Gujarat Rain Live Updates: બોટાદના ગઢડામાં મૂશળધાર વરસાદ બાદ રસ્તાઓ ધોવાયા, ઘેલો નદી પરના પુલને નુકસાન

Gujarat Rain Live Updates: રાજ્યમાં છેલ્લા 24 કલાકમાં 227 તાલુકામાં વરસાદ વરસ્યો હતો. મળતી જાણકારી અનુસાર, રાજ્યના 8 તાલુકામાં સાડા ચારથી પોણા આઠ ઈંચ વરસાદ વરસ્યો હતો

બ્રેકગ્રાઉન્ડ

Gujarat Rain Live Updates:  રાજ્યમાં છેલ્લા 24 કલાકમાં 227 તાલુકામાં વરસાદ વરસ્યો હતો. મળતી જાણકારી અનુસાર, રાજ્યના 8 તાલુકામાં સાડા ચારથી પોણા આઠ ઈંચ વરસાદ  વરસ્યો હતો. તે સિવાય બોટાદના બરવાળામાં પોણા આઠ ઈંચ, સુરેન્દ્રનગરના સાયલામાં સવા છ ઈંચ, બોટાદ તાલુકામાં સાડા પાંચ ઈંચ, સુરેન્દ્રનગરના મુળીમાં સાડા પાંચ ઈંચ, જામનગરના જોડીયામાં સાડા પાંચ ઈંચ, ભાવનગરના ઉમરાળામાં પાંચ ઈંચ, સુરેન્દ્રનગરના થાનગઢમાં પાંચ ઈંચ, ભાવનગરના વલ્લભીપુરમાં સવા ચાર ઈંચ, સુરેન્દ્રનગરના ચુડામાં ચાર ઈંચ, બોટાદના રાણપુરમાં પોણા ચાર ઈંચ, કચ્છના ગાંધીધામમાં સાડા ત્રણ ઈંચ, બનાસકાંઠાના દિયોદરમાં સાડા ત્રણ ઈંચ, અમદાવાદના ધંધુકામાં સાડા ત્રણ ઈંચ, આણંદના બોરસદમાં સવા ત્રણ ઈંચ, કચ્છના અંજારમાં ત્રણ ઈંચ, આણંદના પેટલાદમાં ત્રણ ઈંચ, કચ્છના નખત્રાણામાં ત્રણ ઈંચ, આણંદના ખંભાતમાં ત્રણ ઈંચ, મોરબીના માળીયામાં પોણા ત્રણ ઈંચ વરસાદ વરસ્યો હતો.તે સિવાય અમદાવાદના ધોલેરામાં અઢી ઈંચ, ભાવનગરના સિહોરમાં અઢી ઈંચ, આણંદ તાલુકામાં સવા બે ઈંચ, સાબરકાંઠાના ઈડરમાં સવા બે ઈંચ, અમદાવાદના દસક્રોઈમાં સવા બે ઈંચ, મોરબી તાલુકામાં સવા બે ઈંચ, ચોટીલા, વઢવાણમાં સવા બે ઈંચ, ભચાઉ, વાંકાનેરમાં સવા બે ઈંચ, કલ્યાણપુર, તારાપુરમાં બે બે ઈંચ, અબડાસા, ભૂજ, રાપરમાં પોણા બે ઈંચ, જામનગર, દ્વારકામાં પોણા બે ઈંચ, પાટણ ખંભાળીયામાં પોણા બે ઈંચ, જૂનાગઢના માંગરોળમાં પોણા બે ઈંચ, વલસાડના ઉમરગામમાં પોણા બે ઈંચ, સાબરકાંઠાના વિજયનગરમાં પોણા બે ઈંચ, 30 તાલુકામાં એકથી દોઢ ઈંચ વરસાદ વરસ્યો હતો.

18/06/2025 14:19:19

રાજ્યમાં 11 જળાશયો હાઇએલર્ટ પર

ગુજરાતમાં છેલ્લા બે દિવસથી ભારે વરસાદ ખાબકી રહ્યો છે, સૌરાષ્ટ્રમાં ભાવનગર, અમરેલી અને બોટાદમાં ચોમાસાના પ્રથમ વરસાદે જ તબાહી મચાવી દીધી છે. ભારે વરસાદના કારણે રાજ્યના મોટાભાગના જળાશયો ભરાયા છે, જેમાં કેટલાકને હાઇ એલર્ટ અને એલર્ટ પર મુકવામાં આવ્યા છે. હાલમાં તાજા અપડેટ પ્રમાણે, રાજ્યમાં 11 જળાશયો હાઇએલર્ટ પર મુકવામાં આવ્યા છે. જેમાં 13 ડેમ એલર્ટ પર તો 10 જળાશય વૉર્નિંગ લેવલ પર મુકાયા છે. રાજ્યના 9 જળાશય 100 ટકા ભરાયા છે.

18/06/2025 14:19:00

ભાવનગરમાં પડેલા ભારે વરસાદના કારણે શેત્રુંજી ડેમ ઓવરફ્લો થયો છે

છેલ્લા બે દિવસથી ભાવનગર, બોટાદ અને અમરેલીમાં ભારે વરસાદ ખાબકી રહ્યો છે. તાજા અપડેટ પ્રમાણે, ભાવનગરમાં પડેલા ભારે વરસાદના કારણે શેત્રુંજી ડેમ ઓવરફ્લો થયો છે. હાલમાં શેત્રુંજી ડેમના તમામ 59 દરવાજા 2 ફૂટ સુધી ખોલવામાં આવ્યા છે, સતત પાણીની આવક વધતા નીચાણવાળા 17 જેટલા વિસ્તારોને એલર્ટ અપાયુ છે. શેત્રુંજી ડેમના 59 દરવાજા ખોલવામાં આવતા 15,340 ક્યુસેક પાણીની આવક સામે 15340 ક્યુસેક પાણીની જાવક થઈ રહી છે.

18/06/2025 14:18:10

રાજ્યમાં સાર્વત્રિક વરસાદની આગાહી કરવામાં આવી

રાજ્યમાં સાર્વત્રિક વરસાદની આગાહી કરવામાં આવી છે. 19 અને 20 જૂને સાર્વત્રિક વરસાદની આગાહી કરાઇ છે. રાજસ્થાન પર લો પ્રેશર સિસ્ટમ સર્જાતા વરસાદ વરસી શકે છે. અમદાવાદમાં ગાજવીજ સાથે હળવાથી મધ્યમ વરસાદની આગાહી કરાઇ છે.

 

18/06/2025 13:49:18

ગીર સોમનાથ જિલ્લામાં ગાજવીજ સાથે વરસાદ

ગીર સોમનાથ જિલ્લામાં ગાજવીજ સાથે વરસાદ વરસ્યો હતો. કોડીનાર, વેરાવળ, સુત્રાપાડા તાલુકામાં વરસાદ વરસ્યો હતો. કોડીનારમાં બે ઈંચ, વેરાવળ, સુત્રાપાડામાં દોઢ ઈંચ વરસાદ વરસ્યો હતો. 

18/06/2025 11:44:11

રાજ્યમાં ભારે વરસાદના કારણે અત્યાર સુધી 18 લોકોના મોત થયા

રાજ્યમાં ભારે વરસાદના કારણે અત્યાર સુધી 18 લોકોના મોત થયા  છે. NDRFની 12 અને SDRFની 22 ટીમ તૈનાત કરવામાં આવી છે. અત્યાર સુધી રાજ્યમાં 139 લોકોનું રેસ્ક્યૂ કરવામાં આવ્યું છે.

બીજી ગઇકાલે બોટાદમાં મેઘતાંડવ જોવા મળ્યું હતું. બરવાળા,રાણપુર, ગઢડામાં ધોધમાર વરસાદના કારણે  જળબંબાકારની સ્થિતિ જોવા મળી હતી. સાંજના 6 વાગ્યા સુધીમાં બોટાદ શહેરમાં સાડા પાંચ ઈંચ વરસાદ વરસ્યો હતો. બોટાદ શહેરના મુખ્ય માર્ગો પાણીમાં ગરકાવ થયા હતા. જ્યોતિગ્રામ સર્કલ પાસે તો ઘૂંટણસમા પાણી ભરાતા વાહનવ્યહાર બંધ કરવો પડ્યો હતો. સચિન વિલા સોસાયટીમાં પાણી ભરાતા ટ્રેક્ટરથી રહીશોને સુરક્ષિત સ્થળે લઈ જવાયા હતા.

18/06/2025 11:43:49

11 જિલ્લામાં વરસાદનું ઓરેન્જ એલર્ટ

રાજ્યમાં આગામી 24 કલાક હજુ પણ ભારે વરસાદની આગાહી કરવામા આવી છે. 11 જિલ્લામાં વરસાદનું ઓરેન્જ એલર્ટ જાહેર કરાયું છે. દીવ, દમણ અને દાદરાનગર હવેલીમાં પણ ભારે વરસાદની આગાહી કરાઇ છે. રાજ્યમાં ભારે વરસાદના કારણે અત્યાર સુધી 18 લોકોના મોત થયા  છે. NDRFની 12 અને SDRFની 22 ટીમ તૈનાત કરવામાં આવી છે. અત્યાર સુધી રાજ્યમાં 139 લોકોનું રેસ્ક્યૂ કરવામાં આવ્યું છે.         

18/06/2025 11:43:34

21 ડેમ હાઇએલર્ટ પર

ભારે વરસાદને પગલે રાજ્યના 206 પૈકી 21 ડેમ હાઈએલર્ટ પર છે. 90 ટકાથી વધુ ભરાયેલા સાત ડેમ હાઈએલર્ટ છે. તો 80થી 90 ટકા ભરાયેલા છ ડેમ એલર્ટ પર છે.  70 થી 80 ટકા ભરાયેલા 8 ડેમ વોર્નિંગ પર છે.

રાજ્યમાં ભારે વરસાદના કારણે અત્યાર સુધી 18 લોકોના મોત થયા  છે. NDRFની 12 અને SDRFની 22 ટીમ તૈનાત કરવામાં આવી છે. અત્યાર સુધી રાજ્યમાં 139 લોકોનું રેસ્ક્યૂ કરવામાં આવ્યું છે.  રાજ્યમાં આગામી 24 કલાક હજુ પણ ભારે વરસાદની આગાહી કરવામા આવી છે. 11 જિલ્લામાં વરસાદનું ઓરેન્જ એલર્ટ જાહેર કરાયું છે. દીવ, દમણ અને દાદરાનગર હવેલીમાં પણ ભારે વરસાદની આગાહી કરાઇ છે.

18/06/2025 11:43:19

રાજ્યમાં સીઝનનો સરેરાશ 7.90 ટકા વરસાદ વરસ્યો

રાજ્યમાં ચોમાસાએ જોર પકડ્યુ છે, શરૂઆતી વરસાદે જ સૌરાષ્ટ્રમાં તબાહી મચાવી દીધી છે. પ્રથમ રાઉન્ડમાં જ રાજ્યમાં સીઝનનો સરેરાશ 7.90 ટકા વરસાદ વરસ્યો છે, જેમાં સૌથી વધુ વરસાદ સૌરાષ્ટ્ર વિસ્તારમાં 14.83 ટકા વરસ્યો છે. જ્યારે સૌથી ઓછો વરસાદ ઉત્તર ગુજરાતમાં 3.80 ટકા નોંધાયો છે. ખાસ વાત છે કે, ભારે વરસાદના કારણે રાજ્યના સાત મોટા ડેમો હાઇ એલર્ટ પર મુકવામાં આવ્યા છે. રાજ્યમાં મોટાભાગના ડેમોમાં વરસાદી પાણીની સતત આવકો થઇ રહી છે, જેના કારણે નીચાણવાળા વિસ્તારોમાં હાઇ એલર્ટ આપવામાં આવ્યુ છે. 

18/06/2025 11:42:36

વરસાદના કારણે 18 લોકોના મોત

રાજ્યમાં ભારે વરસાદના કારણે અત્યાર સુધીમાં 18 લોકોના મોત થયા છે. વરસાદને લઈ અલગ અલગ દુર્ઘટનામાં 18ના મોત થયા છે. 36 કલાકમાં પ્રશાસને 109 લોકોને બચાવ્યા હતા. તે સિવાય 120 લોકોનું સ્થળાંતર કરવામાં આવ્યું હતું. 12953 ગામોમાં વીજ પુરવઠો પણ પ્રભાવિત થયો હતો. 1 નેશનલ હાઈવે સહિત કુલ 134 માર્ગો પર વાહન વ્યવહાર ઠપ થયો હતો. સુરેંદ્રનગરના વઢવાણમાં 46 લોકોનું સ્થળાંતર કરાયું હતું. નીચાણવાળા વિસ્તારમાં રહેતા લોકોનું પણ સ્થળાંતર કરવામાં આવ્યું હતું. બોટાદમાં ખેતરમાં ફસાયેલા 18 ખેત મજૂરોને પણ બચાવાયા હતા. ખેતમજૂરો ગઢડાના પીપળીયા ગામે વાડી વિસ્તારમાં ફસાયા હતા. NDRFની ટીમે 18 લોકોને બચાવ્યા હતા.

18/06/2025 11:42:17

આ જિલ્લાઓમાં આગાહી

હવામાન વિભાગ દ્વારા આગામી 6 દિવસ વરસાદની આગાહી કરવામાં આવી છે. જેમાં અમદાવાદ, આણંદ, ભરૂચ, સુરેન્દ્રનગર, ભાવનગર, બોટાદ, પોરબંદર અને જૂનાગઢમાં રેડ એલર્ટ આપવામાં આવ્યું છે. સાથે જ બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, વડોદરા, સુરત, નવસારી, વલસાડ, દમણ, દાદરા નગર હવેલી, રાજકોટ, જામનગર, અમરેલી, મોરબી, દ્વારકા, ગીર સોમનાથ અને કચ્છમાં ભરેથી અતિભારે વરસાદની આગાહી કરવામાં આવી છે. આ ઉપરાંત માછીમારોને દરિયો ન ખેડવા સૂચના આપવામાં આવી છે.

18/06/2025 11:42:00

આગામી 6 દિવસ ભારેથી અતિભારે વરસાદ, 40 કીમીની ઝડપે પવન ફૂંકાશે

હવામાન વિભાગની સાથે સાથે આગાહીકારોએ પણ ગુજરાતમાં ભારે વરસાદની શક્યતાઓ દર્શાવી છે. રાજ્યમાં આગામી 6 દિવસ ભારેથી અતિભારે વરસાદની ચેતવણી આપવામાં આવી છે. અમદાવાદ, ભરૂચ સહિતના જિલ્લામાં પણ અતિભારે વરસાદ પડી શકે છે. બનાસકાંઠા, અરવલ્લી, સુરત પણ ભારે વરસાદની સંભાવના છે. જો કે, રાજ્યમાં 30 થી 40 કિમીની ઝડપે પવન ફૂંકાવાની શક્યતાઓ છે.

18/06/2025 11:38:51

મંગળવારે કચ્છમાં ધોધમાર વરસાદ વરસ્યો હતો

મંગળવારે કચ્છમાં ધોધમાર વરસાદ વરસ્યો હતો. અંજાર, અબડાસા, ગાંધીધામ, ભુજ, ભચાઉ, મુન્દ્રા,માંડવીમાં વરસાદ વરસ્યો હતો.

18/06/2025 11:38:14

કચ્છમાં રસ્તા પર મગર જોવા મળ્યો હતો

કચ્છમાં રસ્તા પર મગર ફરતો જોવા મળ્યો હતો. ઉપરવાસમાં ભારે વરસાદથી મગરો રસ્તા પર આવ્યા હતા. નખત્રાણાના દેવીસર નજીક રસ્તા પર મગર જોવા મળ્યો હતો.

18/06/2025 11:37:28

નાના રણમાં વરસાદી પાણી ફરી વળ્યા હતા.

મંગળવારે કચ્છમાં ધોધમાર વરસાદ  વરસ્યો હતો. અંજાર, અબડાસા, ગાંધીધામમાં વરસાદ વરસ્યો હતો. ભુજ, ભચાઉ, મુન્દ્રા,માંડવીમાં વરસાદ વરસ્યો હતો. રાપર, લખપતમાં પણ મેઘરાજા મન મુકીને વરસ્યા હતા. નાના રણમાં વરસાદી પાણી  ફરી વળ્યા હતા.

18/06/2025 11:37:12

ભાવનગરના નારી ગામ પાસે 33 લોકો પૂરના પાણીમાં ફસાયા

ભાવનગરના નારી ગામ પાસે 33 લોકો પૂરના પાણીમાં ફસાયા હતા. મીઠાના અગરમાં પાણી આવી જતા 33 લોકો ફસાયા હતા. મામલતદાર અને ફાયરની ટીમ ઘટનાસ્થળે પહોંચી હતી. બોટથી રેસ્ક્યૂ કરવાની કામગીરી શરૂ કરાઈ હતી.

18/06/2025 11:36:49

બોટાદમાં ખેતરમાં ફસાયેલા 18 ખેત મજૂરોને બચાવાયા

બોટાદમાં ખેતરમાં ફસાયેલા 18 ખેત મજૂરોને બચાવાયા હતા. ગઢડાના પીપળીયા ગામે વાડી વિસ્તારમાં ખેત મજૂરો ફસાયા હતા. NDRFની ટીમે 18 લોકોને બચાવ્યા હતા.  સુરેંદ્રનગરના વઢવાણમાં 46 લોકોનું સ્થળાંતર કરવામાં આવ્યું હતું. નીચાણવાળા વિસ્તારમાં રહેતા લોકોનું સ્થળાંતર કરાયું હતું.

18/06/2025 11:36:36

રાજ્યમાં છેલ્લા 24 કલાકમાં 227 તાલુકામાં વરસાદ

રાજ્યમાં છેલ્લા 24 કલાકમાં 227 તાલુકામાં વરસાદ વરસ્યો હતો. મળતી જાણકારી અનુસાર, રાજ્યના 8 તાલુકામાં સાડા ચારથી પોણા આઠ ઈંચ વરસાદ  વરસ્યો હતો. બોટાદ જિલ્લામાં ભારે વરસાદના કારણે ગઇકાલે આભ ફાટ્યું હતું. બોટાદ જિલ્લાના તમામ તાલુકાઓમાં વરસાદ વરસ્યો હતો. જિલ્લાના વરસેલા ભારે વરસાદના કારણે ડેમ ઓવરફ્લો થયા છે. બોટાદમાં 15 ઈંચ વરસાદ વરસ્યો છે.

18/06/2025 11:36:23

બોટાદના ગઢડામાં મૂશળધાર વરસાદ બાદ રસ્તાઓ ધોવાયા

બોટાદના ગઢડામાં મૂશળધાર વરસાદ બાદ રસ્તાઓ ધોવાયા હતા. રમાઘાટ ડેમ ઓવરફ્લો થતા ઘેલો નદી પરના પુલને નુકસાન થયું છે. પાણીના ધસમસતા પ્રવાહ બાદ પુલ પર ઠેક ઠેકાણે ખાડા પડ્યા હતા.