Gujarat Rain Live Updates: ભાવનગરના ઠાંસા ગામમાં જળબંબાકાર, અનેક મકાનોમાં ઘૂસ્યા પાણી

Gujarat Rain Live Updates: સૌરાષ્ટ્રના 3 જિલ્લામાં સતત બીજા દિવસે વરસાદ ખાબકી રહ્યો છે. ગીર સોમનાથ, જૂનાગઢ, અમરેલી જિલ્લામાં સતત વરસાદ વરસી રહ્યો છે

બ્રેકગ્રાઉન્ડ

Gujarat Rain Live Updates:  સૌરાષ્ટ્રના 3 જિલ્લામાં સતત બીજા દિવસે વરસાદ ખાબકી રહ્યો છે. ગીર સોમનાથ, જૂનાગઢ, અમરેલી જિલ્લામાં સતત વરસાદ વરસી રહ્યો છે. તાલાલામાં 3 ઈંચ, ગીર ગઢડામાં 2 ઈંચ, સુત્રાપાડામાં 2 ઈંચ, કોડીનારમાં 1.5 ઈંચ, ઉનામાં 1.5 ઈંચ, વેરાવળમાં પણ 1 ઈંચ વરસાદ ખાબક્યો હતો.ગીર સોમનાથના તાલાલામાં ધોધમાર વરસાદથી જળબંબાકારની સ્થિતિ સર્જાઈ હતી. તાલાલાના આંબળાસ ગામે વરસાદના પાણી ફરી વળ્યા હતા. ગામના રસ્તાઓ પાણીમાં ગરકાવ થયા હતા. આંબળાસ ગામના ખેતરો પણ બેટમાં ફેરવાયા હતા.  જૂનાગઢનો ભાખરવડા ડેમ ઓવરફ્લો થયો હતો. માળિયા હાટીના તાલુકાનો ભાખરવડા ડેમ ઓવરફ્લો થયો હતો. વડાળા, આંબેચા, ઉંઘતી, ઝડકા, ધણેજ ગામને એલર્ટ કરાયા હતા. લોકોને નદીના પટમાં અવરજવર ન કરવા સૂચના અપાઈ હતી.જૂનાગઢના કેશોદમાં વહેલી સવારથી ધોધમાર વરસાદ વરસી રહ્યો છે. અજાબ, અગતરાય, માણેકવાડા સહિતના ગામોમાં વરસાદ વરસી રહ્યો છે. જૂનાગઢના મેંદરડામાં મધુવંતી નદીનું રૌદ્ર સ્વરૂપ જોવા મળી રહ્યું છે. મધુવંતી નદીમાં પાણીની ભરપૂર આવક થઈ રહી છે. ચિરોડા, ચોરેશ્વર, સાત વડલા સહિતના વિસ્તારોમાં ધોધમાર વરસાદ વરસ્યો હતો.ભાવનગર જિલ્લામાં લાંબા વિરામ બાદ વહેલી સવારથી વરસાદ વરસી રહ્યો છે. મહુવા તાલુકામાં બે કલાકમાં ત્રણ ઇંચ વરસાદ થયો છે. હવમાન વિભાગની આગાહી અનુસાર જિલ્લામા વરસાદી સિસ્ટમ સક્રિય થતાં શહેરના તમામ વિસ્તારમાં વરસાદ વરસી રહ્યો છે.અમરેલી જિલ્લામાં મેઘરાજા મહેરબાન જોવા મળ્યા હતા. રાજુલા, જાફરાબાદ તાલુકામાં ધોધમાર વરસાદ વરસી રહ્યો છે. જાફરાબાદના રોહિસા, વડલી, ભાડા, ટીંબી ગામમાં વરસાદ વરસી રહ્યો છે. ટીંબી ગામમાં ધોધમાર વરસાદથી રૂપેણ નદીમાં પૂર આવ્યું હતું. રાજુલાના ડુંગર, માંડળ, ડુંગરપરડા, બાલાપરમાં વરસાદ વરસી રહ્યો છે.ગીર સોમનાથના તાલાલામાં ધોધમાર વરસાદથી જળબંબાકારની સ્થિતિ સર્જાઈ હતી. તાલાલાના આંબળાસ ગામના રસ્તાઓ પાણીમાં ગરકાવ થયા હતા. જૂનાગઢમાં ધોધમાર વરસાદથી જળાશયોમાં પાણીની આવક થઈ છે. ઓઝત-2, ઓઝત શાપુર, ઓઝત વંથલી ડેમ ઓવરફ્લો થયો હતો. ઓઝત શાપૂરના 10 દરવાજા 0.20 મીટર ખોલાયા હતા. ઓઝત વિયર આણંદપૂર ડેમ પણ ઓવરફ્લો થયો હતો.

20/08/2025 13:25:12

ગીર સોમનાથ જિલ્લામાં સાર્વત્રિક વરસાદ

ગીર સોમનાથ જિલ્લામાં સાર્વત્રિક વરસાદથી જળબંબાકારની સ્થિતિ સર્જાઈ  હતી. જિલ્લાના ગ્રામ્ય વિસ્તારમાં સાંબેલાધારે વરસાદે તારાજી સર્જી હતી. જિલ્લાના કેટલાક ગામમાં વીજપોલ પડી જતા વીજળી ગુલ થઈ હતી. લોકોને આપાતકાલિન સ્થિતિમાં કંટ્રોલરૂમમાં જાણ કરવા કલેકટરે અપીલ કરી હતી. તમામ સ્થિતિને પહોંચી વળવા પ્રશાસન સજ્જ હોવાની કલેકટરે ખાતરી આપી હતી.

20/08/2025 13:24:58

અમરેલી જિલ્લામાં ધોધમાર વરસાદ

અમરેલી જિલ્લામાં ધોધમાર વરસાદથી જળબંબાકારની સ્થિતિ પેદા થઈ હતી. સાવરકુંડલા-મહુવા નેશનલ હાઈવે બંધ કરાયો હતો. ડાયવર્ઝનની કામગીરીને પગલે વરસાદના પાણી ફરી વળ્યા હતા. સાવરકુંડલા-મહુવા હાઈવે બંધ થતા વાહન ચાલકો અટવાયા હતા.

20/08/2025 13:24:40

જૂનાગઢના વંથલી, મેંદરડા, કેશોદમાં ધોધમાર વરસાદ

જૂનાગઢના વંથલી, મેંદરડા, કેશોદમાં ધોધમાર વરસાદ વરસી રહ્યો છે. આજે મેંદરડામાં સૌથી વધુ 12.5 ઈંચ વરસાદ વરસ્યો હતો. વરસાદના કારણે જૂનાગઢમાં નવ રસ્તા બંધ કરાયા હતા. જૂનાગઢમાં નીચાણવાળા 52 ગામોને એલર્ટ કરાયા હતા. માણાવદર-વંથલી તાલુકાના 35 ગામનો સંપર્ક તૂટ્યો હતો.

20/08/2025 13:24:23

જૂનાગઢમાં ભારે વરસાદના કારણે એસટી સેવા પ્રભાવિત

જૂનાગઢમાં ભારે વરસાદના કારણે એસટી સેવા પ્રભાવિત થઈ હતી. માણાવદરના 7 એસટી રૂટ હાલ બંધ કરાયા હતા. મેંદરડાના 5, કેશોદના 3 એસટી રૂટ બંધ કરાયા હતા. ભારે વરસાદના કારણે તમામ રસ્તાઓ પર પાણી ભરાઈ ગયા હતા. ભારે વરસાદથી વાહન વ્યવહારને મોટી અસર થઈ છે.

20/08/2025 13:24:02

જેતપુર-સોમનાથ નેશનલ હાઈવે પર પાણી ભરાયા

ભારે વરસાદના કારણે જૂનાગઢમાં જેતપુર-સોમનાથ નેશનલ હાઈવે પર પાણી ભરાયા હતા. સોમનાથથી જેતપુર જતા હાઈવે પર પાણી ભરાતા વાહન ચાલકો અટવાયા હતા. મેંદરડા તાલુકામા ચાર કલાકમાં 10 ઈંચ વરસાદ વરસ્યો હતો. તે સિવાય છેલ્લા 24 કલાકમાં દ્વારકામાં 11 ઈં ચવરસાદ વરસ્યો હતો. વંથલીમાં 5 ઈંચ, કેશોદમાં 4 ઈંચ, પોરબંદર તાલુકામાં 4 ઈંચ, માંગરોળમાં 3.74 ઈંચ વરસાદ, સુત્રાપાડા તાલુકામાં 3.35 ઈંચ વરસાદ વરસ્યો હતો.

20/08/2025 13:23:43

ભાવનગરના ઠાંસા ગામ જળબંબાકાર

ભાવનગરના ઠાંસા ગામમાં જળબંબાકાર થયું હતું. ભારે વરસાદના કારણે ઠાંસા ગામમાં અનેક મકાનોમાં પાણી ઘૂસ્યા હતા. ઠાંસા ગામના મંદિરમાં પણ પાણી ભરાયા હતા. 

20/08/2025 12:27:05

પોરબંદર પંથકમાં ભારે પવન સાથે ધોધમાર વરસાદ

પોરબંદર પંથકમાં ભારે પવન સાથે ધોધમાર વરસાદ વરસ્યો હતો. સવારે ત્રણ કલાકમાં ત્રણ ઈંચ સુધીનો વરસાદ ખાબક્યો હતો. સુદામા ચોક, વાડિયા રોડ, હોસ્પિટલ રોડ વિસ્તારમાં પાણી ભરાયા હતા.

20/08/2025 12:18:52

ત્રણ બોટ ડૂબતા 11 માછીમાર દરિયામાં લાપતા

અમરેલીના જાફરાબાદના દરિયામાં જબરદસ્ત કરંટ જોવા મળી રહ્યો છે. દરિયામાં ભારે પવનથી અનેક માછીમારોની બોટ દરિયામાં અટવાઈ હતી. જાફારાબાદ દરિયાકિનારે 500થી 600 બોટ દરિયા કિનારે લાંગરી દેવાઈ હતી. જાફરાબાદ માછીમારોની 60થી 70 બોટ હજુ પણ દરિયામાં છે. મંગળવારના ત્રણ બોટ ડૂબતા 11 માછીમાર દરિયામાં લાપતા થયા હતા. જિલ્લા કલેકટરે ધારાસભ્ય અને માછીમાર આગેવાનો સાથે ચર્ચા કરી હતી. લાપતા માછીમારોની સુરક્ષા એજન્સીઓ શોધખોળ કરી રહી છે. મરીન પોલીસ, કોસ્ટગાર્ડ અને ફિશરીઝ વિભાગે શોધખોળ શરૂ કરી હતી.

20/08/2025 12:14:47

ગીર સોમનાથ જિલ્લામાં સાર્વત્રિક વરસાદથી જળબંબાકાર

ગીર સોમનાથ જિલ્લામાં સાર્વત્રિક વરસાદથી જળબંબાકારની સ્થિતિ સર્જાઈ  હતી. જિલ્લાના ગ્રામ્ય વિસ્તારમાં સાંબેલાધારે વરસાદે તારાજી સર્જી હતી. જિલ્લાના કેટલાક ગામમાં વીજપોલ પડી જતા વીજળી ગુલ થઈ હતી. લોકોને આપાતકાલિન સ્થિતિમાં કંટ્રોલરૂમમાં જાણ કરવા કલેકટરે અપીલ કરી હતી. તમામ સ્થિતિને પહોંચી વળવા પ્રશાસન સજ્જ હોવાની કલેકટરે ખાતરી આપી હતી.

 

 

 

20/08/2025 12:09:53

ગીર સોમનાથના વેરાવળમાં ધોધમાર વરસાદ

ગીર સોમનાથના વેરાવળમાં ધોધમાર વરસાદ વરસ્યો હતો. ભારે વરસાદના કારણે સોમનાથ-વેરાવળ નેશનલ હાઈવે પર પાણી ફરી વળ્યા હતા. હાઈવે પર પાણી ફરી વળતા વાહન ચાલકોને હાલાકીનો સામનો કરવો પડી રહ્યો છે.

20/08/2025 12:09:06

ભારે વરસાદના કારણે જૂનાગઢ-મેંદરડા રોડ બંધ

ભારે વરસાદના કારણે જૂનાગઢ-મેંદરડા રોડ બંધ કરાયો હતો. વરસાદને પગલે ઓઝત નદીનું રૌદ્ર સ્વરૂપ જોવા મળી રહ્યું છે. ભાટીયા નજીક કોઝવે પર પાણી ફરી વળ્યા હતા. કોઝવે પર પાણી ફરી વળતા જૂનાગઢ-મેંદરડા રોડ બંધ કરાયો હતો. જેના કારણે ભાટીયા, નવાગામ, બોડકા સહિતના ગામોને અસર થઈ હતી.

20/08/2025 12:08:51

કેશોદમાં 2 કલાકમાં ખાબક્યો ત્રણ ઈંચ વરસાદ

કેશોદમાં 2 કલાકમાં ખાબક્યો ત્રણ ઈંચ વરસાદ તો વંથલીમાં 2 કલાકમાં 2.87 ઈંચ વરસાદ ખાબક્યો હતો. દાત્રાણા-બગડું જતો રસ્તો બંધ કરાયો હતો. 35થી 40 લોકોને સાવચેતીના ભાગરૂપે સલામત સ્થળે ખસેડાયા હતા. મીઠાપુર, દાત્રાણા ગામે પણ પાણી ભરાયા હતા.

20/08/2025 12:08:23

મેંદરડા તાલુકાના ગ્રામ્ય વિસ્તારો પાણી પાણી

મેંદરડા તાલુકાના ગ્રામ્ય વિસ્તારો પાણી પાણી થઈ ગયા હતા. જૂનાગઢ બગડું ગામેથી પસાર થતી બંધુકિયા નદીમાં ઘોડાપૂર આવ્યું હતું. મેંદરડાના ચિરોડા, ચોરેશ્વરમાં મૂશળધાર વરસાદ વરસ્યો હતો.

20/08/2025 12:08:23

મેંદરડા તાલુકાના ગ્રામ્ય વિસ્તારો પાણી પાણી

મેંદરડા તાલુકાના ગ્રામ્ય વિસ્તારો પાણી પાણી થઈ ગયા હતા. જૂનાગઢ બગડું ગામેથી પસાર થતી બંધુકિયા નદીમાં ઘોડાપૂર આવ્યું હતું. મેંદરડાના ચિરોડા, ચોરેશ્વરમાં મૂશળધાર વરસાદ વરસ્યો હતો.

20/08/2025 12:07:56

જૂનાગઢના મેંદરડામાં આભ ફાટ્યું હતું

જૂનાગઢના મેંદરડામાં આભ ફાટ્યું હતું. મેંદરડા તાલુકામાં 10 ઈંચ વરસાદ ખાબક્યો હતો. મેંદરડા તાલુકાની તમામ સ્કૂલોમાં રજા જાહેર કરાઈ હતી. 10 ઈંચ વરસાદથી મેંદરડામાં જળબંબાકારની સ્થિતિ પેદા થઈ ગઇ હતી. મૂશળધાર વરસાદથી મેંદરડામાં નદી-નાળા છલકાયા હતા.