ગુજરાતમાં ફરી માવઠાની શક્યતા, જાણો હવામાન નિષ્ણાંત પરેશ ગોસ્વામીની લેટેસ્ટ આગાહી

હવામાન નિષ્ણાંત પરેશ ગોસ્વામીએ રાજ્યમાં માવઠાને લઈ આગાહી કરી છે.  પરેશ ગોસ્વામીના જણાવ્યા અનુસાર, આગામી ફેબ્રુઆરીના પ્રથમ  સપ્તાહમાં રાજ્યના કેટલાક ભાગમાં માવઠું થઈ શકે છે.

અમદાવાદ : ગુજરાતમાં ઘણા સમયથી ઠંડીમાં ઘટાડો થયો છે. હાલમાં મિશ્ર ઋતુનો અનુભવ થઈ રહ્યો છે.  આ કારણે દિવસે ગરમી અને રાત્રે ઠંડી લાગે છે.  હવામાન નિષ્ણાંત પરેશ ગોસ્વામીએ રાજ્યમાં માવઠાને લઈ આગાહી કરી છે.  પરેશ ગોસ્વામીના જણાવ્યા અનુસાર, આગામી ફેબ્રુઆરીના પ્રથમ  સપ્તાહમાં રાજ્યના કેટલાક ભાગમાં માવઠું થઈ શકે છે, જ્યારે કેટલાક વિસ્તોરમાં વાદળછાયું વાતાવરણ રહેશે. 

ગુજરાત પર માવઠાનું સંકટ

હવામાન નિષ્ણાંત પરેશ ગોસ્વામીના જણાવ્યા અનુસાર, ફેબ્રુઆરી મહિનાના પ્રથમ સપ્તાહમાં ગુજરાતના અનેક વિસ્તારોમાં માવઠાની શક્યતા છે. જેમાં ઉત્તર ભારતના પહાડી પ્રદેશોમાં એક મજબૂત વેસ્ટર્ન ડિસ્ટર્બન્સ પસાર થઈ રહ્યું છે. આ વેસ્ટર્ન ડિસ્ટર્બન્સની અસરના કારણે ગુજરાત પર માવઠાનું સંકટ છે. આ  કારણે રાજ્યના અનેક વિસ્તારમાં 3,4 અને 5 ફેબ્રુઆરીના દિવસે અલગ-અલગ વિસ્તારોમાં માવઠાની શક્યતા વ્યક્ત કરવામાં આવી છે. 

સૌરાષ્ટ્ર અને મધ્ય-ઉત્તર ગુજરાતમાં અસર જોવા જોવા મળશે

વધુમાં તેમણે જણાવ્યું કે,  માવઠાની સૌથી વધુ અસર સૌરાષ્ટ્ર અને મધ્ય-ઉત્તર ગુજરાતમાં જોવા મળી શકે છે. ઉત્તર ગુજરાતમાં  બનાસકાંઠા, મહેસાણા, થરાદ અને સાબરકાંઠામાં માવઠાની શક્યતા છે.  મધ્ય ગુજરાતમાં ગાંધીનગર અને અમદાવાદ 3, 4 તારીખે એકદમ સામાન્ય છૂટાછવાયા વરસાદી ઝાપટા પડી શકે છે. આણંદ, નડિયાદ, ખેડા અને વડોદરામાં પણ 4 ફેબ્રુઆરીના રોજ  ઝાપટું પડી શકે છે.

હવામાન નિષ્ણાંત પરેશ ગોસ્વામીએ વધુમાં જણાવ્યું કે, સૌરાષ્ટ્રમાં જામનગર, મોરબી, સુરેન્દ્રનગર, દ્વારકા, બોટાદ, ભાવનગર, રાજકોટ અને જૂનાગઢમાં 3 અને 4 તારીખે મધ્યમથી સામાન્ય ઝાપટાં પડે તેવી શક્યતા  છે. જ્યારે  અરવલ્લી, મહિસાગર અને દાહોદ જેવા વિસ્તારમાં વાદળછાયું વાતાવરણ રહેશે. સાથે જ  દક્ષિણ ગુજરાતમાં રાજપીપળા, સુરત અને વલસાડમાં 5 ફેબ્રુઆરીના રોજ હળવાથી સામાન્ય ઝાપટા પડે તેવી શક્યતાઓ રહેલી છે. 

અનેક વિસ્તારોમાં માવઠું થઈ શકે

ગુજરાતમાં ફેબ્રુઆરી મહિનાનું પ્રથમ સપ્તાહ અનેક વિસ્તારોમાં માવઠું થઈ શકે છે. આ દરમિયાન ગુજરાતના ખેડૂતોએ ફેબ્રુઆરીમાં પ્રથમ અઠવાડિયામાં ખેડૂતોએ સાવચેત રહેવું જોઈએ. માવઠાની સૌથી વધુ અસર સૌરાષ્ટ્ર, ઉત્તર-મધ્ય ગુજરાતમાં જોવા મળે તેવી આગાહી કરવામાં આવી છે. 

છેલ્લા કેટલાક સમયથી શુષ્ક વાતાવરણ ચાલી રહ્યું છે. થોડાક દિવસો પહેલા રાજ્યમાં કડકડતી ઠંડી પડવાની આગાહી કરવામાં આવી હતી. જે અનુસાર આજથી રાજ્યમાં ઠંડીનો વધુ એક રાઉન્ડ શરૂ થયો છે. ગુજરાતમાં ફરીથી અચાનક ઠંડી વધી ગઈ છે. 6 ડિગ્રી સાથે નલિયા સૌથી ઠંડુગાર શહેર બન્યું છે.