- અંબાલાલ પટેલના મતે, પૂનમના ચંદ્રગ્રહણની અસરથી ગુજરાત સરકાર અને દેશના રાજકારણમાં ડિસેમ્બર મહિના સુધી અસ્થિરતાનો માહોલ રહેશે.
- તેમણે ભવિષ્યવાણી કરી છે કે ગુજરાત રાજ્યના પ્રધાનમંડળમાં મોટા ફેરફારો થઈ શકે છે, જેમાં કેટલાક નેતાઓને તેમના પદ પરથી હટાવવામાં આવશે અથવા પડતા મૂકવામાં આવશે.
- અંબાલાલે રાજકીય નેતાઓને પોતાની સુરક્ષા અંગે કાળજી રાખવાની સલાહ આપી છે. તેમણે "રક્ત રંજીત બનાવો" બનવાની શક્યતા પણ વ્યક્ત કરી છે.
- તેમની આગાહી મુજબ, રાજ્યમાં આંદોલનો, હડતાલ અને તાળાબંધી જેવી ઘટનાઓ વેગ પકડશે, જે કાયદો અને વ્યવસ્થા માટે પડકારરૂપ બની શકે છે.
- અંબાલાલ પટેલે સરકારને કોઈપણ મોટા નિર્ણયો લેતા પહેલા ખૂબ ધ્યાન રાખવા જણાવ્યું છે, કારણ કે ખોટા નિર્ણયો પ્રજામાં અસંતોષ વધારી શકે છે.
Ambalal Patel Political prediction: હવામાન આગાહીઓ માટે જાણીતા જ્યોતિષી અંબાલાલ પટેલે પૂનમના ચંદ્રગ્રહણની રાજકીય અસરો અંગે સૌથી મોટી ભવિષ્યવાણી કરી છે. તેમણે જણાવ્યું છે કે આ ચંદ્રગ્રહણની અસર ફક્ત આકાશી ઘટના પૂરતી સીમિત નહીં રહે, પરંતુ તેની સીધી અસર રાજ્ય સરકાર અને દેશના રાજકારણ પર પણ જોવા મળશે. તેમની આગાહી મુજબ, આગામી ડિસેમ્બર મહિના સુધી રાજકીય વાતાવરણમાં મોટા ફેરફારો અને અસ્થિરતા સર્જાશે.
હવામાન નિષ્ણાત અંબાલાલ પટેલે પૂનમના ચંદ્રગ્રહણની અસર અંગે રાજકીય વર્તુળોમાં ચિંતા જગાવે તેવી આગાહીઓ કરી છે. તેમનું કહેવું છે કે આ ગ્રહણ સામાન્ય ઘટના નથી, પરંતુ તેની અસર રાજ્યના રાજકીય માળખા પર સ્પષ્ટપણે જોવા મળશે. આ અસર આગામી ડિસેમ્બર મહિના સુધી યથાવત રહેશે.
અંબાલાલ પટેલના મતે, આ સમયગાળા દરમિયાન ગુજરાત રાજ્યના પ્રધાનમંડળમાં ધરખમ ફેરફારો થવાની સંભાવના છે. ઘણા રાજકીય નેતાઓને તેમના પદ પરથી હટાવી દેવામાં આવી શકે છે અથવા તેમને પડતા મૂકવામાં આવશે. આ સાથે, રાજકારણમાં પક્ષા-પક્ષી અને આંતરિક વિવાદો ખૂબ વધશે, જેના કારણે સત્તા પક્ષમાં અસ્થિરતા સર્જાઈ શકે છે.
રાજકીય નેતાઓની સુરક્ષા અંગે પણ તેમણે ગંભીર ચિંતા વ્યક્ત કરી છે. અંબાલાલે જણાવ્યું છે કે નેતાઓએ પોતાની સુરક્ષા અંગે વિશેષ કાળજી રાખવી પડશે, કારણ કે અનિશ્ચિતતાનો માહોલ રહેશે. તેમણે રક્ત રંજીત બનાવો (લોહીયાળ ઘટનાઓ) બનવાની શક્યતાને પણ નકારી નથી, જે રાજકીય વાતાવરણને વધુ તંગ બનાવી શકે છે.
આ ગ્રહણની અસર ફક્ત રાજકીય નેતાઓ પૂરતી સીમિત નહીં રહે. અંબાલાલ પટેલે આગાહી કરી છે કે રાજ્યમાં આંદોલનો, હડતાલ અને તાળાબંધી જેવી ઘટનાઓ વેગ પકડશે. સરકારે કોઈપણ મોટા નિર્ણયો લેતા પહેલા ખૂબ ધ્યાન રાખવું પડશે, કારણ કે ખોટા નિર્ણયો પ્રજામાં અસંતોષ ફેલાવી શકે છે અને કાયદો અને વ્યવસ્થાની પરિસ્થિતિ બગડી શકે છે. આ ગ્રહણની અસર ગુજરાતની સાથે સાથે કેન્દ્ર સરકાર અને દેશના રાજકારણ પર પણ જોવા મળશે તેમ તેમણે ઉમેર્યું હતું.