં વરસેલા અનારાધાર વરસાદથી ખેડૂતો પાયમાલ થયા હતા. સુરત જિલ્લામાં ભારે પવન સાથે વરસેલા વરસાદથી ખેડૂતોને મોટુ આર્થિક નુકસાન વેઠવાનો વારો આવ્યો છે. કામરેજ તાલુકાના કરજણ ગામના અમીશભાઈએ એક લાખનો ખર્ચ કરીને આશરે ત્રણ વીઘા જમીનમાં કેળનું વાવેતર તો કર્યુ. પરંતુ 24 જુલાઈએ વાવાઝોડા સાથે વરસેલા ધોધમાર વરસાદે ખેડૂતની આશાઓ પર પાણી ફેરવી દીધુ. ત્રણ વિઘામાં ઉભેલ તૈયાર કેળનો પાક સંપૂર્ણપણે જમીનદોસ્ત થયો હતો. કેળનો પાક નષ્ટ થતા અમીશભાઈને આર્થિક નુકસાની ભોગવવાનો વારો આવ્યો. શાકભાજી પકવતા ખેડૂતો પણ કુદરતના કહેર સામે પાયમાલ થયો. સુરેશભાઈ નામના ખેડૂતે ત્રણ વિઘા જમીનમાં લાખોનો ખર્ચ કરીને પરવળ અને ગલકાના પાકનું વાવેતર કર્યુ હતુ. 

27/07/2026 11:36:16

ભારે વરસાદથી અમરેલી જિલ્લાના ખેડૂતો થયા પાયમાલ

ભારે વરસાદથી અમરેલી જિલ્લાના ખેડૂતો પાયમાલ થયા હતા. અમરેલી અને સાવરકુંડલા તાલુકાના 18 જેટલા ગામમાં શેત્રુંજી નદીના પાણીથી ખેતરો જળબંબાકાર થયા હતા. શેત્રુંજી નદીના પાણીએ સાવરકુંડલા તાલુકાના ફિફાદ ગામને ચારેય તરફથી બાનમાં લઈ લીધું છે. ફિફાદથી ગારિયાધાર જવાનો સ્ટેટ હાઈવે પણ નદીના પાણી ફરી વળતા વાહન વ્યવહાર પણ ઠપ્પ કરાયો હતો. હાઈવે પરના અનેક વીજપોલ જમીનદોસ્ત થયા. તો નદીના પાણીએ ખેતરોના ખેતરો ધોઈ નાખ્યા હતા. મોટાપાયે કૃષિ જમીનનું ધોવાણ થતા ખેડૂતોને આર્થિક નુકસાની ભોગવવાનો વારો આવ્યો છે. મોંઘા બિયારણ પર નદીના પાણી વળતા ખેડૂતોને પાક નુકસાનીની ચિંતા સતાવવા લાગી છે.  કૃષિ પાકોને નુકસાન થતા ખેડૂતો હવે સરકાર સામે સહાયની મીટ માંડીને બેઠા છે.

27/07/2026 11:30:15

બસ સ્ટેન્ડ પાસે અચાનક એક મોટો ભુવો પડતાં અફરાતફરી મચી ગઈ

રાજધાની ગાંધીનગરમાં નબળા તંત્ર અને ભ્રષ્ટ કામગીરીનો વધુ એક નમૂનો સામે આવ્યો છે, જ્યાં સેક્ટર ૩ ના બસ સ્ટેન્ડ પાસે અચાનક એક મોટો ભુવો પડતાં અફરાતફરી મચી ગઈ છે. ચોંકાવનારી વાત તો એ છે કે જરાક સરખા વરસાદમાં જ આ બસ સ્ટેન્ડ પાસે બરાબર એ જ જગ્યાએ સતત બીજા વર્ષે ફરીથી મોટો ભુવો પડ્યો છે, જે સ્માર્ટ સિટીની પ્રી-મોન્સૂન કામગીરીના દાવાની પોલ ખોલે છે

27/07/2026 11:28:44

ખેડામાં સોલાર પ્લાન્ટ, પેટ્રોલ પંપ પાણીમાં ગરકાવ

27/07/2026 11:27:54

બે દિવસના વિરામ બાદ નવસારીમાં વરસાદનો પ્રારંભ

27/07/2026 11:27:03

ધોળકામાં અનેક સોસાયટીઓ હજુ પણ પાણીમાં ગરકાવ

અમદાવાદ જિલ્લાના ધોળકા તાલુકામાં ભારે વરસાદ બાદ સર્જાયેલી પૂર જેવી સ્થિતિ પાંચમા દિવસે પણ યથાવત રહેતાં અનેક સોસાયટીઓ હજુ પણ પાણીમાં ગરકાવ જોવા મળી રહી છે. ખાસ કરીને કલિકુંડ વિસ્તારમાં આવેલી 57 મકાનો ધરાવતી ત્રિપદા સોસાયટીમાં પાંચ દિવસ વીતી જવા છતાં પાણી ન ઓસરતાં રહીશો ભારે હાલાકી ભોગવી રહ્યા છે. ઘરોમાં જળબંબાકારની સ્થિતિના કારણે લોકોનું અનાજ અને તમામ ઘરવખરી પલળીને બરબાદ થઈ ગઈ છે, ત્યારે આ કપરી પરિસ્થિતિ વચ્ચે પાંચ-પાંચ દિવસથી તંત્રના કોઈ અધિકારી કે ચૂંટાયેલા પ્રતિનિધિ પણ ખબર અંતર પૂછવા ન આવ્યા હોવાનો સ્થાનિકો આક્રોશપૂર્વક આરોપ લગાવી રહ્યા છે.

27/07/2026 10:22:32

માઉન્ટ આબુમાં સૌંદર્ય ખીલી ઉઠ્યું

રાજસ્થાનના પ્રસિદ્ધ હિલ સ્ટેશન માઉન્ટ આબુમાં સતત વરસી રહેલા વરસાદ બાદ કુદરતી સૌંદર્યનો અદ્ભુત નજારો જોવા મળી રહ્યો છે. ચોમાસાની ઋતુમાં ચારેય તરફ હરિયાળીની લીલી ચાદર પથરાઈ ગઈ અને પર્વતો પરથી વહેતાં ઝરણાં શરૂ થઈ ગયા. આહલાદક વાતાવરણનો આનંદ માણવા માટે મોટી સંખ્યામાં સહેલાણીઓ માઉન્ટ આબુ પહોંચી રહ્યા છે. ખાસ કરીને હનીમૂન પોઇન્ટ અને ગુરુ શિખર સહિતના પ્રવાસન સ્થળોએ પ્રકૃતિ સોળે કળાએ ખીલી ઊઠી છે. ધુમ્મસથી ઢંકાયેલા પર્વતો, વહેતા ઝરણાં અને લીલોતરીનો આ નજારો જોઈને પ્રવાસીઓ મંત્રમુગ્ધ થઈ રહ્યા છે. 

27/07/2026 10:21:04

ગોધરા શહેર તેમજ આસપાસના ગ્રામ્ય વિસ્તારોમાં વરસાદ

મધ્ય ગુજરાતમાં હવામાન વિભાગની આગાહી વચ્ચે વરસાદ વરસ્યો હતો. જેમાં પંચમહાલ જિલ્લાના ગોધરા શહેર તેમજ આસપાસના ગ્રામ્ય વિસ્તારોમાં ગાજવીજ અને તેજ પવન સાથે વરસાદનું આગમન થયું છે. ગોધરા ઉપરાંત કાલોલ અને હાલોલ સહિતના પંથકમાં પણ પવન સાથે વરેલા વરસાદના કારણે રસ્તાઓ પર પાણી વહેતા થયા છે. લાંબા વિરામ બાદ શરૂ થયેલા આ સાગમટે વરસાદથી વાતાવરણમાં ઠંડક પ્રસરી ગઈ છે અને ખેતી માટે સાનુકૂળ માહોલ સર્જાતાં ધરતીપુત્રોમાં ખુશીની લહેર દોડી ગઈ છે, ત્યારે ખેડૂતો આગામી દિવસોમાં પણ આવો જ સારો વરસાદ વરસે તેવી આશા રાખી રહ્યા છે.

27/07/2026 10:19:38

નવસારી જિલ્લામાં માત્ર દિવસના વિરામ બાદ વરસાદ

નવસારી જિલ્લામાં માત્ર ત્રણ દિવસના વિરામ બાદ વરસાદ વરસ્યો હતો. આજે વહેલી સવારથી જ જિલ્લાના ગણદેવી તાલુકામાં વીજળીના કડાકા-ભડાકા સાથે ધોધમાર વરસાદ શરૂ થયો છે. અગાઉ પડેલા ભારે વરસાદ બાદ માંડ-માંડ પૂરના પાણી ઓસર્યા હતા, ત્યાં જ ફરી વરસાદી આફત શરુ થતાં ગણદેવી તાલુકાના રહીશો અને ખેડૂતોમાં ભારે ચિંતાનો માહોલ છવાઈ ગયો છે.

 

27/07/2026 10:15:21

અમદાવાદમાં મોડી રાતથી વરસી રહ્યો છે વરસાદ

વીજળીના કડાકા ભડાકા સાથે સવારના સમયે પણ વરસાદ ચાલુ રહ્યો હતો. સાયન્સ સિટી, એસજી રોડ, વસ્ત્રાપુર, થલતેજ, બોડક દેવ, મેમનગર, ઘાટલોડિયા અને ચાંદલોડિયામાં એક-એક જેટલો વરસાદ ખાબક્યો હતો. તો બોપલ, ઘૂમા, સરખેજ,જોધપુર, સેટેલાઈટ, વાસણા, નવરંગપુરા, ન્યૂ રાણીપ, આશ્રમ રોડ, દૂધેશ્વર, મેમકો, શાહપુર, અસારવા,હંસપુરા સહિતના વિસ્તારોમાં અડધો ઈંચ વરસાદ નોંધાયો હતો. 

અમદાવાદ પૂર્વના ઓઢવ, વસ્ત્રાલ, રામોલ, હાટકેશ્વર, નિકોલ, બાપુનગર, ઠક્કરબાપાનગર, નરોડા, નારોલ, રખિયાલ, સીટીએમ, ઈસનપુર, ઘોડાસર, જશોદાનગર સહિતના વિસ્તારોમાં પણ ગાજવીજ સાથે વરસાદ ખાબક્યો હતો. કેટલાક નીચાણવાળા વિસ્તારોમાં પાણી ભરાયાના દ્રશ્યો પણ સામે આવ્યા હતા. તો સવારથી ખાબકી રહેલા ધોધમાર વરસાદના કારણે અમદાવાદ શહેર પૂર્વ અને પશ્ચિમ ડીઈઓ કચેરીએ તમામ સ્કૂલોને તાકીદે સૂચના બહાર પાડી સ્થાનિક પરિસ્થિતિનું મૂલ્યાંકન કરીને નિર્ણય લેવા સૂચના આપી હતી. શાળા પરિસરમાં પાણી ન ભરાયા હોય અને વાહનવ્યવહાર સુરક્ષિત હોય તેની ખાતરી કર્યા બાદ જ શાળા શરૂ કરવાનો સ્પષ્ટ આદેશ અપાયો છે. જો કોઈ જોખમ જણાય તો વિદ્યાર્થીઓની સલામતી અર્થે તાત્કાલિક નિર્ણય લઈ વાલીઓને સમયસર જાણ કરવા સૂચના આપી હતી. અમદાવાદ શહેરમાં અત્યાર સુધી સીઝનનો સરેરાશ 19.19 ઈંચ સાથે 53.31 ટકા વરસાદ ખાબકી ચૂક્યો છે. જ્યારે 21 વિસ્તારોમાં તો 20 ઈંચથી વધુ વરસાદ વરસી ચુક્યો છે જેમાં સરખેજ અર્બન હેલ્થમાં સૌથી વધુ 27.55 ટકા અને બોપલમાં 27.28 ઈંચ વરસાદ ખાબકી ચુક્યો છે.

27/07/2026 10:14:30

આજે 11 જિલ્લામાં ભારે વરસાદની આગાહી

સતત 3 દિવસ સુધી રાજ્યના મોટાભાગના વિસ્તારોમાં ધોધમાર વરસાદી માહોલ બાદ છેલ્લા 24 કલાકથી સાર્વત્રિક વરસાદનું જોર ઘટ્યું છે. જો કે આજે 11 જિલ્લામાં ભારે વરસાદની આગાહી સાથે યલો એલર્ટ જાહેર કરાયું છે. આજે વાવ, થરાદ, પાટણ, વડોદરા, છોટાઉદેપુર, નર્મદા, ભરૂચ, સુરત, તાપી, ડાંગ, નવસારી અને વલસાડમાં ભારે વરસાદ ખાબકી શકે છે. એ સિવાય અમદાવાદ સહિત રાજ્યના અન્ય વિસ્તારોમાં હળવો વરસાદ વરસી શકે છે. જો કે 30 જુલાઈથી વરસાદના વધુ એક રાઉન્ડ આવશે. બંગાળની ખાડીમાં નવી સિસ્ટમ સક્રિય થતા ફરી ધોધમાર વરસાદ ખાબકશે. ગુરુવારથી દક્ષિણ ગુજરાત અને મધ્ય ગુજરાતના કેટલાક જિલ્લાઓમાં ભારે વરસાદી માહોલ શરૂ થશે. અમદાવાદ અને ગાંધીનગરમાં પણ શુક્રવારથી ભારે વરસાદ શરૂ થઈ શકે છે.

મધ્ય ગુજરાતના પંચમહાલ, દાહોદ, વડોદરા, છોટાઉદેપુર, નર્મદા, અને ભરૂચમાં પણ શુક્રવારથી અતિભારે વરસાદ શરૂ થશે. છેલ્લા 24 કલાકમાં રાજ્યના 137 તાલુકામાં વરસાદ ખાબક્યો હતો. જેમાં વલસાડના કપરાડામાં સૌથી વધુ ચાર ઈંચ, બનાસકાંઠાના અમીરગઢમાં સવા ત્રણ ઈંચ, ડીસામાં 3 ઈંચ, વાવ-થરાદના રાહ તાલુકામાં અઢી ઈંચ જ્યારે લાખણીમાં 1.77 ઈંચ વરસાદ ખાબક્યો તો રાત્રી દરમિયાન મહેસાણામાં એક ઈંચ વરસાદ ખાબક્યો હતો.