આગામી 48 કલાકમાં ગુજરાતમાં કઈ-કઈ જગ્યાએ થશે ધોધમાર વરસાદ? જાણો હવામાન વિભાગે શું કરી મોટી આગાહી?

સાક્લોનિક સરક્યુલેશનની સિસ્ટમ મધ્યપ્રદેશ અને રાજસ્થાન ઉપર સક્રિય થઈ છે. જેને લઈને ગુજરાતમાં વરસાદ પડી રહ્યો છે અને આગામી 48 કલાકમાં ભારે વરસાદની આગાહી હવામાન વિભાગે કરી છે.

અમદાવાદ: લાંબા વિરામ બાદ ગુજરાતમાં મેઘરાજાની ફરી એકવાર રી-એન્ટ્રી થઈ છે. સાયક્લોનિક સરક્યુલેશનની બે સિસ્ટમ સક્રિય થઈ ગઈ છે. સાક્લોનિક સરક્યુલેશનની સિસ્ટમ મધ્યપ્રદેશ અને રાજસ્થાન ઉપર સક્રિય થઈ છે. જેને લઈને ગુજરાતમાં વરસાદ પડી રહ્યો છે અને આગામી 48 કલાકમાં ભારે વરસાદની આગાહી હવામાન વિભાગે કરી છે.

ભારેથી અતિભારે વરસાદ સૌરાષ્ટ્ર અને દક્ષિણ ગુજરાતમાં પડે તેવી સંભાવના છે. સુરત, તાપી, નવસારી, ડાંગ, વલસાડ, દમણ, પરોબંદર, રાજકોટ, અમરેલી, જુનાગઢ, ભાવનગર અને ગીર સોમનાથ જિલ્લામાં ભારેથી અતિભારે વરસાદ પડે તેવું હવામાન વિભાગે કહ્યું છે.

ઉતર ગુજરાતમાં પાટણ, સાબરકાંઠા, બનાસકાંઠા જિલ્લામાં પણ વરસાદની આગાહી હવામાન વિભાગે કરી છે. લાંબા વિરામ બાદ વરસાદનું આગમન થતાં ખેડૂતો ખુશ જોવા મળ્યાં છે.

સાક્લોનિક સરક્યુલેશનની સિસ્ટમના કારણે ભારેથી અતિભારે વરસાદ પડે તેવું હવામાન વિભાગનું અનુમાન છે. કેટલાંક વિસ્તારમાં સામાન્યથી મધ્યમ વરસાદ થશે. છેલ્લા બે દિવસથી ગુજરાતમાં ભારે વરસાદ થતાં ખેડૂતોમાં ખુશી જોવા મળી છે.