મંગળવારે અમદાવાદ સહિત વિવિધ જગ્યાએ વરસાદ તૂટી પડ્યો હતો તેવો જ વરસાદ આજે ગુજરાતમાં થાય તેવી આગાહી કરવામાં આવી છે. હવામાન વિભાગ પ્રમાણે, આગામી 48 કલાક ગુજરાતમાં ભારેથી અતિભારે વરસાદની આગાહી કરી છે. જેમાં અમદાવાદનો પણ સમાવેશ થાય છે જ્યારે સૌરાષ્ટ્ર, મધ્ય અને દક્ષિણ ગુજરાતનો સમાવેશ થાય છે.
આજે અમદાવાદમાં ભારે વરસાદ પડવાની સંભાવના છે. આ ઉપરાંત ભરૂચ, સુરત, આણંદ, વડોદરા, નર્મદા, પંચમહાલ, દાહોદ, નર્મદા, છોટા ઉદેપુર, ડાંગ, નવસારી, તાપી, દાદરા નગર હવેલી, દમણમાં ભારેથી અતિભારે વરસાદની સંભાવના છે. જ્યારે સૌરાષ્ટ્રના પોરબંદર, અમરેલી, ભાવનગર, દેવભૂમી દ્વારકા, ગીર સોમનાથમાં પણ તોફાની વરસાદ વરસી શકે છે.
આવતીકાલે નર્મદા, ભરૂચ, સુરત સહિત ગુજરાતનાં કેટલાંક ભાગોમાં ભારેથી અતિભારે વરસાદ વરસી શકે છે. અમદાવાદમાં જે રીતે ગઈકાલે કાળું આકાશ થયા બાદ વરસાદ તૂટી પડ્યો હતો તેવો વરસાદ થવાની પણ સંભાવના વધુ છે.