ગુજરાતમાં વરસાદના ચોથા રાઉન્ડમાં દક્ષિણ ગુજરાતમાં ધોધમાર વરસાદ પડ્યો છે. નવસારી શહેરમાં ભારે વરસાદને પગલે પાણી ભરાઈ ગયા છે. અહીં રાત્રે 6 કલાકમાં 11 ઇંચ વરસાદ પડ્યો હતો. ભારે વરસાદને પગલે નીચાણવાળા વિસ્તારોમાં પાણી ભરાઈ ગયા હતા. ઘરોમાં પાણી ભરાતા જનજીવન પ્રભાવિત થયું છે.
Navsari Rain: ૪ કલાકમાં ૯ ઇંચ થી વધુ વરસાદ પડતા વહીવટી તંત્ર એક્શનમાં આવ્યું છે. નવસારી શહેરમાં રાત્રે ૧૦ થી ૧ દરમિયાન પડેલા ભારે વરસાદને ધ્યાને લઈ જાહેર જનતાને સલામત સ્થળે રહેવા જિલ્લા કલેકટરે અપીલ કરી છે. આપાતકાલીન સંજોગોને પહોંચી વળવા જિલ્લામાં કંટ્રોલ રૂમ શરૂ કરવામાં આવ્યાં છે. આ માટે ૦૨૬૩૭-૨૫૯૪૦૧/૨૩૩૦૦૨ તથા ટોલ ફ્રી નં. ૧૦૭૭ પર સંપર્ક કરવા લોકોને અપીલ કરવામાં આવી રહી છે.
નવસારીમાં એક ndrfની ટીમને પણ સ્ટેન્ડ બાય રાખવામાં આવી છે. અધિકારીઓને પણ હેડ ક્વાર્ટર ન છોડવા માટે સૂચના આપવામાં આવી છે.
ભારે વરસાદને પગલે વહીવટી તંત્ર એલર્ટ મોડ પર આવી ને તમામ શાળામાં રજા જાહેર કરી છે. ઉપરવાસમાં પડી રહેલા વરસાદના કારણે નવસારીમાંથી પસાર થતી નદીઓમાં પૂરની પરિસ્થિતિ ઉભી થઈ છે. પૂર્ણા નદીની સપાટી 22 ફૂટ ને પાર કરી ગઈ છે. પૂર્ણા નદી એની ભયજનક સપાટી થી 1 મીટર દૂર છે. નીચાણ વાળા વિસ્તારોમાં એલર્ટ જાહેર કરવામાં આવ્યું છે. શહેરના નિચાણવાળા વિસ્તારોમાં પાણી ભરાવાની શરૂઆત થઈ છે.
ડાંગ જિલ્લામાં સાર્વત્રિક વરસાદ પડ્યો
2 કલાકમાં આહવામાં 2 ઇંચ વરસાદ
સુબીર તાલુકામાં અઢી ઇંચ વરસાદ
વઘઈમાં એક ઇંચ વરસાદ વરસ્યો
સાપુતારામાં અડધો ઇંચ વરસાદ વરસ્યો
તાપીમાં વરસાદ
તાપીના વ્યારામાં 4 ઇંચ વરસાદ વરસ્યો
તાપીના વાલોડમાં 5 ઇંચ વરસાદ વરસ્યો
તાપીના સોનગઢમાં 5 ઇંચ વરસાદ વરસ્યો
તાપીના ડોલવણમાં 2, ઉચ્છલમાં દોઢ ઇંચ
રાત્રે 2થી 4 વાગ્યા સુધીમાં 44 તાલુકામાં વરસાદ
સુરતના મહુવામાં 2 ઇંચ વરસાદ વરસ્યો
સુરતના પલસાણામાં 2 ઇંચ વરસાદ વરસ્યો
વલસાડના ઉમરગામમાં 2 ઇંચ વરસાદ વરસ્યો
તાપીના સોનગઢમાં 2 ઇંચ વરસાદ વરસ્યો
સુરતના માંડવીમાં 2 ઇંચ વરસાદ વરસ્યો
ભરૂચના અંકલેશ્વરમાં દોઢ ઇંચ વરસાદ વરસ્યો
28 જુલાઈએ નવસારી, વલસાડ,દમણ અને દાદરાનગરહવેલી માં અતિભારે વરસાદનો અનુમાન છે. સુરત ,ડાંગ અને તાપીમાં પણ ભારે વરસાદનું અનુમાન છે. શેર ઝોન છે જેના કારણે 2 દિવસ વરસાદ રહેશે. વરસાદના અનુમાનના કારણે આગામી 5 દિવસ માછીમારોને દરિયો ન ખેડવા સૂચના આપવામાં આવી છે. દરિયાકાંઠા વિસ્તારોમાં 45 થી 60 કિમી ની ઝડપે પવન ફૂકાશે. દક્ષિમ ગુજરાત સાથે અમદાવાદ અને ગાંધીનગરમાં પણ સામાન્ય છૂટા છવાયા વરસાદનો અનુમાન છે.