પંચમહાલ જિલ્લામાં જાંબુઘોડામાં સવા બે ઇંચ વરસાદ વરસ્યો હતો જ્યારે ઘોઘંબામાં પોણા બે ઈંચ વરસાદ વરસ્યો હતો. જિલ્લાના શહેરામાં 13 મીમી વરસાદ વરસ્યો હતો જ્યારે કાલોલમાં 11 મીમી વરસાદ વરસ્યો હતો. હાલોલ પંથકમાં વહેલી સવારથી વરસેલા વરસાદના પગલે હાલોલના કંજરી રોડ પર આવેલી લકુલીશ સોસાયટીમાં રોડ પર પાણી ફરી વળ્યા હતા.
ઉપરવાસમાં વરસેલા ભારે વરસાદના પગલે વડોદરાને પીવાનું પાણી પુરૂ પાડતાં આજવા સરોવરની સપાટીમાં વધારો થયો છે. પાવાગઢના ડુંગર પર વરસાદ વરસતા આજવા સરોવરના સ્ત્રાવ વિસ્તારમાં અને પ્રતાપ સરોવર વિસ્તારમાં નોંધપાત્ર વરસાદ થયો હતો. આ વરસાદના પગલે આજવા સરોવરમાં 200 મિ.મી પામીનો વધારો થયો છે. આજવામાં નવા નીર આવતા સરોવરની સપાટી 206.35 ફૂટ નોંધાઈ હતી.