આવતીકાલે કચ્છ અને સૌરાષ્ટ્રના કેટલાક વિસ્તારોમાં અતિભારે વરસાદ વરસી શકે છે.. ઉપરાંત મધ્ય ગુજરાતના કેટલાક વિસ્તારોમાં પણ વરસાદ પડી શકે છે. આ ઉપરાંત અમદાવાદમાં પણ ભારે વરસાદની આગાહી કરવામાં આવી છે.
રાજ્યમાં અત્યાર સુધી સીઝનનો 91 ટકા વરસાદ વરસી ચૂક્યો છે. જેમાં કચ્છમાં સૌથી વધુ 159.12 ટકા વરસાદ વરસ્યો છે. ગુજરાતમાં સાર્વત્રિક મેઘમહેરથી 66 ડેમો છલોછલ ભરાયા અને 105 ડેમ હાઈએલર્ટ પર છે.
ભારે વરસાદના પગલે રાજયના 102 રસ્તા બંધ થયા છે. જેમાં 6 સ્ટેટ હાઈવે અને પંચાયત હસ્તકના 93 રસ્તાઓનો સમાવેશ થાય છે. સૌથી વધુ જૂનાગઢ અને વડોદરાના 9-9 રસ્તાઓ બંધ છે.