Gujarat Rain Live Updates: અમદાવાદમાં ધોધમાર વરસાદ, વટવા, નિકોલ અને નારોલમાં જળબંબાકારની સ્થિતિ

Gujarat Rain Live Updates:ઉત્તર ગુજરાતના મોટાભાગના અને મધ્ય ગુજરાતના કેટલાક જિલ્લાઓમાં વરસાદનું રેડ એલર્ટ આપવામાં આવ્યું છે

બ્રેકગ્રાઉન્ડ

Gujarat Rain Live Updates: રાજ્યમાં આગામી ત્રણ કલાક ભારે મધ્યમ અને હળવા વરસાદની આગાહી કરવામાં આવી છે. મહીસાગર, દાહોદ, અરવલ્લી, સાબરકાંઠા, બનાસકાંઠા, મહેસાણા, પંચમહાલ, અમદાવાદ, ગાંધીનગર, ખેડામાં ભારે વરસાદની આગાહી કરવામાં આવી છે. પવનની ગતિ 40 કિલોમીટર પ્રતિ કલાકે ફૂંકાશે.તે સિવાય કચ્છ, પાટણ, સુરેન્દ્રનગર, આણંદ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, વલસાડ, દમણ, દાદરા નગર હવેલીમાં મધ્યમ વરસાદની આગાહી કરવામાં આવી છે. મોરબી, જામનગર, રાજકોટ, અમરેલી, બોટાદ, ભાવનગર, જૂનાગઢ, પોરબંદર,  દેવભૂમિ દ્વારકા, ગીર સોમનાથ અને દીવમાં હળવા વરસાદની આગાહી કરાઈ છે.આગામી ત્રણ કલાક માટે રાજ્યભરમાં વરસાદનું હવામાન વિભાગે એલર્ટ આપ્યું છે. ઉત્તર ગુજરાતના મોટાભાગના અને મધ્ય ગુજરાતના કેટલાક જિલ્લાઓમાં વરસાદનું રેડ એલર્ટ આપવામાં આવ્યું છે. કચ્છમાં ઓરેન્જ તો સૌરાષ્ટ્રના મોટાભાગના જિલ્લામાં વરસાદનું યલો એલર્ટ જાહેર કરાયું છે.આગામી 3 કલાક માટે હવામાન વિભાગે ઉત્તર ગુજરાતમાં વરસાદનું રેડ એલર્ટ, કચ્છમાં ઓરેન્જ એલર્ટ અને સૌરાષ્ટ્રના જિલ્લામાં વરસાદનું યલો એલર્ટ આપવામાં આવ્યું છે. મહિસાગર, દાહોદ, અરવલ્લી, સાબરકાંઠા, બનાસકાંઠા, મહેસાણા, પંચમહાલ, ગાંધીનગર, ખેડામાં વરસાદનું રેડ એલર્ટ આપવામાં આવ્યું છે. તે સિવાય કચ્છ, દમણ, દાદરાનગર, વડોદરા, છોટા ઉદેપુર, સુરેન્દ્રનગર, આણંદ, ભરૂચ, નર્મદા, સુરત, તાપી,નવસારી, તાપી, વલસાડમાં ઓરેન્જ એલર્ટ જાહેર કરાયું છે.અમદાવાદ વટવાની અનેક સોસાયટીની આસપાસનો વિસ્તાર પાણીમાં ગરકાવ થયો હતો. 24 કલાક બાદ પણ પાણીનો ભરાવો યથાવત છે. સ્કૂલે જતા બાળકો પાણીમાં ચાલવા મજબૂર બન્યા હતા. પાણીના નિકાલની કોઈ  વ્યવસ્થા નથી. ગઈકાલે વટવામા અનરાધાર વરસાદ થયો હતો. ચોમાસાની સીઝનમાં અત્યાર સુધીમાં રાજ્યમાં સરેરાશ 58. 22 ટકા વરસાદ ખાબક્યો હતો. સૌથી વધુ કચ્છ ઝોનમાં સરેરાશ 64.11 ટકા અને ઉત્તર ગુજરાતમાં સરેરાશ 61 ટકા વરસાદ વરસ્યો હતો. દક્ષિણ ગુજરાતમાં 62 ટકા અને પૂર્વ મધ્ય ગુજરાતમાં 55 ટકા વરસાદ ખાબક્યો હતો.

28/07/2025 13:30:20

માછીમારોને દરિયો ન ખેડવા સૂચના

ભારે વરસાદ અને સંભવિત દરિયાઈ તોફાની પવનોની આગાહીને ધ્યાનમાં રાખીને, આગામી પાંચ દિવસ સુધી માછીમારોને દરિયો ન ખેડવા માટે સ્પષ્ટ સૂચના આપવામાં આવી છે. આ સમયગાળા દરમિયાન દરિયામાં જવું જોખમી બની શકે છે.

28/07/2025 13:30:05

21 જિલ્લાઓમાં વરસાદનું એલર્ટ

આ ઉપરાંત, સૌરાષ્ટ્ર, ઉત્તર ગુજરાત, મધ્ય ગુજરાત અને દક્ષિણ ગુજરાતના કુલ 21 જિલ્લાઓ અને દમણ-દાદરાનગર હવેલી સહિતના કેન્દ્રશાસિત પ્રદેશો માટે યલો એલર્ટ જાહેર કરવામાં આવ્યું છે. આ વિસ્તારોમાં પણ હળવાથી મધ્યમ વરસાદની સંભાવના છે. નાગરિકોને સાવચેતી રાખવા અને તંત્રને પણ એલર્ટ રહેવા સૂચના અપાઈ છે. સામાન્ય વરસાદથી વધુ વરસાદની શક્યતા હોવાથી નાગરિકોને સાવચેત રહેવા જણાવાયું છે. ખાસ કરીને વાહનચાલકોને પાણી ભરાયેલા રસ્તાઓ પર કાળજીપૂર્વક વાહન ચલાવવાની સલાહ આપવામાં આવી છે

28/07/2025 13:29:51

બનાસકાંઠા, અરવલ્લી અને સાબરકાંઠામાં અમુક જગ્યાઓ પર ભારેથી અતિભારે વરસાદ પડવાની આગાહી

હવામાન વિભાગના જણાવ્યા મુજબ, આજે બનાસકાંઠા, અરવલ્લી અને સાબરકાંઠામાં અમુક જગ્યાઓ પર ભારેથી અતિભારે વરસાદ પડવાની આગાહી છે. વરસાદના આ રાઉન્ડમાં ઉત્તર ગુજરાત, મધ્ય ગુજરાત, પૂર્વ ગુજરાતમાં વરસાદનું જોર રહેશે. જ્યારે સૌરાષ્ટ્રમાં વરસાદનું પ્રમાણમાં જોર ઓછું રહેશે. 

28/07/2025 13:29:33

હવામાન નિષ્ણાંત અંબાલાલ પટેલે રાજ્યમાં ભારે વરસાદની આગાહી કરી

હવામાન નિષ્ણાંત અંબાલાલ પટેલ દ્ધારા રાજ્યમાં ભારે વરસાદની આગાહી કરવામાં આવી છે. તેમના જણાવ્યા મુજબ રાજ્યમાં ગાજવીજ સાથે ભારે વરસાદનું અનુમાન છે. અનેક વિસ્તારોમાં જળબંબાકારની આગાહી અંબાલાલ પટેલ દ્વારા કરવામાં આવી છે. ઓગસ્ટ મહિનો ગુજરાત માટે વરસાદથી ભરપૂર હશે.  જુલાઈથી જ શ્રાવણ મહિનો શરૂ થાય છે ત્યારે શ્રાવણ મહિનામાં ભરપુર વરસાદ પડશે.  ખાસ કરીને 6 થી 10 ઓગસ્ટ દરમિયાન રાજ્યમાં ભારે વરસાદની સંભાવના અંબાલાલ પટેલ દ્ધારા વ્યક્ત કરવામાં આવી છે

28/07/2025 13:28:56

નરોડા, નિકોલ, બાપુનગર, CTM, વટવા સહિતના વિસ્તારમાં વરસાદે તોફાની બેટિંગ કરી

અમદાવાદમાં સોમવારે મેઘરાજાએ ધમાકેદાર એન્ટ્રી કરી હતી. નરોડા, નિકોલ, બાપુનગર, CTM, વટવા સહિતના વિસ્તારમાં વરસાદે તોફાની બેટિંગ કરી હતી.  આ ઉપરાંત પકવાન, થલતેજ, એસજી હાઈવે સહિતના વિસ્તારમાં પણ  વરસાદ વરસ્યો. મેઘાણીનગર, વટવાસ એસજી હાઇવે, બોપલ, સાઉથ બોપલ સહિતના વિસ્તારમાં વરસાદ વરસતા અનેક વિસ્તાર જળમગ્ન બન્યાં છે.

28/07/2025 12:08:10

બનાસકાંઠાના ડીસાની ભીલડી શાળામાં વરસાદના પાણી ભરાયા

બનાસકાંઠાના ડીસાની ભીલડી શાળામાં વરસાદના પાણી ભરાયા હતા. શાળામાં વરસાદી પાણી ભરાતા વિદ્યાર્થી-શિક્ષકો મુશ્કેલીમાં મુકાયા હતા. શાળાના પરિસરમાં પાણી ભરાતા ભારે મુશ્કેલીનો સામનો કરવો પડી રહ્યો છે. શાળામાં પાણી ભરાવાની વર્ષો જૂની સમસ્યા છે. સ્થાનિકોના આરોપ, રજૂઆત બાદ પણ વરસાદી સમસ્યાનું નિરાકરણ થયું નથી.

28/07/2025 11:44:06

અમદાવાદ શહેરના કેટલાક વિસ્તારમાં વરસાદ

અમદાવાદ શહેરના કેટલાક વિસ્તારમાં વરસાદની શરુઆત થઈ હતી. નરોડા, નિકોલ, બાપુનગરમાં ભારે વરસાદ વરસી રહ્યો છે. પકવાન, થલતેજ, એસજી હાઈવે સહિતના વિસ્તારમાં વરસાદ વરસી રહ્યો છે. અમદાવાદનો એસપી રિંગ રોડ જોખમી બન્યો હતો. બિસ્માર રસ્તાના કારણે વાહન ચાલકો પટકાયા હતા. વટવા, નિકોલ અને નારોલમાં જળબંબાકારની સ્થિતિ સર્જાઈ હતી.

28/07/2025 10:32:54

વરસાદથી જળાશયોમાં પાણીની આવક થઈ રહી છે

અરવલ્લી જિલ્લાના જળાશયોમાં પાણીની આવક વધી છે. ઉપરવાસ અને કેચમેન્ટમાં વરસાદથી જળાશયોમાં પાણીની આવક થઈ રહી છે. પાણીની સતત આવકથી મેશ્વો ડેમ એલર્ટ પર છે. ભિલોડા, મોડાસા, ધનસુરાના 27 ગામને એલર્ટ કરાયા હતા.

28/07/2025 10:32:38

સુરત મનપાની પ્રિ-મોનૂસન કામગીરીની પોલ ફરી ખુલી

સુરત મનપાની પ્રિ-મોનૂસન કામગીરીની પોલ ફરી ખુલી હતી. ઉધના-લિંબાયત ગરનાળામાં વરસાદી પાણી ભરાયા હતા. મોડી રાતના વરસાદથી ગરનાળામાં પાણી ભરાયા હતા. ગરનાળામાં પાણી ભરાતા વાહન ચાલકો પરેશાન થયા હતા. ગરનાળામાં પાણી ભરાવાની કાયમી સમસ્યા છે. રજૂઆત બાદ પણ સમસ્યાનું કોઈ નિરાકરણ નહીં.

28/07/2025 10:19:44

સાબરમતી નદી પર સંત સરોવરના ખોલાયા ત્રણ દરવાજા

સાબરમતી નદી પર સંત સરોવરના ત્રણ દરવાજા ખોલાયા હતા. ત્રણ દરવાજા 2 ફૂટ ખોલી  7 હજાર 800 ક્યુસેક પાણી છોડાયુ હતું. હિંમતનગર સહિત ઉપરવાસથી વરસાદથી નદીમાં પાણીની આવક થઈ રહી છે. સંત સરોવરામાં 3 હજાર 800 ક્યુસેક પાણીની આવક થઈ રહી છે. 

28/07/2025 10:02:32

સરદાર સરોવર નર્મદા ડેમની જળ સપાટીમાં વધારો થયો

સરદાર સરોવર નર્મદા ડેમની જળ સપાટીમાં વધારો થયો છે. ઉપરવાસમાંથી 1 લાખ 42 હજાર 33 ક્યુસેક પાણીની આવક થઈ રહી છે. નર્મદા ડેમની જળ સપાટીમાં 24 કલાકમાં 80 સેમીનો વધારો થયો છે. હાલમાં નર્મદા ડેમની સપાટી 125.40 મીટર પર પહોંચી છે.

28/07/2025 10:02:18

તાપી જિલ્લાના ઉકાઈ ડેમની જળસપાટીમાં વધારો થયો

તાપી જિલ્લાના ઉકાઈ ડેમની જળસપાટીમાં વધારો થયો છે. ઉપરવાસના વરસાદથી ઉકાઈ ડેમની જળસપાટીમાં વધારો થયો છે. ઉકાઈ ડેમમાં 40 હજાર 137 ક્યુસેક પાણીની આવક થઈ રહી છે. ઉકાઈ ડેમની સપાટી 327.19 ફૂટ પર પહોંચી હતી.

28/07/2025 10:02:00

વરસાદથી નવસારીની પૂર્ણા નદીની જળ સપાટીમાં વધારો થયો

ઉપરવાસના વરસાદથી નવસારીની પૂર્ણા નદીની જળ સપાટીમાં વધારો થયો છે. વિરાવળ પાસે પૂર્ણા નદીની જળ સપાટી 18 ફૂટ પર પહોંચી હતી. પૂર્ણા ભયજનક સપાટીથી 5 ફૂટ દૂર રહેતા ચિંતા વધી છે. નવસારી પાલિકા સહિત જિલ્લા વહીવટી પ્રશાસન એલર્ટ પર છે.

28/07/2025 10:01:59

વરસાદથી નવસારીની પૂર્ણા નદીની જળ સપાટીમાં વધારો થયો

ઉપરવાસના વરસાદથી નવસારીની પૂર્ણા નદીની જળ સપાટીમાં વધારો થયો છે. વિરાવળ પાસે પૂર્ણા નદીની જળ સપાટી 18 ફૂટ પર પહોંચી હતી. પૂર્ણા ભયજનક સપાટીથી 5 ફૂટ દૂર રહેતા ચિંતા વધી છે. નવસારી પાલિકા સહિત જિલ્લા વહીવટી પ્રશાસન એલર્ટ પર છે.

28/07/2025 10:01:42

ભારે વરસાદથી ખેડા ગ્રામ્યના અનેક રસ્તાઓ હજુ પણ બંધ છે.

ભારે વરસાદથી ખેડા ગ્રામ્યના અનેક રસ્તાઓ હજુ પણ બંધ છે. મહેમદાબાદ, મહુધા, કઠલાલ ગ્રામ્યમાં અનેક રસ્તા પ્રભાવિત થયા છે. સિહુંજ નવાગામથી દોલપુરાને જોડતો માર્ગ પાણીમાં ગરકાવ થયો હતો. મુખ્ય માર્ગ પાણીમાં ડૂબતા ગ્રામ્ય વિસ્તાર પ્રભાવિત થયા હતા.

28/07/2025 09:59:02

ખેડા જિલ્લામાં આજના દિવસે શાળાઓ બંધ રહેશે.

ખેડા જિલ્લામાં આજના દિવસે શાળાઓ બંધ રહેશે. ભારે વરસાદની આગાહી વચ્ચે આજ રોજ જિલ્લાની તમામ આંગણવાડી, પ્રાથમિક, માધ્યમિક અને ઉચ્ચતર માધ્યમિક શાળાઓ બંધ રાખવા કલેક્ટરે નિર્ણય લીધો હતો. કલેક્ટરે કહ્યું હતું કે તકેદારીના ભાગરૂપે નિર્ણય લેવાયો છે. મહત્વની વાત છે કે જિલ્લાના વડા મથક નડિયાદ અને મહેમદાવાદમાં ગઈ કાલે 9 ઇંચ વરસાદ વરસ્યો છે.

સમગ્ર જિલ્લામાં ગઈકાલે સરેરાશ 6 ઇંચ જેટલો વરસાદ વર્ષો હતો અને આજરોજ હજુ વધુ વરસાદ હશે તેવી આગાહી કરવામાં આવતા નિર્ણય લેવાયો છે. તકેદારીના ભાગરૂપે જિલ્લાની તમામ શાળાઓમાં રજા જાહેર કરવામાં આવી છે.

28/07/2025 09:57:49

રાજ્યના 10 જિલ્લામાં 1 કલાક માટે વરસાદનું રેડ એલર્ટ જાહેર કરાયું

રાજ્યના 10 જિલ્લામાં 1 કલાક માટે વરસાદનું રેડ એલર્ટ જાહેર કરાયું છે. ઉત્તર ગુજરાતના મોટાભાગના જિલ્લામાં વરસાદનું રેડ એલર્ટ જાહેર કરાયું છે. મધ્ય ગુજરાતના મોટાભાગના જિલ્લામાં વરસાદનું રેડ એલર્ટ અપાયું છે. કચ્છ જિલ્લામાં 1 કલાક માટે વરસાદનું ઓરેન્જ એલર્ટ અપાયું છે. સૌરાષ્ટ્રના મોટાભાગના જિલ્લામાં વરસાદનું યલો એલર્ટ અપાયું છે.