Rain Live Update: પોરબંદર અને દેવભૂમિ દ્વારકામાં જળબંબાકારની સ્થિતિ, શાળા જાહેર કરાઇ રજા, જાણો વધુ અપડેટ
હવામાન વિભાગે દક્ષિણ ગુજરાતના આ ત્રણ જિલ્લામાં ભારે વરસાદની આગાહી કરતા રેડ એલર્ટ જાહેર કર્યું છે.
એબીપી અસ્મિતા વેબ ટીમ Last Updated: 20 Jul 2024 03:27 PM
બ્રેકગ્રાઉન્ડ
Rain Live Update: 19 જુલાઇએ સૌરાષ્ટ્રમાં ભારે વરસાદ બાદ 20 જુલાઇએ એટલે કે આજે પણ (Meteorological Department) હવામાન વિભાગે સૌરાષ્ટ્રમાં ભારે વરસાદને (rain) લઇને રેડ એલર્ટ જાહેર કર્યું છે. અત્યંત ભારે...More
Rain Live Update: 19 જુલાઇએ સૌરાષ્ટ્રમાં ભારે વરસાદ બાદ 20 જુલાઇએ એટલે કે આજે પણ (Meteorological Department) હવામાન વિભાગે સૌરાષ્ટ્રમાં ભારે વરસાદને (rain) લઇને રેડ એલર્ટ જાહેર કર્યું છે. અત્યંત ભારે વરસાદની હવામાન વિભાગે (Meteorological Department) આગાહી વ્યક્ત કરી છે. દક્ષિણ ગુજરાતમાં..સુરત, નવસારી અને વલસાડ જિલ્લાના અમુક સ્થળોએ અત્યંત ભારે વરસાદનું અનુમાન rain forecast)છે.સંઘ પ્રદેશ દમણ અને દાદરાનગર હવેલીમાં પણ આજે અત્યંત ભારે વરસાદને લઇને હવામાન વિભાગે રેડ એલર્ટ જાહેર કર્યુ છે. તો પ્રવાસન સ્થળ દીવમાં પણ ભારે વરસાદનું ( rain heavy) અનુમાન છે. સૌરાષ્ટ્રના છ જિલ્લામાં આજે વરસાદનું ઓરેન્જ એલર્ટ જાહેર કરવામાં આવ્યું છે. દેવભૂમિ દ્વારકા, પોરબંદર, જૂનાગઢ, રાજકોટ, અમરેલી અને ગીર સોમનાથમાં ભારેથી અતિભારે વરસાદ (rain heavy) વરસી શકે છે..રાજ્યના નવ જિલ્લાના છુટાછવાયા સ્થળોએ ભારે વરસાદની આગાહીને પગલે હવામાન વિભાગે યલો એલર્ટ જાહેર કર્યુ છે.કચ્છ,જામનગર, ભાવનગર, સાબરકાંઠા અને અરવલ્લીમાં વરસાદનું યલો એલર્ટ છે. તો દક્ષિણ ગુજરાતના ચાર જિલ્લામાં ભારે વરસાદનું યલો એલર્ટ જાહેર કરવામાં આવ્યું છે. .. ભરૂચ, નર્મદા, તાપી અને ડાંગ જિલ્લામાં છુટાછવાયા સ્થળોએ વરસાદની શક્યતાને જોતા યલો એલર્ય જાહેર કરવામાં આવ્યું છે.દેશના 8 રાજ્યોમાં વરસાદની આગાહીદેશની વાત કરીએ તો દેશના આઠથી વધુ રાજ્યોમાં આજે વરસાદ વરસી શકે છે, માયાનગર મુંબઈમાં મધ્યમથી ભારેની શક્યતા છે તો તો દિલ્લી, યુપી,બિહાર, પશ્ચિમ બંગાળ, પંજાબ,હરિયાણામાં હળવાથી મધ્યમ વરસાદની ભારતીય હવામાન વિભાગે આગાહી વ્યક્ત કરી છે.આંધ્રપ્રદેશના એલુરુમાં વરસાદી પાણીમાં સ્કૂલ બસ ફસાઇ જતાં વિદ્યાર્થી અને વાલી જીવ અદ્ધર થઇ ગયા હતા. જો કે સ્થાનિક લોકોએ બસને ધક્કો મારીને પૂરના પાણીમાંથી બહાર કાઢી હતી. આ રીતે બસમાં સવાર તમામ વિદ્યાર્થીઓ આબાદ બચાવ થયો હતો. છત્તીસગઢના બસ્તરમાં ભારે વરસાદથી ચારેય તરફ જળબંબાકારની સ્થિતિ સર્જાઇ છે. ભારે પવન સાથે વરસાદ વરસતા કેટલાક વૃક્ષો જમીનદોસ્ત થયા હતા. વૃક્ષો જમીનદોસ્ત થતા ચારથી પાંચ વાહનો પણ ક્ષતિગ્રસ્ત થયા હતા.એક કલાક વરસેલા વરસાદથી મધ્યપ્રદેશનું વિદિશા પણ પાણી પાણી થયું. રામલીલા મેદાન, મુખ્ય બજારો સહિત નીચાણવાળા કેટલાક વિસ્તારો જળબંબાકાર થયા રસ્તા પર નદીઓ વહેતી હોય તેવા દ્રશ્યો સર્જાયા.
Gujarat Rain live update: દ્રારકામાં બારેમેઘખાંગા, અનેક ગામ બેટમાં ફેરવાયા
હવામાન વિભાગની આગાહી વચ્ચે દ્વારકામાં મેઘતાંડવની સ્થિતિ છે. ધોધમાર વરસાદથી દ્વારકાનો ગ્રામ્ય વિસ્તાર પ્રભાવિત થયો છે. અનેક ગામ બેટમાં ફેરવાયા છે. અને રસ્તાઓ રસ્તા જળમગ્ન બન્યા છે. ચરકલા માર્ગ પરના ગામડાઓમાં વરસાદી પાણી ભરાયા છે. ચરકલા નજીક ફસાયેલા લોકોનું રેસ્ક્યૂ ઑપરેશન કરવામાં આવ્યું હતું.