Gujarat Rain Live Updates: પૂર્ણા, કાવેરી અને અંબિકા નદીમાં ઘોડાપૂરની સ્થિતિ , મકાનો અને દુકાનોમાં પાણી ઘૂસ્યા

વરસાદની આગાહી દક્ષિણ ગુજરાતમાં ભારે વરસાદ વરસી રહ્યો છે

બ્રેકગ્રાઉન્ડ

ભારે વરસાદની આગાહી દક્ષિણ ગુજરાતમાં ભારે વરસાદ વરસી રહ્યો છે. સુરત, નવસારી, વલસાડ, ડાંગ, તાપીમાં ભારે વરસાદની આગાહી કરવામાં આવી છે. તાપી, ડાંગ,નવસારી, વલસાડમાં રાત્રી દરમિયાન વરસાદ વરસ્યો હતો.નવસારી તાલુકામાં રાત્રે છ કલાકમાં જ 11 ઈંચ વરસાદ ખાબક્યો હતો. 11 ઈંચ વરસાદથી નવસારીના અનેક વિસ્તારોમાં પાણી ભરાયા હતા. નીચાણવાળા રસ્તા અને ઘરોમાં પાણી ફરી વળ્યા હતા. સુરતના મહુવામાં 24 કલાકમાં 12 ઈંચ વરસાદ પડ્યો છે. સુરતના બારડોલીમાં 24 કલાકમાં 8 ઈંચ વરસાદ પડ્યો છે. સુરતના પલસાણામાં 24 કલાકમાં 6 ઈંચ વરસાદ પડ્યો છે.ઉપરવાસમાં સાર્વત્રિક વરસાદના કારણે નવસારી જિલ્લાની તમામ નદીઓ ભયજનક સપાટી સુધી પહોંચી હતી. ચીખલી તાલુકામાંથી પસાર થતી કાવેરી નદીની સપાટી 19 ફૂટ વટાવી હતી. કાવેરી નદીના જળ સ્થળ વધતા તડકેશ્વર મહાદેવનું મંદિર પાણીમાં ગરકાવ થયું હતું. કાવેરી નદી પર બનાવવામાં આવેલો કોઝ વે પણ પાણીમાં ગરકાવ થયો હતો. ભારે વરસાદના કારણે ચીખલી થી હરણ ગામ જતો માર્ગ અવર-જવર માટે બંધ કરવામાં આવ્યો હતો.11 ઈંચ વરસાદથી નવસારીમાં ચારેય તરફ જળબંબાકારની સ્થિતિ સર્જાઇ હતી. આદર્શનગર, શાંતિવન સોસાયટીમાં ભરાયા ઘૂંટણસમા પાણી ભરાયા હતા. માછી માર્કેટમાં પણ ઘૂંટણસમા પાણી ભરાયા હતા. કમેલા રોડ વિસ્તારમાં પાંચ ફૂટ સુધીના પાણી ભરાયા હતા. લોકોના ઘરો અને દુકાનોમાં વરસાદી પાણી ઘૂસ્યા હતા. નવસારી જિલ્લામાં અગાઉથી જ શાળામાં રજા જાહેર કરાઈ ચૂકી છે.વલસાડ જિલ્લામાં પણ મૂશળધાર વરસાદ ખાબક્યો હતો. પૂર્ણા નદીના જળસ્તરમાં પણ વધારો થયો હતો. વલસાડ શહેર અને આસપાસના વિસ્તારોમાં પાણી ભરાયા હતા. કાશ્મીરાનગર, ભાગડા ખુર્દ, બંદર રોડ વિસ્તારમાં પાણી ભરાયા હતા. ભારે વરસાદથી ઔરંગા નદીના જળસ્તરમાં જબરદસ્ત વધારો થયો હતો.વલસાડનું હનુમાન ભાગડા ગામ પણ સંપર્ક વિહોણું થયું હતું. મધુબન ડેમના 10 દરવાજા ચાર મીટર સુધી ખોલાયા હતા. મધુબન ડેમમાં રાત્રે 2.5 લાખ ક્યુસેકથી વધુ પાણીની આવક થઇ રહી છે. રાતે બે વાગ્યાથી જ ડેમમાંથી દોઢ લાખ ક્યુસેક પાણી છોડાયું હતું. દમણ ગંગાના કિનારાના ગામોને એલર્ટ કરાયા હતા. દાદરાનગર હવેલી અને વાપી નદીકાંઠાના ગામોમાં પણ ભારે વરસાદ વરસી રહ્યો છે. વાપી અને સેલવાસામાં પણ પૂરનો ખતરો મંડરાઇ રહ્યો છે. 

28/07/2023 14:55:24

કલેક્ટર અતુલ ગોરે શું કરી અપીલ

છોટા ઉદેપુર જિલ્લામાં પડેલા ભારે વરસાદને કારણે ઓરસંગ ઉપરાંત ઢાઢર નદીમાં આવેલા પૂરને પરિણામે વડોદરા જિલ્લાના ૩39 ગામોના નાગરિકોને જિલ્લા વહીવટી તંત્ર દ્વારા સચેત રહેવા સૂચના આપવામાં આવી છે. નદીઓમાં પાણી ઉફાન ઉપર હોય ત્યારે તેને પાર કરવાનું દુઃસાહસ ના કરવા કલેક્ટર અતુલ ગોર દ્વારા નાગરિકોને અપીલ કરવામાં આવી છે.

28/07/2023 12:02:16

મુંબઇમાં પણ ધોધમાર વરસાદ

28/07/2023 12:01:38

નવસારીમાં ભારે વરસાદથી પાણી ભરાયા

28/07/2023 12:01:03

નવસારીમાં નદીના પાણી શહેરમાં ઘૂસ્યા

28/07/2023 12:00:35

તાપીમાંથી પસાર થતી પૂર્ણા નદીના જળસ્તરમાં થયો ઘટાડો

28/07/2023 10:35:44

નવસારીમાં ૫૧૭ જેટલા લોકોને સુરક્ષિત સ્થળે ખસેડાયા

28/07/2023 10:35:10

નવસારીમા નીચાણ વાળા વિસ્તારના ગ્રામજનોને સલામત સ્થળે ખસી જવા સૂચના

28/07/2023 10:24:34

મુંબઈમાં વરસાદે તબાહી મચાવી

મુંબઈમાં વરસાદે તબાહી મચાવી છે. ભારતીય હવામાન વિભાગે શુક્રવારે મુંબઈ માટે રેડ એલર્ટ જાહેર કર્યું છે. આ સાથે આજે વિવિધ સ્થળોએ ભારે વરસાદની પણ આગાહી કરવામાં આવી છે. ભારે વરસાદની ચેતવણીને ધ્યાનમાં રાખીને મહારાષ્ટ્રના પાલઘર અને થાણેની તમામ શાળાઓમાં રજા જાહેર કરવામાં આવી છે.

28/07/2023 10:21:16

મિંઢોળા નદીનું રૌદ્ર સ્વરૂપ

ઉપરવાસના વરસાદથી સુરતની મિંઢોળા નદીનું રૌદ્ર સ્વરૂપ જોવા મળ્યું હતું. બારડોલી નગરમાંથી પસાર થતી મિંઢોળા નદી બે કાંઠે વહેતી થઇ હતી. વ્યારા હાઈવેનો લો લેવલ બ્રિજ પાણીમાં ગરકાવ થયો હતો.

28/07/2023 10:14:22

આહવા પાસે આવેલા શીવગઢમાં વરસાદનું રૌદ્ર રૂપ જોવા મળ્યુ

ગુજરાતમાં ફરી એકવાર વરસાદી માહોલ જામ્યો છે, વરસાદે ચોથા રાઉન્ડની શરૂઆતમાં દક્ષિણ ગુજરાતના કેટલાય વિસ્તારોને જળબંબાકાર કરી દીધા છે. આ બધાની વચ્ચે હવે ડાંગ જિલ્લામાં ભારે વરસાદથી જનજીવન ઠપ્પ થવાના સમાચાર સામે આવ્યા છે. માહિતી પ્રમાણે, ડાંગ જિલ્લામાં ગઇકાલેથી વરસાદી માહોલ છે, જિલ્લામાં સાર્વત્રિક વરસાદ વરસી રહ્યો છે, જિલ્લાના મુખ્ય મથક આહવા પાસે આવેલા શીવગઢમાં વરસાદનું રૌદ્ર રૂપ જોવા મળ્યુ છે. ભારે વરસાદથી મુખ્ય મથક આહવાથી 4 કિલોમીટર દૂર આવેલો છે શિવઘાટમાં પાણી ભરાયા છે, અહીં પાણીનો પ્રવાહ વધતા અનેક માર્ગો બંધ કરાયા છે. આ બધાની વચ્ચે સાપુતારાથી આહવા જતા માર્ગ ભારે વરસાદથી તબાહીના દ્રશ્યો સામે આવ્યા છે, અહીં મોટી મોટી ભેખડો રૉડ-રસ્તાં પર ઘસી આવ્યા છે, આ કારણે મુખ્ય માર્ગ સહિત બીજા કેટલાય માર્ગોને બંધ કરવામાં આવ્યા છે. આ સ્થિતિને જોતા પ્રવાસીઓને પણ કૉઝવે નજીક ના જવા માટે ડાંગ વહીવટી તંત્ર દ્વારા અપીલ કરવામાં આવી છે.

 

28/07/2023 10:13:51

સુરત જિલ્લાના બારડોલીમાં આઠ ઇંચ વરસાદ

રાજ્યમાં વરસાદનો ચોથા રાઉન્ડ શરૂ થઇ ગયો છે, દક્ષિણ ગુજરાતમાં વરસાદે ફરી એકવાર તબાહી મચાવી દીધી છે. ત્રીજા રાઉન્ડમાં વરસાદે જુનાગઢ અને સૌરાષ્ટ્રના બીજી કેટલાક સ્થળો પર તબાહી મચાવી હતી, હવે ચોથા રાઉન્ડમાં મેઘરાજાનું રૌદ્ર રૂપ દક્ષિણ ગુજરાતમાં જોવા મળી રહ્યું છે. માહિતી પ્રમાણે, સુરત જિલ્લાના બારડોલીમાં ગઇ રાત્રે એકાએક 8 ઇંચ વરસાદ વરસી જતાં જનજીવન અસ્તવ્યસ્ત થઇ ગયુ છે. બારડોલીમાં ગઇ રાત્રી દરમ્યાન 8 ઈંચ વરસાદ ખાબકતાં આખુ શહેર અને ડીએમનગર બેટમાં ફેરવાઇ ગયુ હતુ. વરસાદી પાણીનો કહેર શાસ્ત્રી રૉડ પર આવેલ ડીએમનગરમાં જોવા મળ્યો હતો, અહીં 45 જેટલા મકાનોમાં કેડસમા પાણી ભરાઇ ગયા હતા, જેના કારણે લોકોને પોતાના ઘરમાંથી અન્ય સુરક્ષિત સ્થળો પર જવા મજબૂત થવુ પડ્યુ હતુ.

 

28/07/2023 09:41:40

છેલ્લા 24 કલાકમાં રાજ્યના 139 તાલુકામાં વરસાદ પડ્યો

છેલ્લા 24 કલાકમાં રાજ્યના 139 તાલુકામાં વરસાદ પડ્યો

છેલ્લા 24 કલાકમાં સુરતના મહુવામાં ખાબક્યો 12 ઈંચ વરસાદ

છેલ્લા 24 કલાકમાં નવસારી તાલુકામાં વરસ્યો 11 ઈંચ વરસાદ

છેલ્લા 24 કલાકમાં  ડાંગના સુબિરમાં વરસ્યો આઠ ઈંચ વરસાદ

છેલ્લા 24 કલાકમાં સુરતના બારડોલીમાં વરસ્યો આઠ ઈંચ વરસાદ

છેલ્લા 24 કલાકમાં  નવસારીના જલાલપોરમાં વરસ્યો સાડા સાત ઈંચ વરસાદ

છેલ્લા 24 કલાકમાં  વલસાડના કપરાડામાં સાડા સાત ઈંચ વરસાદ

છેલ્લા 24 કલાકમાં  ડાંગના આહવામાં સવા છ ઈંચ વરસાદ

28/07/2023 09:38:48

ભારે વરસાદથી નવસારી ગ્રામ્યમાં 153 માર્ગ બંધ કરાયા હતા.

ભારે વરસાદથી નવસારી ગ્રામ્યમાં 153 માર્ગ બંધ કરાયા હતા.  ભારે વરસાદથી નવસારીમાં સ્ટેટ હાઈવેના 2 માર્ગ બંધ કરાયા હતા. 517 અસરગ્રસ્તોને સુરક્ષિત સ્થળે ખસેડાયા હતા. પૂર્ણા નદી ભયજનક સપાટીથી માત્ર 1 ફૂટ દૂર છે. 

28/07/2023 09:30:49

નવસારી જિલ્લાની તમામ નદીઓ ભયજનક સપાટી સુધી પહોંચી

ઉપરવાસમાં સાર્વત્રિક વરસાદના કારણે નવસારી જિલ્લાની તમામ નદીઓ ભયજનક સપાટી સુધી પહોંચી હતી. ચીખલી તાલુકામાંથી પસાર થતી કાવેરી નદીની સપાટી 19 ફૂટ વટાવી હતી. કાવેરી નદીના જળ સ્થળ વધતા તડકેશ્વર મહાદેવનું મંદિર પાણીમાં ગરકાવ થયું હતું. કાવેરી નદી પર બનાવવામાં આવેલો કોઝ વે પણ પાણીમાં ગરકાવ થયો હતો. ભારે વરસાદના કારણે ચીખલી થી હરણ ગામ જતો માર્ગ અવર-જવર માટે બંધ કરવામાં આવ્યો હતો.

28/07/2023 09:29:44

નવસારીમાં 11 ઇંચ વરસાદ ખાબક્યો

11 ઈંચ વરસાદથી નવસારીમાં ચારેય તરફ જળબંબાકારની સ્થિતિ સર્જાઇ હતી. આદર્શનગર, શાંતિવન સોસાયટીમાં ભરાયા ઘૂંટણસમા પાણી ભરાયા હતા. માછી માર્કેટમાં પણ ઘૂંટણસમા પાણી ભરાયા હતા. કમેલા રોડ વિસ્તારમાં પાંચ ફૂટ સુધીના પાણી ભરાયા હતા. લોકોના ઘરો અને દુકાનોમાં વરસાદી પાણી ઘૂસ્યા હતા. નવસારી જિલ્લામાં અગાઉથી જ શાળામાં રજા જાહેર કરાઈ ચૂકી છે.

28/07/2023 09:28:56

છોટા ઉદેપુરમાં ફાટ્યુ આભ

છોટા ઉદેપુરમાં  આભ ફાટ્યુ હતું.  બે કલાકમાં છોટા ઉદેપુરના બોડેલીમાં ચાર ઈંચ , પાવી જેતપુરમાં  સવા ત્રણ ઈંચ, પંચમહાલના જાંબુઘોડામાં બે ઈંચ,  વડોદરાના શિનોરમાં બે ઈંચ વરસાદ વરસ્યો હતો. 

28/07/2023 09:27:52

વડોદરાના કરજણમાં વરસ્યો ધોધમાર વરસાદ

વડોદરાના કરજણમાં ધોધમાર વરસાદ વરસ્યો હતો. કરજણમાં સવા ઈંચ વરસાદથી નીચાણવાળા વિસ્તારોમાં પાણી ભરાયા હતા. પ્રાથમિક શાળા, સામારી ગ્રામ પંચાયતમા પાણી ભરાયા હતા 

28/07/2023 09:25:54

વલસાડ જિલ્લામાં પણ મૂશળધાર વરસાદ ખાબક્યો

વલસાડ જિલ્લામાં પણ મૂશળધાર વરસાદ ખાબક્યો હતો. પૂર્ણા નદીના જળસ્તરમાં પણ વધારો થયો હતો. વલસાડ શહેર અને આસપાસના વિસ્તારોમાં પાણી ભરાયા હતા. કાશ્મીરાનગર, ભાગડા ખુર્દ, બંદર રોડ, પીચિંગ વિસ્તારમાં પાણી ભરાયા હતા. ભારે વરસાદથી ઔરંગા નદીના જળસ્તરમાં જબરદસ્ત વધારો થયો હતો.